Aisaia 21:17 - Godigo dwagi yai po buku

¹⁷ Te Kedar dabe augwali bomai ami bidi dabe augwali enesigi dali hwįbo bugagia mu koneai dao. Tiali goli, augwali dolaibao. Tama dwasianu bidi hani ami dabe naga bidaibao. Ena Genuai Bidi, Israel dabego God, eno po polo wali.”

Aisaia 21:17 Referans Kwoze

Sekaraia 1:6

Tiali goli eno po te profet sibi dabego pedauwalidu eno pedelaibao wali te sę dabe duga wąį dabeba polo pedelai dao. Augwaligo eno augwalibolo mani te po wali pai menio. Tama tialigo augwali te dolali dao. Tama nosali augwali homu begelama augwaligo e tama po wai dao, ‘God, Tigidali Bomo Elalubo Genuai Bidi, agai dabolo wali gilama tama agai dabolo dene mawai dao. Te dena dagede tama dao,’ augwaligo te po wali,” God Genuai Bidigo te po wai.

Aisaia 1:20

Tiali goli, dagego hagela elama, eno po sela sąyani da, teda boi bidi dabego dage ela muagasaibao. Ena Genuai Bidi, eno po polo wali.”

Israel Hanigo Namba 23:19

God da, aga te tǫde bidi mu menio. Godigo da bidigo yali gilama ili po me wabo menio. Agai homu da bidigo yali gilama me hasegelebo menio. Mu menio. Te agai magi sę me yainogo eyu, po dąų wali da, teda agai tama ebo dao. Agai te po wabogo naga te sę tama pedalobo dao.

Matyu 24:35

Te dagalu de tǫ si da, te silaibao, tiali goli eno po da, te munu me sia sogobeo,” Jisasgo te po wai.

Jeremaia 44:29

“‘Ena Genuai Bidi, eno po dolo obao, te eno dagebolo te nai me delide te tiwai ola mawaibao, te eno dene mabo sę dage te bulude bidibo sogo yaibao. Te sę ebo dagego suyu da, teda duga koneaibao, eno me geda mugobeo. Menio. Te eno po wali gilama, eno te dene mabo sę dageba yaibao.

Godigo Nogi Ugwaba Sabo Tęąbi Po Wabo Buku Dabe 107:39

Te boi bidi dabego augwali te hwįyu, aiyaba elaluama, te augwali hale emainu ebo sogo, tama augwali aiyaba mu elaluama, tama augwaliba dene mawai.

Jeremaia 49:28

Genuai Bidigo po te Kedar hanide me te wa pai tǫ pedai Hasorde elalubao. Te Babilon king Nebukatnesargo boi hwįnama, te hani dabe aiyaba elaluai. Hasia bolo God Genuai Bidigo te Kedargo boi bidi dabeba te po walali, “Dage hogodama, te Kedarba boi hwįgi pao. Te giliga pedalubo pedai badu te we bidi mu silao.

Aisaia 31:2

Tiali goli, agai me wiegi yai homu kolesaga elalubao. Tama agai dwai dene te dwai we bidibolo me dene ilaibao. Tigidali sogo Genuai Bidigo aga wali po wali naga pabo dao, hasegelegobeo. Agai te dwai bidi dabe dali, me te bidi dabe te dwai kolesaga ebo bidi dabe wali bilibo dabe dali, hwįaibao.

Aisaia 34:16

Te Genuai Bidigo buku tomoba sulama, nago te nai dabe elalubo po nedao. Tigidali hasa me ba dabe te bukude po wali gilama, te bulu Idomba bidagasaibao. Te me deli augwali me bidigobeo. Magi baso meni, Genuai Bidigo digi augwali asao wali. Te aga Mobo Bidigo augwali sisinama, te augwali odasa asaibao wali.

Aisaia 45:23

Ena Genuai Bidi, ena nogide digi daide ugwadu mu po obao, te eno pedauwalide wali po te me hasegelegobeo. Eno te tama po wali, te tǫde tigidali we bidi enaba aselama, te enaba kidu sugunagasaibao, te augwali tigidaligo ena dologode naga bidabo po dąų waibao, te po wai.