Aisaia 21:11 - Godigo dwagi yai po buku

¹¹ Te Genuai Bidigo te nai dabe me te hanu Dumade pedalabo po mani. Te bulu Idomde bidibo bage augwaligo i olama, hanaluyu, te po wali, “Tonalubo bidi, me sogo te hulialubo silaibawe? Mena sogo mu aga silaibawe?”

Aisaia 21:11 Referans Kwoze

Tigidali Nai Gagalama Nigali Side 25:14

Misma, Duma, Masa,

Amos 1:6

Genuai Bidigo wabo po e dao, “Hauwa sogo te taun Gasa we bidi dabe, te Filistia tǫ kantri bage, augwaligo dwai sęgę sabo sę idu geai. Augwaligo te tebode dwasianu toma me nabeo. Menio. Te Gasa dabego te bulu hani bage me deli sese selama, te kantri tǫ Idomba kalabus sę emainogo sela pali. Tialima, mu tama, eno te Gasa dabe augwaliba dwai dene mu mabo sę yaibao.

Joel 3:19

“Te Isip dabego tǫ te wa pai bulu pedelaibao, te Idom dabego tǫ da, te olo bulu tiwai pedelama, bidi tede me bidigobeo. Magi baso meni, te hani sigo te Juda dabe dali hwįnama, tama te magi dwai sę isąwai we bidi olodali elali.

Jeremaia 37:17

Tama nosali, Sedekaiago augwaliba walama, te Jeremaia odasa aselama, te kingo beba suagasao wali. Tialima, Sedekaiago agai yali sę augwaligo sumainogo me ebeo. Augwaduba si naga bididu, te Sedekaiago Jeremaiabolo te tiwai po hanalu wali, “Genuai Bidigo nagebolo po me deli maniwe, ma meniwe?” Tama Jeremaiago te po wali, “Awe, Genuai Bidigo po me deli mawai. Te po e tiwai dao. Augwaligo nage te Babilon kingo nogoba mueibao.”

Aisaia 21:6

Tama Genuai Bidigo enabolo te po walali, “Nago bidi me nage tonalumainu tama, nago dąį ilao, agai tonalumainu. Tama agai te mena tama nai agai suali agai nagebolo omainao.

Godigo Nogi Ugwaba Sabo Tęąbi Po Wabo Buku Dabe 137:7

Genuai Bidi, nago te Idom dabego yali kolesaga homugo ma kone palao, te augwa hwįani sogo te Jerusalem sai. Augwa te wali po ma homude koneao. Augwaligo te tama po wali, “Te Jerusalemde tigidali be me te tigidali aluama, tama tigidali dolao,” po wai dao.

Tuni Bidi Dabego Po Elalubo Buku Deli 1:30

me Misma, me Duma, me Masa, me Hadat, me Tema dao,

Bomai Po 2:5

Dagego augwali homu hogodama, te hwįainogo igimio. Magi baso meni. Eno augwaligo tǫ dage dwasianu dagebolo me magobeo. Menio. Eno te bulu du elalubo bulu Idom te Isogo wąį dabebolo naga polobadu mu mawai dao.

Israel Hanigo Namba 24:18

Agai te aga boi bidi dabe te Idom bulude dolama, tama augwaligo tǫ saibao. Tama te Israel dabego bomonama, aga Seir boi bidi dabe augwali aiyaba elaluyu yaibao.

Tigidali Nai Gagalama Nigali Side 32:3

Tama Jekopgo bidi meba te polasa te Seir tǫ te Idom hanu tǫ pedaiba te aga ama Iso bidibo digi te po sela pomainogo tagala palai.

Solomon 3:3

Te taun tonalubo bidi dabego augwa bilibo sę eyu, augwaligo ena suali. Te eno augwaliba hanalu wali, “Dagego eno abagi sualiwe, ma meniwe?”

Aisaia 21:12

Tama eno te po wei ponoyu, te po wali, “Te be da posaiba, tiali goli hulia siyu me yaibao. Tama dagego ma hanaluabo homu ebaso da, teda dage ma aselama, ma hanaluagasiąo,” wali.

Jeremaia 6:17

Tama Genuai Bidigo te po wai, “Eno te dage tau sabo tonalubo bidi nigilai dao. Tama eno te po wali, te sęgę pedelainu ebo sogo augwaligo te bu wabo nai biugel bu wai da obaso da, teda dagego bugagia odaluiąo.” Tialima, augwa te po wali, “Dago te tonalubo bidi dabego po me odogobeo,” po wai dao.

Tigidali Nai Gagalama Nigali Side 32:4

Tama agai augwalibolo te po sela pomainu ola mani, “Ena Jekop dao, ena te nago sę bidi dao. Eno ama Iso, nage da eno genuai bidi dao, te ena Laban dali osogo bidigi pai goli, tama ena bobage sogo tede bidama, tama megi ena ma asainogo ebao.

Josua 15:52

Te e tama hanu dabe me elaluali, Arap, Duma, Esan,

Esekiel 25:12

Genuai Bidigo te tama po wali, “Ena God Genuai Bidi, eno po obao, Idom dabego dwai kolesaga mu te Juda dabeba wei ponani, tialima te Idom dabego yali dwai sę te genuai mu igi pai dao.

Esekiel 33:7

“Tǫde bidio, eno nage Israel dabe tonalubo bidi nigilibao. Te eno bomai po augwalibolo pusabo po elalubaso da, teda eno nagebolo menama, tama nago augwalibolo pusa magameo.