Aisaia 21:1 - Godigo dwagi yai po buku

¹ Genuai Bidigo Babilon bulu dolaibao wabo po mani. Te genuai sęgę me, dene me, te nai meni yai wa pai bulude pedalaibao, te tǫ te bidi dabe wi elama, pąba pisąma ebo bulude. Agai te polo asaibao, te nai menia pai madi pobegebo wali tiwai bomai wali.

Aisaia 21:1 Referans Kwoze

Aisaia 14:23

Te eno te Babilon eno te hogomu poabo naigo poabo tiwai yaibao, te tigidali nai dola silibo hogomu poabo nai dao. Tama eno te Babilon sele pu bulu nigilaibao. Tama te dwai ba dabe naga bidagasaibao. Ena Tigidali Bomo Elalubo Genuai Bidi, eno po polo walio,” wali.

Jeremaia 51:42

Te boi bidi augwaligo Babilon halua saibao, te tamu ąį dinigo te ąį sane mesega sabo tiwai yaibao.

Aisaia 13:1

Godigo Babilon bulu dolabo homu yali, tama te po te nade ebo tiwai agai te po Aisaiabolo walalio, te Amosgo ogwabolo.

Sekaraia 9:14

Te Genuai Bidi aga we bidi augwali daiba ugadu hanilama pedelaibao, tama agai enesigi kekelama togolaibao, te agai enani ene dabe te be selego ula ebo tiwai yaibao. Tama God Genuai Bidigo te bu wabo nai biugel bu wabo si, te aga bomonama soyu, te aga bidali pesage saut badu tagalama, te wali dali tulubage si tomodu asaibao.

Aisaia 17:1

Genuai Bidigo te hanu Damaskus dolaibao po mani. Agai e tama po wali, “Te boi bidi dabego te Damaskus dolaibao, te Siria dabego genuai hanu, tama olo pobele bage pesage naga pesage holaluaibao.

Daniel 11:40

“Te tigidali dagalude me tǫde nai sia sabo sogo da, teda te saut tǫ badu te Isip kingo te Siria bulu tǫ te not badu bidali king dali hwį yagasaibao. Te polo tama te Siria tǫ kingo te hwįbo nai karis dabe, me hos, me te hwįbo sip dabe selama, tama asesa polo pelama, te Isip king dali te bomo elama, hwįgi painu yaibao. Agai te bulu tǫ kantri hauwa te ąį genuai asobo tiwai elama, aiyaba elalueibao.

Esekiel 31:12

Tama homu dene isąbo bidi hani dwai mu dabe mu aselama, tama te ni bǫ gelama, tǫba degelama, tama olo tǫde elalumainu yali. Tama agai nologo dabe da, te bulu du dabeba, me malu buluba, me bulu bubiabi togoaluai madi totogaluai dao. Tama te we bidi hani augwali polobadu te ni nologode polobadu duala sagasiyu yali, te bage augwaligo tagalama, subigila pepelawai dao.

Esekiel 30:11

Te Babilon dabe augwali te bidi hani dwai mu dao, te homu dene isąbo bage dao. Tama augwali aselama, tama Isip mu tama dolagasaibao. Te augwaligo augwali te bainat hwągo elama, tama isai bidi dabego tigi te Isip bulu tǫde mu pągąna paibao.

Jopgo Po Asęani Elalubo Buku 37:9

Te bomai wali dabe augwa pesagedu asobo gagalama, asobo dao. Tama te genuai waligo moni kedau sesebo sogo asobo dao.

Aisaia 5:28

Augwaligo ene da, mu poa pai. Tama augwaligo enesigi dolama, tama enabo no sealubuo. Augwaligo hos dabe da, boma pai mu dao. Tama te hos dabego sągąde kapa dabe te dila pai masigi tiwai, tama togwa pogobeo. Augwaligo karis dabe bomona mu pabo dao. Tama te karis wili dabe da, te wali ebo ąǫ ebo dao.

Esekiel 1:4

Eno ugwaba tonobadi, eno te genuai wali me haowa te not badu asobo suali, te be sele hauwa dali asobo suali. Te genuai ulago te haowa mu bagua selama, tama te ula te isi dabo tiwai bomo umagi mu yali, tama te haowago ula tomode te tigidaliba usu te brasgo ula ebo tiwai yalio.

Esekiel 38:9

Tama eno nage naga ami bidi dabe, me gasa kantri hauwago ami bidi dabe, dage te we bidi dabe dali hwįmainu eno dage tagala palobo sogo, teda dage te genuai wali me tulubage tiwai elama, dagego augwaligo tǫ te pǫgo mesega sabo tiwai yaibao.’ Nago te po te king bidi Gokbolo pusao,” wali.

Aisaia 13:13

Tama te sogo ena Tigidali Bomo Elalubo Genuai Bidi, ena te eno genuai posolai sębę dali mu asaibao. Tama eno dagalu dali, tǫ dali si mali ilaibao. Tama tǫ iba kila selama, tama aga pesage taga paibao.”

Aisaia 14:1

Genuai Bidigo aga Israel we bidi hobede ma elama, augwali tau siyu, tama augwali aga we bidi tiwai dąį ma ilaibao. Tama agai augwali augwa tǫba ma odasa paibao. Tama gasa hani we bidi augwali dali bidagaselama, tama augwali te Jekopgo hani dali taluama, augwali Israel we bidi mu pedelaibao.

Aisaia 14:14

Te ena te pǫ dabeba ugwaba mu holama, tama ena God tiwai ogwade mu bidaibao,’ nago te homu yai dao.”

Aisaia 47:1

Genuai Bidigo te tiwai po Babilonba wali, “Babilon, nago genuai nogi mu elalubo, te kwin we aga sia kingde dugulalubo tiwai ebao. Tama nage te gesi wegi bidigo sisąwai bugagia mu bidibo tiwai ebao. Tiali goli, megi da, te nage sia kingde bidali tagalama, te nage olo tǫ bulude dugulalueibao. Te nago tigi te polobadu elaluali tiwai gilama sawi yai me elalugobeo. Tama te bidi dabego nage te au bugagia elama, bilibo ma sugobeo. Mu meni yaibao.

Jeremaia 51:1

Genuai Bidigo e tiwai po wali, “Suao! Eno te bidi hani mebago homu hodolama, te nai hauwa dolomainogo yaibao, augwali te bomai wali tiwai asama, te tǫ kantri Babilon me aga we bidi dabeba hwįaibao.

Jeremaia 51:51

Megi da, dagego e tiwai po obao, “Da hale dwai mu yalio. Magi baso meni. Te bulu tǫ kantri bidi dabe augwali te Genuai Bidigo Tedali Gasagi Yai Mu Be Habu tomoba pai. Te augwaligo dabolo po dwai wali. Tibaso, da hale dwai mu ebao.” Megi dagego te tobage po obao.