Aisaia 20:2 - Godigo dwagi yai po buku

² Te kibu be sela polasa, te Asiria dabego te Filistia hanu dabe sabode, Genuai Bidigo Aisaiabolo hasia po wai dao, te Amosgo ogwabolo te kolesaga yabo po. Aisaia aga hobedai ugwa me aga sągą nadoba me gudubo tagalama, olo bilao po wali. Tama Aisaiago Genuai Bidigo po odama, tama tiai dao.

Aisaia 20:2 Referans Kwoze

Matyu 3:4

Jongo te moni kibu kamel nisigo te augwaligo nigai bobage ugwa munama, tama agai tigide te kugulu gudai. Tama agai te mano tiwai nai me te mege ąį te nai si tuyu bidai.

Maika 1:8

Tialima, Maikago te po wali, “Te sę dabe pedelaibao, tama tiyu, ena te haliga hobede eyu, gela waibao. Te eno sągą nadoba su me musiąma, te eno dwai pisila pai nami ugwa naga gudaibao,” wai. “Te eno homu dene eyu gela wabo, te yowigo goo wabo tiwai weyu, te haliga homu dene elama, te i wabo te ebigo dwai hwa wabo gilama yaibao,” po wai.

1 Samuel 19:24

Tama agai te aga ugwa dabe peda sąnama, te gasa bidi dabego ebo tiwai elama, tama aga me te profet dabego ebo kolesaga tiwai yali, te Samuel pąde tiali. Tama te giligade me, hulide me, aga te dwasianu ugwa name bea selama, tama pila mudali. Te sę te Solba pedelali, te po me deli page te bidi dabego pusali po elaluai. Te pogo te tiwai po wai, “Magi yaliwe? Te Sol me te profet pedalubo, agawe?” te po page te tama po wabo dao.

Sekaraia 13:4

Te sogo te profet po wabo bidi me deligo te aga na dabe yaide digi te homu pemene eyu, ma te profetgo gudubo ugwa gudulama te profetgo ebo kolesaga tiwai eyu, te we bidi tibo po ola mayu me tegobeo. Menio.

Esekiel 24:23

Te dagego ugwa tobolude belama, te sągąde nadoba bulama, paibao. Dagego te isali we bidide homu dene elama, gela wabo homu eyu tigobeo. Magi baso meni, te dagego duga digi yali sęgęde homu kone hauwa tųą pelama, te dagego tigi dabe te nomona saibao. Tama dagego duga haside digi hwąwa weyu tiaibao.

Esekiel 24:17

“Nago haligade naga hwąwa wao. Te bidi dabego nage odomainu me ilamuo. Tama nago te isai bidi dabede hobede ebo kolesaga dabe tiwai me elamuo. Te nago tobolude mubo ugwa name belama, te sągąde nadoba gudao, te naga sesemane sogo au ebo tiwai yao. Te nago pedauwali panigio. Te abagi dabego hobede ebo kolesaga wali peyu, te nageba nai sela asobo sę tiwai nago me elamuo dao.” Genuai Bidigo enabolo te po wali.

Maika 1:11

Dage te Safir we bidi, dage hale elama, te pisila pai ugwa gudama, te gasa tǫ kantriba te kalabus igi pabo tiwai yao. Te Sanan dabe wi dwai mu elama, te augwa taun tagalama, te buluba me teda soagobeo. Dagego te Betesel we bidi dabe gela wabo odobaso da, te dagego koneagameo, te badu te geme duala sigi pabo pesage me elalubeo.

Aisaia 13:1

Godigo Babilon bulu dolabo homu yali, tama te po te nade ebo tiwai agai te po Aisaiabolo walalio, te Amosgo ogwabolo.

Kraisgo Geme Dualali Sę Pedelabo Po Jonbolo Ola Mani 11:3

Tama Godigo enabolo te po wai, “Eno po pusabo te bidi si tagala palaibao. Tama te bidi sigo gudubo ugwa te beg nigali nami ugwa tama gudulama, tama eno po augwali sigo pususu pidubadi te polua bidi sese si olama me badu nogo si te 42 polua bideibao, te tama polua dabede bidada pali sogo nedali usu nama te bidi sese hauwa mu wabo nogi te 1,260 ulade bidibo tiwai si tama bideibao,” te po wai dao.

Godigo Sęba Tagala Palai Bidigo Po 19:16

Tama te dwai mobo elalubo bidi agai te bidi dabe dali bomonama mu hwįnama, agai augwali tigidali aiyaba elaluali. Tama augwaligo tigi agai mu dolali, augwaligo ugwa dabe pebeda sąyani, te augwali te be tagalama, wi pali, tama me badu augwaligo tigi olo wi pali. Magi basowe? Te bidigo augwaligo ugwa dabe pebeda sana silai dao.

Dwagi Yai Gesi Po Jongo Asęani 21:7

Te bidi me Jisas agai godolo ebo bidi, agai Pitabolo te po wai, “Te aga dago Genuai Bidi dao,” te po wai. Tama Saimon Pita aga ugwa dabe pebeda munama, te sę yai. Tama agai te po odai, “Te bidi aga dago Genuai Bidi dao” wabo, te po odobaso, Pita aga ugwa bea selama, tama aga te ąįba samonai.

Matyu 16:24

Tama te sogo Jisas aga wali pabo bidi dabe augwalibolo te po wai, “Te ena wali niwai bidi me deli asainu da, aga tobade aga digi aga homu aiyaba elaluama, tama agaba asobo niwai sęgę bugagia tolalu ena wali asao.

Te Israel me Juda Hani Sigo Tuni Bidigo Po Elalubo Buku Si 1:8

Tama augwaligo te po wei begelu e tiwai po wali, “Te bidi aga te hasa nisigo nigai bulubo ugwa bulai bidi dao,” wali, “tama aga te hasa usugaligo nigai kukulu gudai bidi dao,” wali. Kingo odama, tama agai te po wai, “Te bidi aga te Godigo po pusubo profet bidi Elaija da,” wali.

2 Samuel 6:20

Tama Devit aga beba ma pelama, te aga hani sibi wiegi yai ilimainu, te Godiba hanalugi peyu pali. Tama Mikal te bedu buluba dia solama, tama aga dali deliba gesabidi ilama, tama agai te po wali, “Ae, te Israel kingo te aga genuai nogi ola mayu, tama te bugagia sasa mano pali. Tama aga ofisa dabego olo sę ebo we dabego gedude te aga hale gagolobo sę ebo sumainu yalio. Nago te tama tiali, te homu kolesaga meni yai bidigo ebo tiwai yali dao,” te we Mikalgo te po wali.

Josua 5:15

Tama Genuai Bidigo ami bidi keptengo Josuabolo te po wai, “Nago naga sągą nadoba dįą sąyao. Magi baso meni, te nage dolalubo tǫ, te gasa wiegi yai tedali mu elalubao.” Tama Josuago te tiwai tama yai.

Ma Dobola Sali 3:5

Tama Godigo te po wai, “Nage pąba aselamo dao. Tama nago sągą nadoba dią muao. Magi baso meni, te megi nage dolalubo tǫ te eno tedali gasagi yai tǫ, tama te tǫ eno habu selai tǫ dao.

Godigo Sęba Tagala Palai Bidigo Po 21:11

Tama aga da pageba aselama, agai Polgo kugulu selama, tama Agabus aga digi nogo dabe sągą dabe kęnama, agai dabolo te po ola mani, “Dagego odao, e po Godigo Dwagi Yai Mobo Bidigo enabolo mawai po eno dagebolo obao,” wali. “E kugulu page bidi te Jerusalemde te Juda bidi dabego e ebo tiwai nogo sągą kęnama, kalabus yaibao,” wali. “Tama augwaligo aga tama tilama, te Juda hani isąwai bidibolo mawaibao, aga tigide augwaligo dwai kolesaga emainu yaibao,” Agabus agai homugo koneama, te po dabolo wali.

2 Samuel 15:30

Tama king Devit te homu sęgę mu ebaso, tama aga sągą nadoba su dia sanama, tama ugwa namego aga tobolu mesegaluali. Tama aga gela umabo sę elama mu weyu, tama peyu, te sunumidu wali palio. Te ugwaba holobo sunumi te Oliv bulu du bolama pabo sunumi elaluali. Tama aga dali pali we bidi tigidali, augwali me te augwa tobolu mesega selama, tama augwa gela wabo sę ela peyu, tama palio.

Godigo Nogi Ugwaba Sabo Tęąbi Po Wabo Buku Dabe 30:11

Nago eno homu sęgę elaluali te sela sąnama, tama nago ena te wiegi yai homu pemene tęąbi po omainu yali. Hasia ena te bidi isaide gela wabo bidi tiwai yali. Tiali goli, nago eno gela wabo hasegelama, tama eno homu pemene wiegi yai mu ilali.

Aisaia 1:1

E bukude te profet Aisaiago po elalubo, aga te Emosgo ogwa dao. Te nade ebo tiwai Genuai Bidi God agai po te Aisaiabolo mani, te Aisaiago te Juda we bidibolo, me Jerusalem we bidibolo pusa momainu. Aisaiago te po te tuni bidi king Usia, me Jotam, me Ahas, me Hesekia, tama bage deli deli te Juda dabe tuni bidi bididubadi pusai dao.

Aisaia 37:2

Tama Hesekiago te Eliakim i wai, te kingo be tonalubo bidi dali, Sepna, te kingo kuskus bidi, te polalubo pris bidi dabe me i wai. Tama agai augwali tagala paliyu, te profet Aisaia sugi pomainu yali, te Amosgo ogwa dao. Te bidi dabego me te homu dene ebo ugwa gudasa pali.

Jeremaia 48:37

Augwa homu dene mu elama, augwa tobolu nisi me penane nisi poawaibao. Te augwa nogo dabe togoyu elama, te hobede ebo ugwa gudaibao.

Esekiel 4:1

Te Godigo te tiwai tama po wali, “Tǫde bidio, nago te brik me deli sigi pelama, te tǫba munama, te Jerusalem piksa noma tiwai te daide ugadu todogo pao,” wai dao.