Aisaia 2:5 - Godigo dwagi yai po buku

⁵ Asao, Jekopgo wąį dabe dage, da Genuai Bidigo da mani uladu pinao.

Aisaia 2:5 Referans Kwoze

Efesus 5:8

Te polobadu dage dwai kolesaga ebode biliyu tama dage be hulia side bidibo tiwai yai dao. Tiali goli megi dage te Genuai Bidide wadolama, tama agai dage wiegi yai ulaba munama bidibao. Tama tibaso, dagego wiegi yai kolesaga naga eyu dage te ula yai we bidi tiwai bidiąo.

1 Jon 1:7

Tiali goli da ulade biliyu da, te aga te ulade bidibo gilama, tama tiali da, da dena hasi abagi dede dali deli homu elama bidaibao. Tama bididuyu, tama Godigo ogwa Jisas agai kanemego dago dwai sę tigidali sela sąnama, tama da dwagi yai ma pedalobo dao.

Dwagi Yai Gesi Po Lukgo Asęani 1:79

Tama te hulide bidalubo bageba ula ilimainu, me isabo pąde elalubo bage me, te bage tau somainu tiwaibao. Agai da te dwagi yai homude bilibo tųdu pabo po agai dabolo mobo ola mawaibao,” Sekaraiago te po wali.

1 Jon 1:5

Te Kraisgo dabolo ola mani po dago megi dagebolo hania ola mobao. Te po e dao: God aga te ula dao, tama dwasianu hulia sali agade me elalubo menio.

Aisaia 58:1

Genuai Bidigo enabolo te tiwai po wali, “Nago genuai po dągą mu olama, i wao, dua digi i me wagio. Nago bomonama i wabo, te bu wabo nai biugel bu wabo tiwai yao. Te eno we bidi dabeba weyu, te Jekopgo hani dabe, te augwa dwai sęgę me dwai kolesaga po wao,” po wali.

Aisaia 2:3

Te tigidali bulu badu we bidi hanigo te po waibao, “Asiąo. Da bulu du Saionba pinao, Genuai Bidigo bulu duba. Te Israel dabego Godigo beba pinao. Te agai dabolo dago emaina homu ebo te kolesaga ola momainu. Tama da aga digi sa muani sunumidu pogo o.” Augwaligo te tama po waibao. Magi baso meni, Genuai Bidigo bomai po te bulu du Saionde gagalasa, tama tigidali buluba paibao. Awe, Jerusalem te Genuai Bidi agai bulu elaluama, tama agai po we bidibolo ola mabo digi elaluaibao.

Godigo Nogi Ugwaba Sabo Tęąbi Po Wabo Buku Dabe 89:15

Te we bidi dabego nageba balia weyu, lotu po weyu yali, tama nago te olo tau mabo wiegi yai kolesagade biliyu, te augwa te ulade bilibo tiwai ebao, te augwa wiegi yai pemene emainao.

Godigo Nogi Ugwaba Sabo Tęąbi Po Wabo Buku Dabe 36:10

Sesemane sogo nage konebo we bidi te nago augwali wei eyu, godolo mu idu geao. Nago te doloba pai bidi dabe tau siyu, te augwali bugagia bidimainu tau sidu geao.

Godigo Nogi Ugwaba Sabo Tęąbi Po Wabo Buku Dabe 89:16

Augwaligo te nago wiegi yai kolesaga augwaliba ebo te homu kone palu, tama tigidali sogo giligade me hulide augwa te wiegi yai pemene eyu, tama nago nogi ugwaba sabo dao.