Aisaia 2:22 - Godigo dwagi yai po buku

²² Dagego homugo bidi mego da tau saiba homu elamuo. Mu menio. Da bidi da olo nai mu dao. Magi baso meni. Da pęwądage sogo bididama, tama da isaibao.

Aisaia 2:22 Referans Kwoze

Jeremaia 17:5

Genuai Bidigo e tiwai po wali, “Te bidigo ena tudiba munama, te homu eyu, te bidigo naga bomo elalu, te augwaligo aga tau sobaso, bugagia bidaiba homu eyu da, teda te bidi dolobo dao.

Godigo Nogi Ugwaba Sabo Tęąbi Po Wabo Buku Dabe 146:3

Te king dabego, me te tǫde bidi dabego nage me dobola sogobeo. Tama tiyu, nago homu te nosali isabo bage augwaliba me muidalio.

Jems 4:14

Dagebolo magi nai te do pedalabo te dagego konebeo. Tama dagego bidibo ula te mena tiwai dawe? Te dagego bidibo ula e tiwai elalubao te kigamu pǫ holama, tama te giliga asobode te po polo hagabo tiwai, te da bidigo bidibo ula te tiwai osogo naga ebo dao.

Godigo Nogi Ugwaba Sabo Tęąbi Po Wabo Buku Dabe 8:4

eno midigi siyu, tama homu ebo da, ‘Da tǫde bidi te magi nai, tama nago dade homu kone ebo dawe? Da te olo nai tiwai da. Magi baso nago da te bugagia tonalubo dawe?’

Aisaia 40:15

Genuai Bidigo te haniani kantri tǫde we bidi suali, te olo nai gagawai tiwai ebao. Augwali te tǫ hogomu tiwai elama, te dwasianu ąį tedebo tudulalubo tiwai ąǫ ebao. Tama agai te tigidali bulu tǫ ailango sęgę usu selama, te tǫ hogomugo sęgę tiwai elalubo dao.

Godigo Nogi Ugwaba Sabo Tęąbi Po Wabo Buku Dabe 62:9

Te we bidi da, augwali e tiwai dao. Te olo we bidi dabe te pedauwalide olo mobo pedalubo tiwai te ebao. Tama te genuai namba elalubo bidi dabe augwali me, te olo nai tiwai naga yai. Te augwali dago dagalobaso da, teda augwali te sęgę mu elalusiąbo te dago me suaibao. Te augwaligo sęgę te pedauwalidu pedalubo mobogo sęgę dali usu egobeo.

Tigidali Nai Gagalama Nigali Side 7:22

Te tǫde bidibo ula elaluali nai dabe tigidali isalio.

Tigidali Nai Gagalama Nigali Side 2:7

Tama Yawe Godigo te tǫ meba selama, tama te tǫgo bidi nigai. Tama agai bidibo ula maiabo mobo te bidigo guni tomoba ponama, tama bidi te bidibo ula pedelai.

Jopgo Po Asęani Elalubo Buku 27:3

Tiali goli, eno te sesemane sogo bidibo Godigo nogi weyu, nogo guni sisu, eno mu po naga obao. Te Godigo ena me bidimainu eyu da,

Aisaia 40:17

Te tigidali tǫ pedai kantride bidibo we bidi augwali te Genuai Bidi gedude olo bage tiwai elalubao. Augwali te olo nai mu tiwai dao.

Aisaia 51:12

Genuai Bidigo aga we bidiba te tiwai po wali, “Ena digi eno dagego haliga dąų walama, te dagego tigidali sęgę sia somainu ilibo dao. Tama magi baso dage te gasa bidi dabede wi ebo dawe? Augwa bomo me elalubeo. Tigidali bidi isama, te nosai polo sia sabo tiwai gilama ebo dao.

Malakai 3:15

‘Dago te hagoma ebo bidi dabe bugagia bidiyu pemene ebo suali. Tama te dwai kolesaga ebo bidi dabego te doado bage hauwa elalubao, tama augwa te God usu sabo tobage kolesaga yalio, te augwaliba dene mabowe, ma meniwe, te suainu tiali. Tama Godigo augwali me dolisąwai. Mu menio.’ Dagego te po wai dao,” Genuai Bidigo te po wai.