Aisaia 2:21 - Godigo dwagi yai po buku

²¹ Tama te sogo da, Genuai Bidigo te tǫ mali iliyu, tama tǫde wi mu yabo sę dabe yaibao. Tama te we bidi dabe me wi mu elama, te masigi ola beba me, bulu du dologode elalubo masigi dedageba dabe wi duala sigi paibao. Te augwaligo te Genuai Bidi aga ula dali, bomo dali, asobo augwaligo suidali weyu.

Aisaia 2:21 Referans Kwoze

Aisaia 2:19

Tama te sogo Genuai Bidigo te tǫ mali iliyu, tama e tǫde nai dabe wi mu ilaibao. Tama te we bidi dabe me wi mu elama, tama masigi dudulaweba me, tǫ dudulaweba me, wi duala sigi paibao. Te augwaligo Genuai Bidi aga bomo dali, genuai ula dali, asobo augwaligo suidali weyu.

Aisaia 2:10

Te we bidi dabe, dage wi pelama, masigi dudulaweba dabe duala sigi piąo. Dage tǫde dedage nigilama, duala siąo. Tiyu, dage Genuai Bidi aga ula me bomo dali asobaso, dage wi elama, dolabuo, Genuai Bidi asobode.

Solomon 2:14

Nago naga be tomode bidali, te ba te bulu du dwai madi dedage dwasianu tomode geme dualalubo tiwai elaluali. Te buluba dįą soao, te eno nago sawi yai gesabidi sulama, tama nago wiegi yai dogonigo po wabo eno odaibao.

Jopgo Po Asęani Elalubo Buku 30:6

Tama tibaso, augwali wi pelama, odogoba pelama, tama masigi gabaloba me tǫ dedageba dabe tama geme wi duala sigi pai dao.

Ma Dobola Sali 33:22

Tama eno gesabigo genuai ula te nage pąba asobo side, eno nage te masigi dudulawi me deli tomoba munama, tama nage eno nogogo mesegelama elalubadi, ena ela soaibao.

Jopgo Po Asęani Elalubo Buku 9:6

Agai te tǫ dąų walalubo nai mumunu baso, tama te tǫ mali genina mu emainu ebo dao.

Aisaia 24:18

Tama bidigo te dwai sogo te asobao wabo po odama, wi pobaso da, aga te tǫ dedageba tulaluaibao. Tama aga te tǫ dedagede ma hola aselama, ma wi painu yali da, teda aga te sųgų sabo wade ma tola saibao. Te dagalude sunumi dabe dala pelama, tama te wę e tǫba gealuaibao. Tama tǫ pagede mali yaibao.

Aisaia 33:10

Genuai Bidigo e tama po wali, “Megi da, ena hogodama, sę yaibao. Tama te we bidigo ena sulama, tama augwaligo eno genuai nogi ugwaba somainao.

Jeremaia 16:16

“Ena Genuai Bidi, eno te tama po obao, te eno Juda dabeba boi bidi tagala palama, te we bidi dabe augwaligo saibao, te bidigo aga hagani togobo wade te sųgų hauwa sabo tiwai yaibao. Tama nosali eno gasa boi bidi dabe tagala palama, te we bidi gegegi paibao, te bidigo buside hasa gegegi pabo tiwai yaibao. Tama te boi bidi dabego te we bidi dabe te geme bulu dude, me ola bede, dulalua pobadi, te tola saibao,” wai dao.

2 Samuel 22:46

Augwa bomo haga wali, tama augwa bomai hanu tagalama, tama augwali didibili dali enaba asai.”

Aisaia 7:19

Tama augwali te bulu Juda tǫde mu pągą yaibao. Tama augwali te tigidali dwai pesage me, masigi dedage me, dwagi yai nosai elalubo pesage me, sesane yai bono elalubo pesage me, mu usu naibao.

Hosea 10:8

Te Israel dabego te tibo godiba lotu weyu, te bulu du ugwadu bagede te lotu wabo pesage elaluali, tama Godigo te pesage dabe dolaibao. Tama nosai me te sesane yai bono dabe pedelama, te alta dabe mesegelaibao. Tama te sogo te boi bidi dabede geme duala sainu yali we bidi dabe, tama augwaligo te bulu du dabeba hanalu, te augwali mesega sao po waibao.