Aisaia 2:2 - Godigo dwagi yai po buku

² Te me sogo nosali, te Genuai Bidigo be dolalubo te bulu du, te genuai ugwanu ma dolaluyu, tama gasa bulu du dabe aiyaba elaluai elaluaibao. Tama tigidali we bidi hani teba sisinagasaibao.

Aisaia 2:2 Referans Kwoze

Aisaia 56:7

augwa wiegi yai yaibao. Te eno bulu du Saionba te augwali eno odasa paibao, te augwali eno bede bidiyu, wiegi yai pemene yaibao. Te augwa te siago tigidali domainu ebo ofa dabe eyu, te gasa tobage ofa dabe eno altade yaibao. Te eno augwaligo ebo ofa godolo homu yaibao, magi baso meni, eno be da te tigidali bulu tǫ kantri we bidi aselama, te enaba gedu haluasa wagasabo be elalubo dao.”

Aisaia 27:13

Tama te sogo te bu wabo nai biugel bu genuaimu waibao. Teda te Israel dabe i weyu, te boi bidi dabegoaugwali te bulu Asiriaba sela sąyu, me te bulu Isipba selasąyu yali bage dabe. Tama augwali Jerusalem buluba maaselama, tama augwaligo Godiba ma lotu po waibao, teaga tedali gasagi yai bulu dude.

Sekaraia 8:3

Te ena ma aselama, ena te Jerusalemde bidaibao, te eno taun mu da. Tama Jerusalem, te Genuai Bidi te Tigidali Bomo Elalubo Bidigo bulu du da, te augwaligo nogi eyu Te Genuai Bidigo Tedali Gasagi Yai Bulu da waibao. Te gasa hani we bidi augwaligo te eno we bidi dabe sulama, te augwaligo tama po waibao, ‘Suao, te Jerusalem augwaligo Genuai Bidi wali mu pabo dao,’ te tama po waibao.

Kraisgo Geme Dualali Sę Pedelabo Po Jonbolo Ola Mani 11:15

Te nogo a naga olama me badu nogo si wali te ensel bidi me deli agai te ona tiwai nai elali, tama tebadi, dagalude ensel mobo bidi meba augwaligo i bomonama weyu te po wali, “Dago Genuai Bidi God dali, te Godigo sa muani te we bidi tau somainogo tagala palali bidi Krais dali, augwali sigo te tigidali tǫde we bidi tonalubo bomo megi selama tama elalubao. Tama aga sesemane sogo te tuni bidi bidada peyu, bidada paibao,” te po wai.

2 Pita 3:3

Hasia dagego tebolo koneiąo: tama te tǫ de dagalu si me te tigidali nai silibo sogo, te posobo po wabo bidi dabe augwali pedalama, tama augwa bomonama naga te homugo ebo dwai kolesaga naga wali paibao. Tama augwaligo posobo po e tiwai po weyu, “Aga ma asabo po wali dawe?

Polgo Si Wali Pas Timotiba Asęani - 2TI 3:1

Timoti, nago te tiwai tama koneao: te tǫ de dagalu si silibo sogo te pąba yagasobo si te dwai sę ebo bidi dabe augwaligo dwai sę hauwa ebaso, te Godigo po odobo we bidiba te dwai sęgo kekainu sinabo sogo pedelaibao.

Daniel 2:45

Nago suali, te masigi olodali aluasa dulu te tulaluama, tama te piksa augwaligo te ain, me bras, me tǫ, silva, gol, te tama naigo nigali piksa elibo suai. Te masigi te Godigo bomo tiwai nigali. Te Godigo genuai nogi elalubao, agai nageba te nosali pedelabo nai dabede sę ola mawai. Te nade nago te suali nai dabede te sę te eno nagebolo wali po gilama te tiwai sę dolo mu pedelaibao,” Danielgo te po wai.

Daniel 2:35

Tama te tigidali ain, me tǫ, me bras, me silva, me gol, tigidali te pepeda pelama, tama te wit tigiwali bo te dago sela sąbo tiwai pedelali. Tama te waligo te kakali hogomu selasa pelama, tama te dwasianu hogomu dabe me elalubeo. Tiali goli, te piksa noma elali masigi, te genuai bulu du pedelama, tama te tǫ pedai tigidali mesega salio,” wali.

Aisaia 66:20

Tama te tǫ kantri we bidi dabego te duga deli hani dabe duga abagi te augwa bulu kantridu enaba te ofa tiwai elama, odasa asaibao. Augwa te augwali te hos dabede, me donki dabede, me kamel dabede, me karisde dugulasa asomainu ilaibao, te augwaligo augwali te eno bulu du Jerusalemba odasa asaibao. Augwaligo augwali enaba odasa asobo, te dage Israelgo te ofa yabo wit te wiegi yai pou dis te eno gedude wiegi yai yaide wit munama, te eno beba sela asobo tiwai yaibao.

Aisaia 11:10

Tama te sogo Genuai Bidigo gesi tuni bidi me sa muaibao, te Jesigo hani bidi me deli dao. Agai te tigidali we bidi deliba ma sisinabo dąį tiwai bidaibao. Augwali te tigidali tǫ pedai kantri tedu augwali agaba asaibao, te Israel hani isąwai bage. Tama agai hanu da, genuai nogi mu elaluaibao.

Godigo Nogi Ugwaba Sabo Tęąbi Po Wabo Buku Dabe 86:9

Tigidali hani we bidi nago augwali nigali, te augwaligo lotu po wainogo eyu, nageba kidu sugunagasaibao, tama augwaligo te nago nogi ugwaba saibao.

Kraisgo Geme Dualali Sę Pedelabo Po Jonbolo Ola Mani 20:4

Tama eno suali, te tuni bidi dulalubo nai meba elaluai, tama bidi meba te duabo naide duawai. Godigo augwalibolo te bidi dabe po tųde dagalobo kolesaga ebo sę yabo bomo mawai. Tama eno me suali, we bidi hauwa augwaligo konealubo po Jisasde dąų weyu, tama agai nogide po pusubo sę yai, tama tiyu Godigo po bomo elama tola sai. Te augwaligo agai nogide po pusubo sę ebaso, te boi bidi dabego augwali elama, mage togolama, augwali isai dao. Tama eno augwaligo noma bidi homu ogwa wai dabe suali. Tama tǫde bidibadi augwaligo te dwai genuai hudigi ebo hasabolo lotu po wasiąma bidibadi, te agai noma me, te augwaligo gebode me te nogode me te hudigi ebo hasago asęai dąį me sabeo. Te we bidi dabe augwali te bidibo ula ma selama, tama augwali Jisas dali tuni nigilama bidibadi te kibu be hauwa 1,000 bidai.

Hibru 1:2

Tiali goli megi e sogo da, te nosali pedalobo sogo tiwai mu yali, te Godigo aga Ogwago pedauwalidu agai po dabolo pusai dao. Te aga Ogwago nogogo me te Godigo te tǫ dali dagalu dali te tigidali nai nigai dao. Tama Godigo agai te tigidali nai nosali somainogo aga sa muai.

Godigo Sęba Tagala Palai Bidigo Po 2:17

‘Te Godigo te po wai, “Te e si sia sainu ebadi yaide, eno ena Mobo Bidi tigidali we bidibolo olo mu mawaibao. Tama menama, dagego ogwa dabe, wegi dabe augwaligo eno po pusa mawaibao. Tama eno duga gesi bidi dabebolo me me gasagi yai na dabe ola mawaibao, te monu dabe augwalibolo me.

Malakai 3:12

Te gasa kantride bidibo bage tigidaligo dage sulama, tama te po waibao, ‘Augwali bugagia mu bidibao,’ waibao. ‘Augwali wiegi yai pemene umabo mu yaibao,’ waibao. Magi baso meni, te dagego tǫ te bugagia dugulalu bidabo pesage elalueibao.” Genuai Bidigo te po wali.

Daniel 10:14

Ena nageba te po wagasiyu asali, te nago we bidiba te tigidali nai sibi sia sabo sogo te pąde te sę pedelaiba po wagasalio. Nago suali, meba nai te sogo pedelali, tiali goli megi eno nageba te gasa sę nosali pedelabo po ola magasali,” agai te po wai.

Daniel 2:28

Tiali goli, te dagalude bidibo God deli elalubao, tama agai te geme dualalubo nai page hania hanilaibao. King, Godigo nageba te nosali pedelabo nai dabede te na nagebolo ola manio. Megi da, te eno nageba te nago na yali po waibao.

Jeremaia 3:17

Te sogo te we bidi dabego te tiwai po waibao, ‘Jerusalem digi te Genuai Bidigo dugabo sia sai tiwai dao,’ waibao. Te tigidali kantri tǫde bidibo hani we bidi te Jerusalemba asiyu, te enaba genuai nogi magasaibao. Te munu ma augwa te hagoma isiąma, te augwa homude digi ebo dwai kolesaga wali munu me pelamu dao,” wali.

Aisaia 30:29

Tiali goli, Genuai Bidigo we bidi dagego da, te sę dabe ebo subo sogo da, teda dagego homu gana pabo balia te genuai lotu wabo sogo wabo tiwai waibao. Dagego te bidi dabe te Genuai Bidigo bulu duba holama, tama wiegi yai homu eyu, te genagego ona dabe elebo tiwai yaibao. Genuai Bidi da, te genuai bomai masigi tiwai dao. Tama aga te Israel dabego duala sabo pesage tiwai dao.

Godigo Nogi Ugwaba Sabo Tęąbi Po Wabo Buku Dabe 2:8

Enaba hanalubaso, tama te tigidali hani we bidi nageba mayu, tama te tigidali tǫ pedai te naga saibao.

Israel Hanigo Namba 24:14

Tama Balamgo Balak dali po genina ma weyu, te po wali, “Megi ena ena we bidiba ma paibao. Tiali goli, eno nagebolo te Israel dabego nago we bidi dali nosali yabo sę po nagebolo pusaibao.”

Esekiel 38:16

Te eno dage ena we bidi te Israel we bidi dabe dali hwįgi pomainu tagala palaibao. Tama augwaligo dagego te tǫ te pǫgo mesega sabo tiwai ebo augwaligo sueibao. King Gok, nosali sogode nago te sę dabe emainogo eno nage hodolaibao, te gasa hani dabego sulama, konemainogo, te ena tedali gasagi yai bidiyu, tama eno kolesaga te wiegi yai mu elama, tama doloba pai mu dao olama konemainu. Tama augwaligo ena bugagia mu koneaibao.

Jeremaia 49:39

Tialima, te nosali sogo eno te Elam bugagia ma dugulalubo sę pedelaibao. Ena Genuai Bidi, eno te po wai dao,” wali.

Jeremaia 48:47

“Tialima, te nosali sogode eno te Moap wiegi yai ma pedalumainu yaibao. Ena Genuai Bidi, eno te po walio.” Genuai Bidigo te Moap bage dagalabo po tigidali wali, te silali dao.

Jeremaia 30:24

Genuai Bidigo haliga sębę me elaludu, te agai yaiba homu yali sę tigidali ela siligi paboba usu naibao. Te nosali dagego te sę page koneaibao wai dao.

Jeremaia 23:20

“Genuai Bidigo haliga sębę elaludu, te agai homude yaibao wali tigidali sę ela siliyu, usu naibao. Te bodolu muani sogo asobo side, dage we bidigo te sę dabe page bugagia koneaibao,” wali.

Aisaia 49:6

“Hasiabolo eno nageba te boi bidi dabego ela musiąwai Jekopgo hani dabe ma hodolabo sę mawai. Eno te Israel bage meba hagea sai dao, tama eno nageba te augwali sisinama, enaba odasa asabo sę mawai dao. Tialima, te sę ebogo te nago bomogo dęą me sogobeo. Eno te gasa sę me mawaibao. Eno nage te Israel hani isąwai we bidi hani tigidaligo sole ula tiwai nigaibao. Awe, nago te eno te tigidali bulu tǫ habu we bidi ma dobola sabo sę yaibao,” te po wali.

Godigo Nogi Ugwaba Sabo Tęąbi Po Wabo Buku Dabe 72:8

Aga te king bidiyu, tama te tamu ąi pąbadu bidalubo tigidali we bidi me, te tamu ąį digibulu badu bidalubo we bidi me, te tonaluaibao. Tama agai tǫ dąį te wę Yufretisde gagalasa palama, te tigidali bulu tǫ pedaiba usu nigi paibao.

Godigo Nogi Ugwaba Sabo Tęąbi Po Wabo Buku Dabe 22:27

Te tǫde tigidali we bidigo augwaligo te Godiba homu koneama, tama augwa agaba ma asaibao. Te tigidali hani we bidi dabe augwaligo kidu sugunama, agaba lotu waibao.

Jopgo Po Asęani Elalubo Buku 19:25

Tiali goli, eno koneani, bidi ena pagede bidiyu, te ena ma dobola sabo te bidi bidibo. Tama nosali aga aselama, e tǫde dodolagasaiba.

Tigidali Nai Gagalama Nigali Side 49:1

Te Jekopgo aga ogomani tigidali i olama, tama aga pibo sai bet sesegede duagulama, tama agai augwalibolo te po wali, “Dage hodobo sisinagaselama, tama eno dagebolo nosali pedelabo nai po waibao.

Aisaia 25:6

Te bulu du Saionde, Tigidali Bomo Elalubo Genuai Bidigo geninama nai mu sisi yaibao. Te wiegi wiegi yai hasa dabe me, tuabo wain ąį dabe me elaluaibao. Tama tigidali bulu we bidi dabe te nai tuboba sisinagasaibao.

Aisaia 56:5

teda eno te dąį me deli tiwai te augwaligo nogi te eno tempel be tomode muai elalueibao. Tama sesemane sogo te we bidi dabego sulama, te augwali homu koneaibao. Te augwaligo genuai nogigo te wai dabe ame nai elaluali bidi dabego nogi aiyaba mu elalueibao. Te eno augwali nogi mu silimainogo me iligobeo,” wali.

Aisaia 65:11

“Tiali goli, dage da, te dage ena tudiba muyu, te eno bulu du, te Saionba asisąma, te enaba lotu wagasisąbo hani dabe, dage te dwai dene mu saibao. Dagego te Gat me Meni, te siba nai me wain ąį mayu, lotu wabo dao. Te tibo god dabe te augwaligo dage tau somainu ebo da homu elama, te duga wiegi yai sogo elalueiba homu yalio.

Jeremaia 16:19

Genuai Bidi, nago ena dąų walama, ena obogo bagualubao, te nago ena te sęgę ebo sogo tau sobao. Te tigidali digibulu tǫ habu we bidi hani te nageba asama, augwa te tiwai po waibao, “Te dago wąį nǫų dabego tibo god, augwali te mu god menio. Augwali te olo bage tiwai elalu, te da tau sabo usu me ebe dao.

Jeremaia 26:18

“Polobadu, te Hesekia Juda king bidali sogo, te profet Maika te taun Moreset bidigo te Juda dabeba te tiwai po pusai, ‘Tigidali Bomo Elalubo Genuai Bidigo te po wai, te Jerusalem nai tigidali dolama, te pobele bage du holobo tiwai pedelaibao,’ wai dao. ‘Te Saion olo tǫ bulu pedelama, te bidi dabego tede gi bulaibao. Tama te bulu dude ni dulu pedelaibao, te Genuai Bidigo be elaluali madi te tama tiaibao.’

Jeremaia 31:12

Tama augwali te Saion bulu duba dolugulama, te augwali wiegi yai pemene mu elama, te i umabo mu udaibao. Te ena Genuai Bidigo augwaliba te wiegi yai nai mu mobaso, te augwali wiegi yai pemene yaibao. Te augwaligo wiegi yai pemene ebo te nai witba, me wain, me oliv wel, me te kibu sipsip dabeba, me eno mabo bulmakau dabeba te augwaligo homu pemene yaibao. Te wiegi yai mu pedalama, te gi wę usu elalubo gi tiwai dao. Te augwali dwai munu ma bidibeo.

Jeremaia 51:44

Eno te Babilongo tibo god, te Belba dwai dene mabo sę eyu, te eno agai te dalali nai dabe bugulabo sę ilaibao. Tama te tǫ kantri we bidi augwali agaba me asogobeo. Tama te Babilon bagulali genuai obo te tigidali pepeda paibao,” te po wai dao.

Esekiel 40:2

Tama te nade ebo sę dabe tiwai elama, Godigo ena tolasa pelama, Israel dabego tǫba odasa pelama, tama bulu du ugwanu mu yai bulu duba me tagaligi pali. Tama eno u sautba tonobadi, eno be dabe elalubo suali, tama te ma te taun me elalubo tiwai subo ąǫ yali.

Hosea 3:5

Te tiali sogo silibaso da, teda te Israel dabe te Godiba ma aselama, te Genuai Bidi deliba naga lotu waibao. Te augwaligo te king Devitgo wąį nǫų deli naga wali paibao. Tama augwa te Genuai Bidigo po dologoba naga pobaso, tama agai te haniani wiegi yai nai augwaliba mayu yaibao.

Sekaraia 8:22

Te genuai bomai tǫ kantri hauwa we bidi dabe te Genuai Bidi Tigidali Bomo Elalubo Bidiba lotu wagasu, te Jerusalemba asaibao, tama agabolo hanalu, te augwaliba me wiegi yai sę bugagia yao po waibao.

Sekaraia 14:9

Tama Genuai Bidi te tigidali bulu tǫ kantrigo king bidaibao. Tama tigidali we bidigo aga deliba naga lotu weyu, tama augwaligo aga nogi ebo nogi te e nogi deli naga nogi yaibao.

Sekaraia 14:10

Te Jerusalem pąde elalubo tǫ da, te doloba pai tǫ malu pedelaibao, te taun Geba te not badu gagalasa te pali, te taun Rimon te Jerusalem te sautba usu naibao. Te Jerusalem taun naga te bulu du me deli ugadu daide elalueibao. Te Jerusalem bagulali obo banis te polobadu elaluali tiwai dąįba usu naibao. Te Benjamingo taun sunumide gagalasa pelama, te Dagebadu Sunumiba te dąį usu naibao, te pesagede polobadu sunumi deli elaluali. Tama te dąį Hananelgo Tauade gagalasa pali, te kingo wain nigali pesageba usu nigi paibao.

Godigo Nogi Ugwaba Sabo Tęąbi Po Wabo Buku Dabe 22:28

Magi baso meni, Genuai Bidi te king bidiyu, tama agai te tigidali hani we bidi tonalubo dao.

Godigo Nogi Ugwaba Sabo Tęąbi Po Wabo Buku Dabe 48:2

Godigo te bulu du te wiegi yai mu, tama te ugwanu mu elalubao. Te tigidali tǫde we bidi augwaligo te Saion bulu du godolo mu ebo dao. Te bulu du te not badu elalubao, tama te polalubo kingo taun dao.

Godigo Nogi Ugwaba Sabo Tęąbi Po Wabo Buku Dabe 68:17

Genuai Bidi te hwįbo bomai hauwa tausen karisde dugawali ami bidi dabe dali asaibao. Aga te Sainai bulu duba aselama, tama aga te gasa wiegi yai be mu tomoba bula sagasaibao.

Godigo Nogi Ugwaba Sabo Tęąbi Po Wabo Buku Dabe 87:1

Godigo aga taun te aga bulu dude digi nigali.

Godigo Nogi Ugwaba Sabo Tęąbi Po Wabo Buku Dabe 87:2

Genuai Bidigo Israelde gasa tigidali elalubo bulu te wei homu yali, tiali goli agai te Jerusalem te wei mu yai dao.

Godigo Nogi Ugwaba Sabo Tęąbi Po Wabo Buku Dabe 102:23

Ena gesi ogwa bidide digi, tama Genuai Bidigo eno bomo dolali. Ena te eno bidibo ula sesabi elama, bidimainu ebeo. Agai ena bidabo sogo bodolu togwai dao.

Aisaia 60:3

Te Israel hani isąwai we bidi dabego nago te ula sulama, te augwali nageba asaibao. Te king dabego me nago te bomai ula sulama, te augwali hogodama asaibao,” wali.

Aisaia 66:23

Te genuai si tigidalide, te gesi poluade nanobo side, me tigidali Sabat side, te tigidali tǫ habu we bidi te asiyu, te ena geduba kidu sugunama, enaba lotu waibao, Genuai Bidi dao.