Aisaia 2:19 - Godigo dwagi yai po buku

¹⁹ Tama te sogo Genuai Bidigo te tǫ mali iliyu, tama e tǫde nai dabe wi mu ilaibao. Tama te we bidi dabe me wi mu elama, tama masigi dudulaweba me, tǫ dudulaweba me, wi duala sigi paibao. Te augwaligo Genuai Bidi aga bomo dali, genuai ula dali, asobo augwaligo suidali weyu.

Aisaia 2:19 Referans Kwoze

Aisaia 2:10

Te we bidi dabe, dage wi pelama, masigi dudulaweba dabe duala sigi piąo. Dage tǫde dedage nigilama, duala siąo. Tiyu, dage Genuai Bidi aga ula me bomo dali asobaso, dage wi elama, dolabuo, Genuai Bidi asobode.

Dwagi Yai Gesi Po Lukgo Asęani 23:30

Tama tebo sogo da, augwaligo te bulu dubolo te po waibao, ‘Te bulu du, dage daba degasa dulao.’ Tama te dwasianu bulu dubolo me te po waibao, ‘Dagego da mesega sao,’ te po waibao.

Hosea 10:8

Te Israel dabego te tibo godiba lotu weyu, te bulu du ugwadu bagede te lotu wabo pesage elaluali, tama Godigo te pesage dabe dolaibao. Tama nosai me te sesane yai bono dabe pedelama, te alta dabe mesegelaibao. Tama te sogo te boi bidi dabede geme duala sainu yali we bidi dabe, tama augwaligo te bulu du dabeba hanalu, te augwali mesega sao po waibao.

Aisaia 2:21

Tama te sogo da, Genuai Bidigo te tǫ mali iliyu, tama tǫde wi mu yabo sę dabe yaibao. Tama te we bidi dabe me wi mu elama, te masigi ola beba me, bulu du dologode elalubo masigi dedageba dabe wi duala sigi paibao. Te augwaligo te Genuai Bidi aga ula dali, bomo dali, asobo augwaligo suidali weyu.

Kraisgo Geme Dualali Sę Pedelabo Po Jonbolo Ola Mani 11:19

Augwaligo po ola silama, tama augwaligo te Godigo dagalude elalubo Moni Lotu Be tempel te be tų dawai. Tama polobadu Godigo te Israel we bidi dali po dąų olama, tama augwaligo te asęani po te halobage me deli tomoba muani. Tama te halobage te Lotu Be tomode munalubo eno hania suali. Tama te sogo tama te be sele eyu, tama moni u wabo me, te be kulu wali me, tama tǫ mali ebadi, te kedau ebo nai talua ge tulubage hauwa te dagaludu tǫba tulaluai.

Hibru 12:26

Tama polobadu Godigo pedauwalide tǫ mali ilai. Tiali goli megi agai dabolo e dąų wali po walio, “Te eno tǫ deli sogo ma mali ilaibao. Tama tǫ naga me tegobeo. Te eno tǫ de dagalu dali si mali ilaibao.”

Hagai 2:6

“Ena Genuai Bidi, ena Tigidali Bomo Elalubo Bidi da, eno tama po obao, tama eno te pęwadage sogo tama te eno dagalude elalubo nai me, tama me te tǫde elalubo nai me, tama me te tamu ąįde elalubo nai me, te nai dabe tigidali me memenege ma eduaibao,” wali.

Kraisgo Geme Dualali Sę Pedelabo Po Jonbolo Ola Mani 20:11

Te eno suali, genuai tedela yai te tuni bidi duabo nai elaluali, tama bidi te duabo naide dulaluai. Tama tǫ dali dagalu si te agade wi pali, tama augwaligo bulu ma elalugobeo. Menio. Augwali si mu silalio.

Kraisgo Geme Dualali Sę Pedelabo Po Jonbolo Ola Mani 16:18

Tama dagalude be sele eyu, tama be kulu kulu weyu, genuai po me weyu, tama moni genuai dwai tǫ mali yai. Te mali genuai mu yali, tama bidi tǫde bidibo sogo tigidali, te polobadu te tiwai tǫ mali genuai me pedalai menio. Te maligo bomogo te tigidali polobadu yali maligo bomo aiyaba mu elaluali.

Kraisgo Geme Dualali Sę Pedelabo Po Jonbolo Ola Mani 11:13

Tama te sogo naga, genuai tǫ mali eyu, tama te moni hanu me badu dolali, tama a naga olama me si me si habu badu naga elaluai. Tama we bidi hauwa mu te bidi sese umabo te 7,000 bidi dabe te te mali yali digi isai. Tama te isisąwai we bidi augwali wi mu eyu, tama augwaligo te dagalude bidibo God nogi ugwaba sai.

Kraisgo Geme Dualali Sę Pedelabo Po Jonbolo Ola Mani 9:6

Te tama tebo sogo, polua a naga sogo, te bidi dabe augwali te isabo tų gegebo sę ebadi, tiali goli augwaligo sugobeo. Awe, te augwaligo homugo te isabo homu godolo yai, tiali goli te isibo augwali suyu wi paibao.

Hibru 11:38

Tama tibaso, augwali tedela pelama, tama geme te bidi meni yai buluba me, te bulu duba me, te masigi ola beba me, te tǫ dedage tomoba me geme bidigi peyu yai. Augwali te wiegi yai we bidi mu, tama e tǫde we bidigo te bidi dabego konealubo po dąų wabo te dali usu nisiąyu, tama augwali tomode me bidigi homu elama augwali dali boi bidi mu yalio.

2 Tesalonaika 1:9

Tama te bidi dabe augwali e tama dene saibao, augwali Genuai Bidi gesabidide digibulu bidaibao, tama agai genuai ula dali bomo dali digibulu bidada peyu, bidada paibao, tama tiyu augwali mu dwai bidaibao.

Maika 7:17

“Te augwali eno gedude tǫba degasa dulama, te tabi bulu gigi paibao, te hasamani haliga bulu pabo tiwai yaibao. Te augwali wi elama, noma siyu, te augwali geme duala sali pesage tagalama, te pepeli deliba teda aselama, te dagego Genuai Bidi God enaba asaibao,” wali.

Jeremaia 16:16

“Ena Genuai Bidi, eno te tama po obao, te eno Juda dabeba boi bidi tagala palama, te we bidi dabe augwaligo saibao, te bidigo aga hagani togobo wade te sųgų hauwa sabo tiwai yaibao. Tama nosali eno gasa boi bidi dabe tagala palama, te we bidi gegegi paibao, te bidigo buside hasa gegegi pabo tiwai yaibao. Tama te boi bidi dabego te we bidi dabe te geme bulu dude, me ola bede, dulalua pobadi, te tola saibao,” wai dao.

Aisaia 30:32

Tama te Genuai Bidigo te Asiria dabe elebo sogo da, te Genuai Bidigo we bidigo wiegi yai homu gana pelama, tama augwaligo haniani hąbidi me gita dabe te Genuai Bidigo nogo toulama, te Asiria dabe eliyu, poge wabo te wali pelama, augwaligo te nai elaibao.

Godigo Nogi Ugwaba Sabo Tęąbi Po Wabo Buku Dabe 7:6

God, nago haliga sębę elama, te nage hogodama, tama te boi bidi dabego dwai sębę eyu, ena dali bomonama mu hwįbaso, te nago augwali dwai dene ilao. Ena God, te nago ena polo mu tau sao. Magi baso meni, nago te doloba pai kolesaga naga wei homu ebo dao.

1 Samuel 14:11

Tialima, augwali si pelama, te pepeli diliba doligi pelama, tama te Filistia dabego augwali si suali. Tama te Filistia dabego te po wai, “Suao! Te Hibru bidi meba te augwa geme dualaluali dedagedu teda asai dao.”

1 Samuel 13:6

Tialima, te Filistia dabe dali te Israel dabe dali boi hwįani. Tiali goli, te Filistia dabego hwįbo te bomo mu ebaso, tama te Israel dabego koneani, te augwaligo bomogo te boi bidi dabe aiyaba elaluabo homu ebeo. Tama tibaso, te Israel dabe meba te tǫ dedageba geme duala sigi peyu, te genuai bulu duba duala sigi peyu yali, tama meba te genuai masigi ola be tomoba duala sigi peyu, tama meba te wę ulu pedalubo tǫ dedage tomoba pelama, duala sigi pali.

Jopgo Po Asęani Elalubo Buku 9:6

Agai te tǫ dąų walalubo nai mumunu baso, tama te tǫ mali genina mu emainu ebo dao.

Aisaia 7:19

Tama augwali te bulu Juda tǫde mu pągą yaibao. Tama augwali te tigidali dwai pesage me, masigi dedage me, dwagi yai nosai elalubo pesage me, sesane yai bono elalubo pesage me, mu usu naibao.

Aisaia 13:13

Tama te sogo ena Tigidali Bomo Elalubo Genuai Bidi, ena te eno genuai posolai sębę dali mu asaibao. Tama eno dagalu dali, tǫ dali si mali ilaibao. Tama tǫ iba kila selama, tama aga pesage taga paibao.”

Aisaia 24:1

Genuai Bidigo tǫ mu dolama, tama tǫ olo mu elaluaibao. Agai te tǫ agalama, tama tǫ bebegelama, tama te tǫ gasagi yai mu pedalaibao. Tama agai te we bidi dabe subigila wi tedela pomainu yaibao.

Aisaia 24:18

Tama bidigo te dwai sogo te asobao wabo po odama, wi pobaso da, aga te tǫ dedageba tulaluaibao. Tama aga te tǫ dedagede ma hola aselama, ma wi painu yali da, teda aga te sųgų sabo wade ma tola saibao. Te dagalude sunumi dabe dala pelama, tama te wę e tǫba gealuaibao. Tama tǫ pagede mali yaibao.

Aisaia 24:19

Te tǫ mali genuai mu elama, tama te tǫ tomode peda pelama, tama te tǫ dedage olo dala pai elaluaibao.

Aisaia 33:10

Genuai Bidigo e tama po wali, “Megi da, ena hogodama, sę yaibao. Tama te we bidigo ena sulama, tama augwaligo eno genuai nogi ugwaba somainao.

Jeremaia 4:29

Ena Jeremaia dao, eno suali, te ami bidi dabe te hosde ene sesemoni tolalu dulalubo suali, te tigidaligo Judaba hwįagasali. Te we bidigo augwali asobo odolama, te augwa taun tagalama, te wi paibao. Me badu te bulu buside duala siyu, me badu te masigi ola bede duala sali. Te taun tigidali olo elalueibao, tama te taun dabede te bidi menia sai mu elalueibao.

Jeremaia 48:28

Dage Moap, dage te masigi dedage buluba geme duala sigi piąo. Dagego te ba dabego augwa be te sau dagede sę ebo tiwai gilama tama dage me tiąo.”

Esekiel 33:27

“Tialima, eno homugo nago ena God Genuai Bidigo po augwalibolo pusa mao. Ena God dao, tama ena tigidali sogo bidibo dao, tama eno mu po e tama obao. Te boi bidi dabego te dolai taunde bidalubo we bidi sese tama ela silagasaibao. Tama me, te bulu hasa dabego te taunde bidisąma, olo bulu badu bidalubo we bidi elama, tuagasaibao. Tama me, te dualaluabo pesage wiegi yai digi duala sali we bidi, me masigi dudulawede duala sali we bidi, augwali genuai gasi mu selama, isaibao.

Nahum 3:11

Dage Ninive dabe, dage me te Isip dabe yali tiwai pedelaibao. Dage te bomai ąį tulama gęo page ebo bidi tiwai eyu, te dagego homu kolesaga te umuna pelama, te dage tulalueibao. Te dage duga boi bidi dabede wi painu yaibao.

Hagai 2:7

“Tama eno te tigidali bulude bidibo gavman bidi dabe augwali me midigi saibao,” wali. “Tama te we bidi dabe augwaligo te umabo mone me te doado bage me selama, tama augwaligo te bidibo madigi pesageba selasa aselama, tama te eno beba pągąnagasaibao.

2 Samuel 22:46

Augwa bomo haga wali, tama augwa bomai hanu tagalama, tama augwali didibili dali enaba asai.”