Aisaia 2:11 - Godigo dwagi yai po buku

¹¹ Te Genuai Bidi sabalobo sogode da, agai te dene mabo kolesaga elama, augwa nogi ugwa sabo bidi dabe aiyaba elaluaibao. Tama augwali hale mu yaibao. Tama te sogo Genuai Bidi deli naga genuai nogi saibao.

Aisaia 2:11 Referans Kwoze

Godigo Nogi Ugwaba Sabo Tęąbi Po Wabo Buku Dabe 18:27

Nago te augwa digi te haliga aiyaba elalubo we bidi dabe augwali te ma sabo da. Tiali goli, nago te augwa digi augwa nogi ugwaba sabo we bidi te aiyaba elaluaibao.

Aisaia 2:17

Te Genuai Bidi sabalobo sogo da, agai te dene mabo kolesaga elama, augwa nogi ugwa sabo bidi dabego nogi aiyaba elaluaibao. Tama augwali hale mu yaibao. Tama me te tibo god dabe mu sia saibao. Tama te sogo Genuai Bidi aga deli naga te sogo genuai nogi saibao.

Malakai 4:1

Te Tigidali Bomo Elalubo Genuai Bidigo te po wai, “Bugagia odiąo,” wali. “Me sogo bodolu si pedaliyu, siago te hagoma ebo we bidi tigidali me dwai sę ebo we bidi ulaibao, siago te wa pai kala dabo tiwai yaibao. Te side te siago augwali dolama, tama augwali tigidali mu silaibao,” po wai dao.

Aisaia 24:21

Polobadu digi Genuai Bidi aga digi po bodolu muai dao. Agai te dagalude bidibo bomo elalubo bage dene mayu, me te tǫde tuni bidi dabe dali dene mawaibao.

Aisaia 13:11

Genuai Bidigo te po wali, “E tǫ te we bidigo dwai sęgęgo pągąna pali. Tama tibaso, eno augwali dene mawaibao, te augwaligo dwai sę yali wei ponoyu yaibao. Te bidi dabe augwa digi augwa nogi ugwaba sabo bidi dabego nogieno aiyaba elaluaibao. Me, homu dene isiąyu, te augwaligo gasa bidi dabe aiyaba elalubo bidi dabe me.

Aisaia 12:4

Tama te sogo dagego balia weyu e tama waibao, “Genuai Bidigo nogi wao. Tama agaba i weyu, tama agabolo buba hwi wao. Te tigidali we bidi hani dabebolo pusao, te genuai sę dabe agai yalide. Tama augwalibolo pusao, aga genuai nogi elalubao.

Maika 4:6

Genuai Bidigo te po wai, “Te eno augwali dwai dene menama, te gasa bulu tǫ kantriba te kalabus sę emainu tagala palali we bidi dabe, te nosali, te bodolu mani sogo pedalubo si, te augwali eno ma deliba sisinaibao,” te po wai.

Hosea 2:18

“Tama te sogo eno te dąų wabo bomai po kontrak te buside tigidali uni hasa, me hasamani dabe dali, me ba dabe dali te po dąų walaibao,” po wai. “Tama augwaligo te eno we bidi dabe me dologobeo. Tama eno te hwįbo doado bage tigidali sela sąwaibao, te bobobage bainat ge hwą, me enesigi ene sesemone, tama eno we bidi dabe te tǫde dua digi tegaluama bidiyu, te augwali wi munu me egobeo,” wali.

Esekiel 39:22

Tama tialima, te sogo me, nosali bidibo tigidali sogo me, te Israel dabe augwaligo te tama bugagia koneaibao, ena deli ena Genuai Bidi, tama ena augwa God dao waibao.

1 Pita 5:5

Te dage gesi bidi dabe, dage me te dolo kolesaga eyu, te tonalubo bidi dabe dologode bidiyu, augwaligo wabo po bugagia odiąo. Tama dage we bidi me, dage tigidali te nagamea pai homu eyu, tama te olo sę ebo we bidi tiwai bidiyu, dage tomode duga hasi te tau sabo sę yao. Magi baso meni, te Godigo po bukude te nagamea pai homu ebo kolesagade e po elalubao, “God agai te kolesaga hagoma ebo we bidi dali boi bidi homu eyu, bomo elama dolalubo dao. Tialima te nagamea pai homu ebo we bidi dali agai te olo tau sabo kolesaga ebo dao.”

2 Korin 10:17

Awe, te meni. Te Godigo po bukude po me deli e tiwai elalubao, “Te nogi ugwaba sabo homu ebo bidi, agai te dago Genuai Bidigo yali sęde po weyu, tama Genuai Bidigo nogi naga ugwaba sao,” te po asęani.

2 Korin 10:5

Dago augwaligo da dali konila po wabo page pedeyu, tama augwaligo wabo po aiyaba mu elalubo dao. Tama tigidali kolesaga ugwadu mu dolaluyu tama te God koneainogo homu ebo bidi dabego tų palialubo, te me dago hųgibo dao. Tama da tigidali bidigo homu kolesaga dago kalabus ilama, te Kraisgo homu kolesaga wali pomainogo ebo dao.

Dwagi Yai Gesi Po Lukgo Asęani 18:14

Eno dagebolo obao, e bidi aga beba ma peyu, Godigo aga yali dwai sę sela sąwai bidi dao. U Farisi hani bidi te tiwai menio. Mena bidigo te aga nogi me ugwaba sobaso, Godigo te bidi aiyaba elaluaibao. Ma, mena bidi imilasa bidibaso, teda Godigo te bidigo nogi ugwaba saibao,” Jisasgo te po wali.

Sekaraia 9:16

Te tama tibo side Genuai Bidigo aga we bidi dabe augwali ma dobola saibao, te kibu sipsip tonalubo bidigo te aga sipsip dabe te hasa laiongo elama dolainu ebadi te ma dobola sabo tiwai ebao. Tama augwali dwagi yai mu agai tǫde bidiyu, te gasa sawi yai bugagia ula mu yai masigi te kingo tobolu madide elalubo tiwai yaibao.

Sefanaia 3:16

Nosali bubuga me deli pedelaibao, tama te bubugade augwaligo Jerusalem dabe te tama po waibao, “Dage Jerusalem we bidi dabe, magi naide wi me elamo dao, tama dage olo dali noma sigio.

Sefanaia 3:11

Eno ede bidibo we bidi, te mu tama dao, dagego eno po mu tama sela sąwai dao. Tiali goli, eno te sę dabe pedelemainu ebo sogo da, teda dagego duga yali kolesagade hale me egobeo dao. Magi baso meni. Eno dagego te bidi dabe augwali te hamaga elama, gagea peyu yali bidi dabe sela sąwaibao. Tama dage Jerusalemde eno bulu dude bidaibao. Tama dagego tede ena dali hamaga ma eyu egobeo.

Maika 5:10

Genuai Bidigo te Israel dabeba te po wali, “Te sogo eno te hwįbo doado bage dolaibao,” wali. “Te boi hwįabo hos dabe eno sela sąnama, te karis dabe dolaibao,” wai dao.

Obadia 1:8

“Te eno dage Idom dabeba dwai dene ilibo sę ebo sogo, teda eno te dagego kolesaga page konea pali hani tigidali silaibao, tama dagego koneani kolesaga page tigidali te sela sąwaibao.

Amos 9:11

Genuai Bidigo te tama po wai, “Nosali te me sogo si pedalubaso, teda eno te Devitgo hanide king me deli hodolaibao. Megi da, te hanigo tǫ kantri te be me deli degasa pelama, dolai tiwai elalubao. Tialima, nosali eno te be ma sęnama da, teda eno te be daga dabe me dodola silama, te be polobadu elaluali tiwai ma pedelaibao.

Joel 3:18

Te sogo wain gi pedalama, te bulu du mesega sigulaibao, te bulmakau hauwa te dwasianu bulu du dabede bidalueibao. Te Juda we bidi dabego wę hauwa elalueibao. Wę me deli te Genuai Bidigo bedu gomo gudama, te Odogo Bulu Tǫ Te Ni Akas Elalubo madiba dulaibao,” wai.

Hosea 2:21

“Tama te sogo ena Genuai Bidi, te eno ena we bidi te Israel dabego gedu haluasa po wabo te eno odaibao. Tama eno te tulubage tǫba tulumainu elama, tama augwaligo te bulali nai tigidali, te wain me wel, te hauwa holomainu yaibao.

Hosea 2:16

Tama agai enaba te tama po waibao, ‘Nage eno bidi da,’ waibao. Tama agai homugo ena te tibo god Bal da, te homu munu me ma isąyu, tama enabolo te tobage po weyu, ‘Nage Bal, nage eno genuai bidi da,’ te homu me egobeo.

Esekiel 39:11

“Ena Genuai Bidi eno po genina ma weyu, e po obao. ‘Te sę dabe tigidali pedalobo sogo da, teda eno te kantri Israelde te king Gok aga ami dabe dali augwali pubulabo gų page tǫ deli me sa muaibao. Te gų page da, te Osogo Bidagasali Bidi Dabego Odogo Malu Bulude elaluaiba, te u badu te giliga asobo badu te tamu ąį Detsi te sigi ąį badu. Tama te we bidi augwali te badu munu me ma biligobeo. Magi baso meni. Te Gokgo ami bidi dabego gų page te bulu badu mu pągąna paibao. Tama augwaligo te odogo malu bulu nogi e tama nogi nogi yaiba, Gokgo Ami Bidi Dabego Odogo Malu Bulu dao waibao.

Esekiel 38:19

Tama eno sębę genuai mu pedelaibao, te posolai sia dabo tiwai yaibao. Tama Gokgo te Israel dabe dali hwįbode, ena te Israel dabego tǫba asaibao, tama te tǫ mali dwai genuai mu yaibao. Tama tialima, tigidali sųgų dabe, me ba dabe, me bulu hasa dabe, me bidigo negebo haniani hasa dabe, me te tigidali tǫde bilibo gasa nai dabe, me te tigidali tǫde bidibo we bidi dabe, tigidali wi elama, noma dwai mu saibao. Tama te bulu du dabe alua paibao. Tama me te sao pado bulu dabe te degaibao. Tama te tigidali taun obo dabe hųgia pelama, tama degaibao.

Esekiel 38:14

“Tama tialima, tǫde bidi, nago eno po te king Gokbolo pusa mao. Eno po da e dao, ‘King Gok, odao. Te God Genuai Bidi eno we bidi augwali augwa tǫde bugagia bidibo sogo da, teda nago te koneaibao.

Jeremaia 9:24

Te bidi aga pemene yabo homu ebaso, aga te nai delide naga pemene yao. Agai ena Genuai Bidi koneani da homu elama, wiegi yai pemene yao. Agai enade e tiwai koneao, sesemane sogo eno tigidali tǫde we bidi homu godolo eyu, te eno wiegi yai doloba pai kolesaga augwaliba ebo dao. Ena Genuai Bidi, eno te tobage kolesaga ebode wiegi yai homu pemene ebo dao,” Genuai Bidigo te po wali.

Aisaia 52:6

Te ena digi eno dąį ilama, te ena we bidi ma saiba wabo sogo, te augwaligo ena nogi bugagia koneaibao. Augwaligo te tiwai koneyu, ena Genuai Bidi, eno tama te augwaliba tigidali pedalubo sę po polobadu wai dao. Suao, ena bidibao,” wali.

Aisaia 37:23

Senakerip, nago posobo po weyu, te po dwai weyu, te naga digi naga nogi ugwaba siyu, hagoma po wali sogo, nago homugo te nago de dali yali da homu yaliwe? Nago ena dali tama yalio, te Israelgo God, ena te Wiegi Yai Doloba Pai Kolesaga Ebo God dao.

Aisaia 30:23

Tama Godigo tulubage te dagego bulali nai wai dabeba mawaibao. Tama te węgo dagego nai wai dabe bugagia mu holaibao. Tama dagego nai dabe hauwa mu elaluaibao. Tama te sogo dagego kau kibu dabego tuabo nosai dabe hauwa me elaluaibao.

Aisaia 29:18

Tama te sogo da, te olo degai dabego te bidigo te bukude nedebo po augwaligo odaibao. Tama te gedu hwidai dabe megi augwali moni hulia sai madi bidibo, te bidi dabe augwaligo ma gedu peda paibao, tama nai dabe ma suaibao.

Aisaia 28:5

Te sogo te Godigo we bidi hani dwasianu naga bidiyu da, teda augwaligo Tigidali Bomo Elalubo Genuai Bidiba wiegi yai homu yaibao. Genuai Bidi aga digi aga wiegi yai tuni bidigo madi tobolude bulai, me te wiegi yai plaua bono augwaligo tobolude mubo tiwai bidaibao.

Aisaia 26:1

Te sogo nosali pedalobaso, te Juda tǫde bidalubo we bidi dabego te balia po waibao. Dago hanu mu boma pai mu dao. God aga digi dago bomai obo bidalio. Agai da ma polo oda sai dao, tama tebogo agai da bugagia bagulali, te hanu me deligo bomai obo tiwai yalio.

Aisaia 25:9

Te sę dabe pedalobo sogo, te we bidi dabego te e tama po waibao, “Mu tama dao, Genuai Bidi dago God dao. Dago homu agade dąų olama, tonaluai dao. Tama agai da ma oda sai dao. Aga deli naga Genuai Bidi dao. Tama agai da tau sai dao. Tama tibaso, da wiegi yai homu penene genina mu inao. Magi baso meni. Agai da polo ma oda sai dao,” te po waibao.

Aisaia 12:1

Tama te sogo dage Israel dabego te balia po waibao. “Genuai Bidi, eno nago nogi ugwabo sobao. Nago ena dali sębę yali, tiali goli nago sębę silalio, tama nago ena wiegi yai sę ilalio. Tama megi da, eno homu bugagia bidibao.

Aisaia 4:1

Tama te sogo te nogo a naga olama, me badu nogo si we dabego bidi me deli tola selama, te waibao, “Da dena digi nai me ugwa dabe da dena digi sela tuyu yaibao. Tiali goli, dago bidi mu menio. Tama da hale mu ebo. Tama tibaso, te hale silimainu eyu, nage dago bidi bidibo ąǫ yaibao,” te po waibao.

2 Tesalonaika 1:10

Te we bidi dabe augwali te Jisas e tǫba asobo side augwali te tiwai mu hagawaibao. Tama agai e tǫba asobo sogode, agai doloba pai mu we bidi augwaligo aga nogi ugwaba mu saibao. Tama konealubo po Jisasde dąų wali we bidi, augwali noma siyu, Jisas dali dwagi yai po waibao. Tama dago Godigo po dage tomode pusulama, tama dagego konealubo po te pode dąų obaso, te dagego me augwali dali Genuai Bidigo nogi te sogo ugwaba saibao.

2 Samuel 22:28

Nago te augwa digi augwa aiyaba elalubo we bidi ma sabo da. Tiali goli, nago te hagoma ebo we bidi dabe aiyaba elalubo dao.”

Godigo Nogi Ugwaba Sabo Tęąbi Po Wabo Buku Dabe 20:8

Te we bidi dabe augwali tulaluama, tama mu hagawaibao. Tiali goli, da te hodalu, tama bomonama dolaluaibao.

Godigo Nogi Ugwaba Sabo Tęąbi Po Wabo Buku Dabe 46:10

Agai te po wai, “Dage munu ma hwįnamuo,” wali. “Dagego ena bugagia koneiąo, ena God mu dao. Ena ugwadu mu elalu, tama te tigidali tǫ pedai kantrigo we bidi hani dabe ena dologode bidibao. Te tigidali bulu pedai tǫde ena te polalubo bidi bidibo dao.”

Bugagia Bidibo Kolesagade Po Asęai Buku 30:13

Te meba bidi dabego homugo augwali te wiegi yai mu da homu elama, tama gasa bidi dabe te olo bage te olo tiwai da homu ebo dao.

Aisaia 23:9

Te da te Tigidali Bomo Elalubo Genuai Bidigo pode te bulu tama dolai dao. Genuai Bidigo te tama tiali da. Magi baso meni. Agai te bidi hani augwa bomo de augwa genuai nogi dabe ugwa siyu, me augwa homu gana peyu ebo bidi dabego nogi aiyaba elalubo dao. Tama me, agai te bidi dabe genuai nogi yai bidi dabe me agai aiyaba elalubo dao.

Aisaia 30:18

Tiali goli, Genuai Bidi da, tigidali sogo doloba pai kolesaga naga ebo God dao. Tama tibaso, agai dage homu dene elama, agai hobede ebo dage ola mawainu te tonalubao. Te we bidi dabego Genuai Bidiba homu kolesaga dąų olama, tama agai augwali tau somainao olama, tonaluali we bidi dabe da, augwali wiegi yai homu pemene mu yaibao.

Maika 2:3

Tialima, Genuai Bidigo te po obao, “Odiąo. Eno dage dolabo homu ebao, te wi pabo usu me egobeo. Te dage hagoma elama bilainu ebaso, usu me egobeo, magi baso meni, te dwai sogo mugo dage gegaibao.

Godigo Nogi Ugwaba Sabo Tęąbi Po Wabo Buku Dabe 18:28

Te enade digi te Genuai Bidigo ula elalubao. Awe, tama ena Godigo te enade hulia sai elalubo te sela sąbo dao.

Godigo Nogi Ugwaba Sabo Tęąbi Po Wabo Buku Dabe 46:11

Te Tigidali Bomo Elalubo Genuai Bidi da dali bidibao. Te Jekopgo God aga te da seselalubo bidi mu da.

Godigo Nogi Ugwaba Sabo Tęąbi Po Wabo Buku Dabe 94:2

Nage hogodama, nago po tųba tigidali we bidi pedelaibao. Megi nage aselama, hagoma eyu dwai sę ebo bidi augwaligo ebo kolesaga wei ponao.

Bugagia Bidibo Kolesagade Po Asęai Buku 16:5

Genuai Bidigo te hagoma ebo bidi dabe, me te augwa digi augwa nogi ugwaba sabo bidi dabe, te agai wei mu me isiąyu, augwali dali dwai homu ebo dao. Dago e tama koneao, Genuai Bidigo augwali te odolali me tagala palogobeo. Menio. Te agai augwaliba te tigi dene mawaibao.

Aisaia 10:12

“Te tuni bidigo te po wali. Tiali goli, ena Genuai Bidi eno te po obao. Te Asiria dabe tuni bidigo eno agabolo te bulu du Saion me Jerusalem side yao wali sę ela silibo si da, teda aga tigide eno sę yaibao. Magi baso meni. Agai homugo aga genina mu dao homu elama, tama aga nogi ugwaba mu sabo.

Aisaia 14:15

“Tiali goli, hobede mu dao. Nage polo tulaluali, tama nage aiyaba aba mu tulaluama, tama isai bidi dabego bulu paibao. Tama nage dologode mu bidaibao.

Aisaia 40:23

Agai te king dabe te olo bidi tiwai pedalumainu ebo dao. Tama agai te bomai bidi dabe aiyaba elaluama, te augwa nogi me elalubo menio.

Jeremaia 12:9

Eno we bidi augwali te ba me deli tiwai gilama, te ba kemodage dabego te ba bagua sagaselama, te aga dolobo sę yalio. Te uni hasa dabe me i olama, te augwali me aselama, te ba tuagasomainao,” wali.

Daniel 4:34

“Te kibu be a naga me si wali silibo sogo da, ena Nebukatnesar, eno te dagaluba ugwa tonaluama, tama eno homu kolesaga te wiegi yai ma pedelai. Tama eno wiegi yai homu pemene te Ugwadu Bidibo Godiba mu yalio. Te sesemane bidada pidu bidibo God, tama eno aga nogi ugwaba mu siyu, kekene nanio. Tama eno te tama po wai, ‘God te king sesemane sogo bidada peyu, bidibo dao.