Aisaia 19:11 - Godigo dwagi yai po buku

¹¹ Te hanu Goan genuai bidi dabe te kolesaga meni yai bidi dabe naga dao. Tama te Isip tuni bidibolo wiegi yai kolesaga mabo bidi dabe augwa geda muai kolesaga agabolo mani. Isip tuni bidi, augwali te kolesaga sai bidi dabego nagebolo te tama po wabo dao, augwali te polobadu kolesaga sai bidi dabe, me te wiegi yai kolesaga hauwa elaluai bidi dabego hanidu asai dao po waibao.

Aisaia 19:11 Referans Kwoze

Israel Hanigo Namba 13:22

Hasia augwali te distrik Negev sabolama, tama augwali te hanu Hebronba pali. Te Ahiman de Sesai, me Talmai hani, te Hebronde bidali. Augwali te hani sela te augwaligo wąį te Anak hani dao. Te hanu Hebron te gasa bidi hanigo bolo hasia nigai, tama te kibu be a naga olama si nosali te Isip hanigo te hanu Soan nigai dao.

Godigo Sęba Tagala Palai Bidigo Po 7:22

Tama nosali Isip bidi dabego ebo kolesaga page augwaligo Mosesbolo ola mani. Moses genuai yali, agai sę dabe, po dabe bomai po mu augwalibolo manio,” Stivengo te po wai.

Aisaia 30:4

Te mu tama. Te Isip tuni bidigo aga po sabilibo bidi dabe, me aga ofisa bidi dabe aselama, tama Juda hani deliba sisinagasali. Te hanu Soanba, me hanu Hanesba sisinagaselama, tama te teba asali Juda dabe dali po wagasalio.

Godigo Nogi Ugwaba Sabo Tęąbi Po Wabo Buku Dabe 78:43

Te sogo agai te bidigo isiąwai bomai sę dabe te Soan bulude yali, te Isip tǫ pedaide dao.

Te Israel me Juda Hani Sigo Tuni Bidigo Po Elalubo Buku Deli 4:30

Te agai wiegi yai homu me te koneani kolesagago te giliga pedalu badu tede bidali koneani bidigo kolesaga, me te Isip bidi dabego kolesaga koneani bidi dabe me, te agai aiyaba mu elaluai dao.

Godigo Nogi Ugwaba Sabo Tęąbi Po Wabo Buku Dabe 78:12

Te wąį nǫų dabego gedude Godigo bomai sę me deli te Soan bulu, te Isip tǫ pedaide, yai dao.

Esekiel 30:14

Tama Isip bulu sese tama isi ula silaibao. Tama eno u saut badu te Isip bulude te olo bulu pedalomainu yaibao. Tama taun Soan te not badu te bulu sese tama isi ula silaibao. Tama te boi bidi dabego te taun Tebes bagulali obo aluama, tagalaibao. Tama we bidi hauwa elama, silaibao. Eno taun Pelusium sębę ebao, te da te Isip dabego bomai taun dao, tama eno aga dene genuai menama, tama augwali sęgę me dene genuai mu saibao. Tama eno Memfis dabebolo sęgę sesemane sogo dene mawaibao.

Esekiel 7:26

Te dolobo sę haniani augwaliba pedaludu geaibao, tama augwaliba te dwai nai dabe hauwa pedelabo po odu geaibao. Tialima, augwali wi ebaso, augwali te geme nosali pedelabo sę po pusubo bidi profet dabeba pelama, tama augwaliba hanalu te eno homude ebo yabo sę po hanilabo po koneai hagede yaibao, tiali goli te eno po augwaliba me magobeo. Te pris dabego augwali ola mabo po meni yaibao, te tobolu bidi dabe augwaligo te wiegi yai homu kolesaga augwaliba maiabo meni yaibao.

Jeremaia 49:7

Genuai Bidigo te Idom kantride po elalubao. Tigidali Bomo Elalubo Genuai Bidi, agai te tiwai po wali, “Magi yaliwe? Te Teman hanu we bidi dabego te wiegi yai homu kolesaga munu me elalubo homu meni da, agawe? Te augwaligo wiegi yai homude koneani kolesaga te hagawali da, agawe?

Jeremaia 10:21

Te tǫ kantri tonalubo tobolu bidi dabego wiegi yai homu kolesaga elalusiąyu, augwa te Genuai Bidiba hanaluama, te augwa homu kolesaga dodolomainu te homu me ebeo. Tiyu, augwaligo te wiegi yai sę me isiąbaso, te boi bidi dabe aselama, te we bidi dabe tedela pali, te uni yowigo te sipsip tonalubo bidigo te sipsip bugagia tonalusąbaso, te tedela palobo tiwai yali dao.

Jeremaia 10:14

Bidi dabe te tiwai ebeo. Tigidali te umuna pelama, te koneani homu me elalubeo. Te tibo god golgo nigibo bidi dabe dao, te augwali hale yaibao, te augwa nigali nai dabede. Te god dabe te mu nai menio. Augwa te bidibo ula me elalubeo.

Aisaia 44:25

Eno te magi nai me deli te nosali pedelaibao po wabo bidi dabego po te homu kone tuą palama, tama te augwaligo po geda mueibao. Tama te mena sę aga nade konea pai bidigo po homu kone tuą palaibao. Te po page konea pai bidigo homu kolesaga te eno umuna palobo bidi tiwai pedalumainu ilibo dao.

Aisaia 29:14

Tama tibaso, eno gasa sę dabe mu te we bidiba pedalumainu yaibao. Tama augwali mu noma mu saibao. Eno te bidi dabego augwalibolo wiegi yai kolesaga mabo bidi dabego homu kolesaga sela sąwaibao. Tama eno augwaligo kolesaga sai bagego kolesaga eno mu silaibao,” wali.

Aisaia 19:13

Te hanu Soan, me genuai hanu Mempis genuai bidi dabe, augwali te kolesaga meni yai bidi dabe naga dao. Tama me ma, te Isip bulu tobolu we bidi dabe augwaligo te bulu bugagia tolasa sę ebeo.

Aisaia 19:3

Te eno te Isip we bidigo homu kolesaga paninama, tama augwaligo bomo sia sanama, tama augwaligo yainu yali sę dabe augwaligo egobeo. Te augwaligo augwa tibo god dabebolo augwali tau somainu hanaluyu yaibao. Tama augwaligo te isai bidi dabego noma dali po wabo bidi dabe dali po wagi paibao. Tama augwaligo homu kolesaga hanaluyu, mena sę augwaligo yagawe waibao.

Bugagia Bidibo Kolesagade Po Asęai Buku 30:2

Agurgo te tama po wali, “Ena te bidi tiwai isąwai, magi baso meni, eno homu te bidigo homu tiwai me isąwai. Eno homu kolesaga te mu dwai dao.

Godigo Nogi Ugwaba Sabo Tęąbi Po Wabo Buku Dabe 92:6

Te homu kolesaga meni yai bidi, te umawai bidigo, te tama sę ebo dabe me koneainu ebaso, usu me egobeo.

Godigo Nogi Ugwaba Sabo Tęąbi Po Wabo Buku Dabe 73:22

Tama eno homu te pania selama, tama eno nago kolesaga me konesiąwai. Eno te nago gedude kolesaga yali, te uni hasago homu kolesaga umuna pabo tiwai ilali.

Godigo Nogi Ugwaba Sabo Tęąbi Po Wabo Buku Dabe 33:10

Genuai Bidigo te we bidi hani dabego homu kolesaga te olo tama hagamainu yaibao. Mu tama, te bidi dabego po miyu, te magi nai me deli nigaiba wali, tama agai augwaligo te sę yabo paliyu, tama te sę mu egobeo.

Jopgo Po Asęani Elalubo Buku 12:17

Godigo te tuni bidi kingba mobo mabo dabego homu kolesaga dolama, tagalobo dao. Tama augwali habu olo pabo dao. Tama agai te po tų odobo bidi dabego homu kolesaga dolobo dao.

Jeremaia 8:9

Te kolesaga koneai bidi dabego Genuai Bidi ena tudiba mubao. Magi baso augwa te homu eyu, augwa koneani kolesaga genuai elaluba homu ebawe? Te augwa hale dwai mu selama, te dwai sogo gegeyu, te hasa bade tola sabo tiwai yaibao. Tama augwa homu kolesaga dolaibao.”

Jeremaia 46:17

Te augwa buluba ma sabolama, tama te Isip kingba te tiwai gesi nogi mawaibao, Odolali Po Dagą Olama, Hagoma Eyu, Te Sę Yabo Sogo Hagawai dao, te nogi poaibao.”

Esekiel 28:17

Nago homugo tiali, nago gesabidi sawi yai mu dao homu yali, tama nago hagoma mu elama, tama naga nogi ugwaba salio. Nago genuai homu kolesaga elaluali, tama nago homugo te homu kolesagago te genuai nogi sabo dao homu yali. Tiali, te po page delide naga tama eno nage aiyaba te tǫba sąwai dao, te gasa meba king dabego nage sulama, tama augwaligo nage gisugu dwai mu momainogo yali.’

Obadia 1:7

“Te dage dali homu munama kęalubo bulu tǫ kantri dabego te dage tibo po ola mawaibao. Te augwaligo dage sela sąbaso, te duga bulu tǫ kantri tagalama, pelawaibao. Te dage dali bugagia bidali bulu tǫ kantri hani bagego te hwįbo side augwaligo dage aiyaba elalueibao. Te dage dali nai tuali abagi dabego me, te augwaligo dage tola sabo kę bono gaga munama, tama augwa te po waibao, ‘Te Idom dabego koneani homu kolesaga menade elalubawe?’ waibao.”

Ma Dobola Sali 8:4

Tama te gedeli dabe augwali posoga palama, nago tigi daiba duayagasu, te nago sę ebo bidi dabeba, me te nago we bidi augwali tigiba duayagasaibao,” Genuai Bidi Yawego te po wai.’ Te po wao,” Genuai Bidigo te po wai. Mosesgo te po tuni bidiba wagasai, tama te tuni bidigo agai po odobeo.

Ma Dobola Sali 8:14

Tama te Isip bidi dabe augwaligo te gedeli dabe deliba sisinama, pesage holai, tama te gedeli dabe damuyu, kugumini dwai mu pedelai.

Te Israel me Juda Hani Sigo Tuni Bidigo Po Elalubo Buku Deli 5:10

Tama tialima, Hiramgo te ni bǫ me wuli te hauwa mu te Solomonba tolali, te Solomongo dąį ilali namba usu nama tama tolai dao.

Obadia 1:8

“Te eno dage Idom dabeba dwai dene ilibo sę ebo sogo, teda eno te dagego kolesaga page konea pali hani tigidali silaibao, tama dagego koneani kolesaga page tigidali te sela sąwaibao.