Aisaia 19:1 - Godigo dwagi yai po buku

¹ Genuai Bidigo te Isip bulu dolaibao wabo po mani. Te po e dao. Suao. Genuai Bidi te pǫde ugwadu dualaluyu, tama te bulu tǫ kantri Isipba polo sabolaibao. Tama te sogo pedalobo si da, te Isip dabego tibo god dabe noma genuai mu saibao, tama te Isip we bidi noma selama, tama augwali wi mu elama, tama augwaligo bomo mu sia saibao.

Aisaia 19:1 Referans Kwoze

Ma Dobola Sali 12:12

“Tama te sogo hulide tama, ena te Isip tǫ tigidaliba pelama, tama te Isip we bidigo tigidali te gomunai ogwa ela muyu, tama augwaligo kibu dabe me elaibao. Ena digi ena te Genuai Bidi Yawe, tama eno te Isip bage augwaligo tibo god tigidali augwali te bomo meni yai bage mu dao hanilama, ola mawaibao.

Kraisgo Geme Dualali Sę Pedelabo Po Jonbolo Ola Mani 1:7

Suao, Krais aga te dagalu pǫ me tomodu tiąba asaibao, tama tigidali bidi augwa digi gedugo aga te pǫ tomodu tiąba asobo sueibao. Tama te aga tigide enani bidi dabe augwaligo me sueibao. Tama tigidali tǫde we bidi augwaligo aga asobode homu eyu, tama agai augwalibolo dene wei ponaibao homu elama, tama augwali homu sęgę eyu gela waibao. Awe, te tama tiaibao. Mu tama dao.

Joel 3:19

“Te Isip dabego tǫ te wa pai bulu pedelaibao, te Idom dabego tǫ da, te olo bulu tiwai pedelama, bidi tede me bidigobeo. Magi baso meni, te hani sigo te Juda dabe dali hwįnama, tama te magi dwai sę isąwai we bidi olodali elali.

Josua 2:11

Dago te po odolama, tama da dagede wi mu ebao. Tama megi, da tigidali bomo menio. Magi baso meni, God, dagego Genuai Bidi, aga te dagalu de tǫ sigo God dao.

Esekiel 30:13

“Ena Genuai Bidi eno po genina ma weyu, te po wali. Te eno te taun Memfis te Isip bulude te tibo god dabe piksa noma sese tama mu silaibao. Te eno Isip dabego king sela sąnama, tama Isip dabego king meni emainu yaibao. Tama eno te Isip dabe augwali wi dwai mu emainu ilaibao.

Jeremaia 51:44

Eno te Babilongo tibo god, te Belba dwai dene mabo sę eyu, te eno agai te dalali nai dabe bugulabo sę ilaibao. Tama te tǫ kantri we bidi augwali agaba me asogobeo. Tama te Babilon bagulali genuai obo te tigidali pepeda paibao,” te po wai dao.

Jeremaia 50:2

“Tigidali we bidi haniba pelama, te po pusao. Te ugwa plak ugwaba sao, te bidi dabego sulama, te po odagasomainao. Te po geme dualubo tagalao. Augwaliba te tama po wao, ‘Te boi bidi dabego Babilon salio. Bel, te Babilon dabego tibo god, aga hale dwai mu yaibao. Te god Marduk me te midigi dwai mu saibao. Te Babilon dabego dwai tibo god dabe te hale dwai mu elama, te midigi dwai mu saibao.’”

Aisaia 13:1

Godigo Babilon bulu dolabo homu yali, tama te po te nade ebo tiwai agai te po Aisaiabolo walalio, te Amosgo ogwabolo.

Godigo Nogi Ugwaba Sabo Tęąbi Po Wabo Buku Dabe 104:3

Tama nago be ąį daide ugwadu sęwai. Dagalu pǫ te nago dulalubo nai karis tiwai, tama waligo nage selasa pabo dao.

Bomai Po 33:26

Tama Mosesgo te po wali, “Israel dabe, dago God tiwai gasa god me menio. Agai genuai bomo elaluyu, tama genuai ula tomode bidiyu, tama te dagalu pǫ daidu ugwadu asali, te da tau sainogo.

Sekaraia 14:18

Te Isip dabe augwaligo te Tolu Yabe Bede Osogo Bidibo Genuai Bodolu Muani Side te Jerusalemde lotu wabo hagela homu ebaso da, teda te deli tigi poai gasi te Genuai Bidigo te pisąbo homu meni yani te bidi dabeba tagala palali, te gasi Isipba me pedelaibao.

Sekaraia 10:11

Te eno augwali augwa page bulu muba ma odasa asaibao. Te Isip dabe me Asiria dabego te augwali asabo sunumi te moni ąį biksigo panibo tiwai ebaso da, teda eno augwali hani si aiyaba elalueibao. Te Isip dabego bomo menia selama, tama genuai pabo ąį Nail sula sabo tiwai yaibao. Tama eno te Asiria dabego genuai bomo aiyaba elalueibao.

Jeremaia 25:19

Tama enote kap te Isip kingba me mayu, te aga sę bidi dabeba, me te aga ofisa dabeba mayu, te aga we bidi dabebamawaibao,

Aisaia 21:9

Tama eno te bidi dabe te hosde dulama si si asobo suali.” Tama tonalubo bidigo te po wali, “Babilon polo dolalio, aga polo dolalio. Tama augwaligo tibo god dabego piksa dabe tulaluama, tologa palio,” wali.

Aisaia 19:16

Tama te sogo te bulu Isipgo te tama sęgę tolalubaso da, augwaligo suaibao. Te Tigidali Bomo Elalubo Genuai Bidigo augwali dolainu nogo dolalubo sueibao. Tama augwali te we dabe wi elama, noma sabo tiwai yaibao.

Aisaia 13:7

Tama tibaso, tigidali we bidigo dili naga mialuaibao. Tama augwaligo bomo mu menia saibao.

Godigo Nogi Ugwaba Sabo Tęąbi Po Wabo Buku Dabe 104:34

Agai ena dwagi yai homu ilai, tama eno homugo agai eno tęąbi ebo godolo emainogo ebao.

Godigo Nogi Ugwaba Sabo Tęąbi Po Wabo Buku Dabe 68:4

Dago te Godigo nogi ugwaba sabo tęąbi po wao. Aga te pǫ dabede dugulasa, tama pabo dao. Agai sunumi dodolao. Aga nogi te Genuai Bidi dao. Dago aga gedude wiegi yai pemene yao.

Josua 2:24

Tama te bidi sigo Josuabolo te po wai, “Mu tamao, Genuai Bidigo te tǫ tigidali da nogoba mawaibao. Awe, te tǫ tolalubo tuni bidi aga we bidi tigidali dade te dwai wi mu ebo dao,” wali.

Josua 2:9

tama augwali sibolo te po wai, “Eno koneani, Genuai Bidigo e genuai tǫ te dage Israel dabego nogoba mawainogo ebao. Tama eno po dolo mu dage sibolo obao. Da tigidali dagede wi elama, tama da didibili dwai mu ebo.

Godigo Nogi Ugwaba Sabo Tęąbi Po Wabo Buku Dabe 18:9

Agai te pǫ dabe sela sąnama, tama aga aiyaba dulali. Tama husugu yai pǫ te aga sągą dologode elaluali.

Jeremaia 4:13

Tialima, ena Jeremaia, eno te we bidi dabeba te po wali, “Suao. Te boi bidi dabe te pǫ husugu yai tiwai mu yaibao. Te ami bidi dabego karis udada pabo te pobege ebo wali asobo tiwai yaibao, te augwaligo hos dabe te ba kemodage bola asobo tiwai asesa asaibao. Hobede mu dao. Megi da mu tama dolainu ebao waibao.

Jeremaia 44:8

Dage Isipba bidagaselama, dagego te tibo god dabegopiksa nigilama, te wiegi yai denami ebo ofa te god dabebaebo dao. Dagego te tebo kolesagade ena haliga sębę dwaimu ilibao. Tibaso, te dage dolaibao. Te gasa tǫ kantribulu we bidi dabego dageba dwai posobo po waibao. Te augwa boi bidi dabeba dwai po wabo sogo da, tedaaugwaligo te po waibao, ‘Dage te Juda dabe dolali tiwaigilama yagameo,’ te po waibao.

Nahum 1:1

Godigo te genuai taun Ninivede po te profet Nahumbolo te nai nade subo tiwai ebo sogo te sęgę yai po mawai. Profet Nahum aga te Elkos bulu bidi dao.

Nahum 1:3

Genuai Bidigo asesa wado po me wagobeo. Tiali goli, aga te bomo yai elalubao, te sesemane sogo agai te dwai sę ebo bidi dabeba te dene mawaibao. Te Genuai Bidi gasaba me deli pabo sogo da, te genuai wali me tulubage pedelaibao, te pǫ dabe te agai sągą dologode te pobele bage hogomu tiwai pedalubo dao.

Israel Hanigo Namba 33:4

Te sogo te Isip dabe augwa gomunai ogwa dabe pubalobadi yaide. Te Genuai Bidigo augwali ela wialai. Te da, te Genuai Bidigo te tibo god dabego bomo aiyaba elaluama, tama agai bomo te Isip dabe augwalibolo ola mayu yai.