Aisaia 18:4 - Godigo dwagi yai po buku

⁴ Magi baso meni, Genuai Bidigo enabolo e tama po walali, “Ena Genuai Bidi, ena ena bulu dagalude bidiyu, tama eno we bidi dabego ebo kolesaga subo sogo da, ena haliga nagame elama, tama eno olo tama tonaluaibao. Eno homu polo hogodama, augwali polo dolabo homu ebo menio. Meni. Eno dua tonaluyu, tama te giliga nanama, tama masigi sanede bomona nanebo tiwai elama, tama te agai posolo ugwaba dua holobo ąǫ ebo dao. Tiali goli, isi mu dadala sabe. Tama me ma, ena te hulide te nai ininama, sabo magąde te tulubo u meni yai tulubage tulubo tiwai ebo dao.”

Aisaia 18:4 Referans Kwoze

Hosea 5:15

“Te ena te ena buluba ma pelama, te ena we bidi tagaligi pelama da, tama te augwali te augwa yali dwai sęgęde te dene me sęgę sabo sogoba usu somainu yaibao. Tiali goli, nosali te augwali enaba ma asaibao. Te augwali dwai dene siyu bolo elama, te augwali enaba ma asaibao,” wai dao.

Aisaia 26:21

Suao, Genuai Bidi aga bulu dagalu tagalama, e tǫba te asobao, te e tǫde we bidi dene mawainu, tama augwa yali dwai sę wei ponainu. Tama tǫgo te bidi dabego kaneme me geme dualogobeo, te gasa bidi dabego augwali ela wialali dabe. Menio. Agai te bidi dabego yali dwai kolesaga dabe sese tama haninaibao.

Aisaia 18:7

Te sogo augwaligo te Tigidali Bomo Elalubo Genuai Bidibolo te olo maiabo wiegi yai nai sela asaibao, te boma pai kantridu. Te bulu te wę hauwa elalubo bulu dao. Te bulu we bidi dabe augwali bobobage mu elama, tama augwaligo sawi yai tigi mu elalubo. Tama te bulu te wąbi hwįbode genuai nogi mu elalubaso, te gasa bulu dabego agade wi mu ebo dao. Te bage augwaligo augwa olo maiabo nai dabe te bulu du Saionba sesaibao, te Genuai Bidigo te we bidi aga pąba aselama, tama agaba lotu weyu emainu dąį ilai pesage dao.

Aisaia 14:32

Te dago mena po wei ponaibawe, te Filistia dabe augwaligo dago augwali tau somainu hanaluagasobaso? Te dago augwaligo po wei e tama ponaibao, “Te hanu Saion te dago Genuai Bidigo digi duala sabo bulu tiwai nigilai dao. Tama aga we bidigo genuai sęgę elaluyu, me sęgę yai sę eyu ebaso da, augwali teba pelama, tama augwali bugagia bidaibao,” wali.

Aisaia 12:6

Israel dabego God aga te Wiegi Yai Doloba Pai Kolesaga Naga Ebo God dao. Aga genuai nogi elalubo. Tama aga dage Saion we bidi dabe dali bidibao. Tama tibaso, dage wiegi yai homu iyąo. Tama i bomona weyu, agaba balia po wao.” Te aga hani we bidi ma sisinibo sogo dagego te balia po waibao.

2 Samuel 23:4

teda te we bidi dabego agaba wiegi yai homu pemene eyu, augwa te kigamude giliga bugagia naniyu, tama te pǫgo te ula mesegelisiąbaso, te wiegi yai homu pemene ebo tiwai yaibao. Tama te tulubage nosali silibo side, te giligago te nosa ula ilali.’ Eno te po wai.”

Hosea 14:5

Te eno Israel dabeba wiegi yai sę ilaibao, te tulubage segeni te wa pai tǫba tulama, te telabo tiwai yaibao. Te augwali te gasa wiegi yai sawi yai plauwa tiwai pedaliyu, tama te tǫ kantri Lebanonde te genuai bomai ni dabe tiwai pedaliyu yaibao. Te ni dabe sele te tǫ aya tomoba mu dulali tiwai ebo dao.

Aisaia 46:13

Menio. Te pąba pedelalio. Te eno munu ma tonalugobeo. Te eno dage Israel dabeba boi bidi ebo bidi dabeba dene mu menama, te dage bugagia ma bidaibao. Te Jerusalem taun me wiegi yai bugagia ma ilaibao, te eno ena genuai nogi me bomo te dage Israel dabe tomode hania pepeli diliba pedalumainu yaibao,” wai dao.

Aisaia 31:9

Te Asiria dabede genuai wi mu pedalaibao. Tama augwaligo bomai genuai hanu tulaluaibao. Tama te augwaligo ami ofisa dabego eno hwįbo plak ugwa walai subaso, augwali noma selama, augwaligo dili nagamea pelama, tama augwali wi paibao.” Te da te Godigo po dao. Te agai bomai isi te bulu du Saion te Jerusalem bulude elalubao.

Aisaia 26:19

Tiali goli, naga te hani polo isila pali, tama augwali megi hulia sai madi bidibao. Te augwali ma hodaloama, te ula ma sueibao. Nago te isai bidi dabe bidibo ula ma mabo dao, te hulide tulubage segeni elama, te tǫ wa pai madi te gesi noma nosai hogonu ma holomainu ebo tiwai ebo dao. Dage te gų pagede pila mubo bage, dage hodaloama, dage wiegi yai homu elama, po hae waiąo.

Godigo Nogi Ugwaba Sabo Tęąbi Po Wabo Buku Dabe 72:6

Nago te king wiegi yai bidi pedalumainu ilao, teda agai kolesaga wiegi yai eyu, te tulubage te gi nasi dabeba tulama, tama te nai wiegi yai pedalubo tiwai emainu yao.

Joel 3:17

Agai te tama po wai, “Te sogo te Israel dagego koneiagameo, ena tama ena God, te duga Genuai Bidi da waibao. Ena te Saionde bidibao, ena bulu du deli digi dao. Te Jerusalem eno te ena taun naga pedelama, te gasa hani dabe augwaligo boi bidi homu eyu, te tomoba ma pogobeo.

Bugagia Bidibo Kolesagade Po Asęai Buku 19:12

Te kingo wado weyu, te haliga sębę eyu ebo, aga te laiongo bomonama te gaa wabo tiwai ebao. Tiali goli, agai te bugai haliga elama, tama te we bidi dabe tau sabo homu eyu da, te segeni tulubage tuluyu, te nai bugagia holomainu ebo tiwai te ebao.

Tuni Bidi Dabego Po Elalubo Buku Si 6:21

Nage Genuai Bidi, nage naga bulu dagalude bidibao. Tiali goli eno homugo te ena me te Israel dabe te naga we bidi, dago nago te beba tonaluyu, gedu haluasa po wabo si da, teda nago dago gedu haluasa po wabo odama, tama nago dago sęgę sela sąyao.”

Aisaia 57:15

“Ena digi ena God, te ena sesemane sogo bidibao. Eno nogide te magi meda mu meni yai elalubao, ena te Wiegi Yai Doloba Pai Kolesaga Mu Ebo God dao. Ena te ena wiegi yai bulude digi ugwadu bidibao. Tiali, ena te augwa digi augwa aiyaba elaluama bidiyu, te augwa yali dwai sęde homu dene ebo we bidi dali bidibao. Te eno augwa haliga dąų waliyu, te augwa bidibo ula te wiegi yai ma pedalumainu ebo dao.

Amos 3:7

Mu tamao, tigidali sę God Genuai Bidigo yabo homu ebo sę, agai aga sę bidi dabebolo hasia po pusaibao, te profet dabeba waibao, tama nosali agai wali po gilama te sę ebo dao.