Aisaia 17:2 - Godigo dwagi yai po buku

² Te Aroer dabego hanu dabede we bidi me bidigobeo. Tama tibaso, te bulu dabe te olo sipsip kibu dabego bulu pesage gagawaibao. Tama te sipsip kibu dabe bugagia bidaibao. Magi baso meni. Te augwali wi ilabo bidi mu menia saibao.

Aisaia 17:2 Referans Kwoze

Esekiel 25:5

Te eno taun Raba, te dagego genuai taun, te dolama, te kibu kamel dabego nosai tubo pesage pedelaibao. Te tǫ kantri Amon te kibu sipsip dabego obo dabe nigibo pesage pedelaibao. Tama dagego te tiwai koneyu, ena digi ena Genuai Bidi mu da po wagameo,’ te po te Amon bagebolo wao,” te po wali.

Jeremaia 7:33

Te tigi hauwa tǫde olo munalua pobadi, te ba sibigo me hasa sibi aselama, mi tuagasaibao. Tama te ba dabe me hasa dabe aselama tubadi, te sela sąyabo bidi meni yaibao.

Sefanaia 2:6

Dagego tǫ dage te tamu ąį sabide te elalubao, teda te olo kala bulu pedelaibao. Tama te sipsip tonalubo bidi dabego tede dwasianu be dabe me sipsip obo te pesagede sę eyu yaibao.

Maika 4:4

Tama tigidali bidi deli deli te augwa wain bono gi, me ni fik kaya gi pąde bugagia bidalu, te mena bidi me deligo augwali wi ilabo sę me iligobeo. Te Tigidali Bomo Elalubo Genuai Bidigo te po dąų waliyu, wai dao.

Bomai Po 2:36

God dago Genuai Bidigo te tigidali hanu dabe dolomainogo sula tagalai dao. Te moni hanu Aroerdu gagalama, te Arnon wę sesegede, me te wę sesegede elalua pabo bulu du tama pelama, te Gileat dabego tǫba usu nigi pali, te hanu me deligo da paliabo usu me ebeo.

Israel Hanigo Namba 32:34

Tama te Gat hani we bidigo te polobadu bomai obo elaluali te sipsip tomoba muabo obo dabe ma dodolali. Augwaligo hanu Dibon, me Atarot, me Aroer,

Jeremaia 48:19

Dage te taun Aroer we bidi dabe, dage te sunumi sesegeba doligi pelama, te wi asobo we bidi augwali suao. Te augwaliba dagego hanalu wao, ‘Mena sę pedalubaso, dage wi asobawe?’

Bomai Po 3:12

Mosesgo te Israel dabebolo te po wali, “Dago te hanu dabe sela silibo si, eno te Ruben hani me Gat hani dali sibolo tǫ mani, eno te hanu Aroerdu gagalama, te wę Arnon pąba saboligi pelama, te dąį ilali. Tama eno augwalibolo te Gileat bulu du si badu augwalibolo eno mawai dao. Te aga hanu dabe dali sese tama mawai dao.

Aisaia 7:21

Tama te sogo da, te boi bidi dabego dagego kibu bulmakau dabe, sipsip kibu dabe sese ela silaibao. Tiali goli, bidi me deligo kau kibu deli bidiyu, me meme kibu si me bidibaso da,

Aisaia 5:17

Te hanu dabe sese dolaibao. Tama nosai dabego bulu mesega saibao. Tama sipsip kibu de meme kibu sigo te mone hauwa elaluali bidi dabego be elaluali pesageba nosai tuagasaibao.

Josua 13:16

Te augwaligo hanu tǫ pedai te Arnon odogo tǫ sesegede elalubo bulu nogi Aroer tede gagalama, tama te odogo tomode elalubo hanu ela soayu, tama te Medeba dabego dolo elalubo tǫ tigidali tedu pelama,

Aisaia 7:22

augwaligo ame pę hauwa mu nigilaibao. Tama agai te ame pę selama, tama te tubo nai sis geselaibao. Tama te dwasianu we bidi bidibo bage augwaligo te sis dali, hani bunu ąį dali si tuyu yaibao.

Aisaia 27:10

Te hanu da, polobadu bomai obo elaluai dao. Tama megi da, sese mu tama dolama, elalubao. Megi da, olo kala sili bulu te we bidi te bulude me bidisąwai bulu ąǫ ebao. Te bulude we bidi me bidibeo. Tama te kau kibu dabe naga te buluba sisinagaselama, tama me te dwasianu ni yabe dabe tuyu, tede bidibao. Tama augwali tede toma tuyu bidibao.

Esekiel 39:26

Te augwali augwa tǫde bugagia bidiyu, tama bidi mego augwali wi ma ilisąma ebaso da, teda augwaligo augwa polobadu yali dwai kolesagaba kone palama, tama augwali hale dwai mu yaibao.

Josua 13:25

Jasago tǫ me te Gileat tigidali hanu, tama te Amon dabego tǫ pedai te Aroer teba usu nama, te Amon dabego tǫ tomode elaluali, te giliga ge pedalubo madi, te Raba tǫ pąde elaluali.