Aisaia 17:10 - Godigo dwagi yai po buku

^10-11 Magi baso meni. Israel dabe, nago te God nage ma oda sabo God nago homu kone ebeo. Aga te genuai masigi te dwai sogo duala sigi pabo masigi tiwai dao. Tiali goli, mu tama, nago aga mu gegeda pali. Tama nago gasa hanigo godiba lotu po wali. Tama nago homugo tibo te god dabego nage tau selama, tama nage bugagia bidiba homu ebo. Tiali goli, nage dolama, tama nage usu ma yabo sunumi mu menia saibao. Te naga gide ni wain wai bulama, tama kulubi polo holama, tama aga du walainu duduli ebo sulama nage wiegi yai homu ebo tiwai dao. Tiali goli, nago agai du sogobeo. Menio. Deli sogo polo tama te wain ni dolama, sasi elama, te wain gi dolaibao.

Aisaia 17:10 Referans Kwoze

Jeremaia 2:32

Dagego homugo te gesi wegigo aga au ebo wiegi yai au dobage gegeda pabo homu yaibawe? Te we dabego te augwa bidigo kębo sogo au yali wiegi yai au dobage gegeda pabo homu yaibawe? Menio. Augwaligo gegeda painu ebaso, usu mu me egobeo. Tiali goli, tega! Dage eno we bidigo enaba hauwa sogo homu kone gegeda paludu gebo dao, bidigo nedebaso, usu egobeo” wali.

Aisaia 26:4

Tigidali sogo Genuai Bidi dago bomai duala sabo pesage dao, te moni dobo masigi tiwai dao. Tama aga tigidali sogo tama bidada peyu, bididuaibao. Tama tibaso, dago agade homu dąų mu olama, tama aga dologode tigidali sogo bidinao.

Bomai Po 32:18

Augwaligo bomai God, augwali nigali God da, gegeda palali.”

Godigo Nogi Ugwaba Sabo Tęąbi Po Wabo Buku Dabe 106:21

Godigo te Isipde bomai sę mu elama, tama te Israel dabe te Isip dabego nogode ma dobola sali. Tiali goli te Israel dabego te tiali sę te homu kone me palubeo.

Bomai Po 32:4

Dago God te tama tigidali sogo bidibo dao. Aga da, te genuai masigi me tiwai dao, te me hasegelisąwai masigi tiwai dao. Tigidali sogo agai aga po wali pabo dao, tama agai ili po me wabo menio. Tama agai kolesaga da, wiegi yai mu elama, doloba pai mu dao.

Hosea 8:14

“Te Israel dabego homugo te kingo bomogo augwali tau sabo usu yaiba homu yai, tama tiyu augwaligo te kingo bomai be sę yani. Tiali goli, augwaligo te naide homu kone isąwai, ena God, eno te we bidi nigai dao. Tama te Juda dabego me te dwai sę yai elaluali, magi baso meni, augwa taun dabe bagulabo te bomai obo dabe nigali, tama augwa homugo te augwali bugagia bidaiba homu yai. Tiali goli, tagalao, eno sia te taunba tula palama, te kingo be dabe dali siago dela silimainu yaibao,” Genuai Bidigo enabolo te po wai.

Jeremaia 17:13

Genuai Bidio, sesemane sogo da Israelgo konealubo po nageba dąų olama, te nago da tau sabo tonalubao. Te bidi dabego nage tudiba muani, augwali hale dwai mu yaibao. Polo tama te bidi dabego augwali homu kone palubo tagalu, te nogi me deli homu kone gegeda pabo tiwai eyu, bidigo te tǫ hogomude asęai po polo hola pabo tiwai yaibao. Genuai Bidi, nage te ąį ulu tiwai dabolo ula mabo tiwai ąį elalubao. Tiali goli, te bidi dabego nage tagalobo dao.

Jeremaia 12:13

Dage Israelgo te wit wai ge bulaibao, tialima te inayani nai tau yali sabo sogo, dagego te sesani yai bono naga elalubo sueibao. Dage odolali sę dene elama, te magi nai me deli dagego me sogobeo. Dagego te Genuai Bidi eno haliga sębę naga saibao. Tama dage dwai hale mu siyąo,” wali.

Aisaia 51:13

Te dagego Genuai Bidi, enaba homu kone gegeda palali homu yali. Eno tama eno dage nigali. Eno te dagalu aga pesagede muani, te eno nigilama, eno te tǫ page dąų walali. Magi baso dage te elaluama, te dolainu ebo dwai bidi dabede wi ebawe? Te bidi dabego dageba magi sę me egobeo. Augwa haliga sębę te odolali silaibao.

Aisaia 12:2

Mu tama, Godigo ena ma oda sai dao. Tama megi da, eno agaba homu dąų ola saibao. Tama ena wi me egobeo. God, Genuai Bidigo ena bomo ilibo dao, tama tibaso, eno balia po obao, te agai nogi ugwaba sainogo. Magi baso meni. Agai ena ma oda salio.”

Godigo Nogi Ugwaba Sabo Tęąbi Po Wabo Buku Dabe 106:13

Tiali goli, polo tama mu, te augwaligo Genuai Bidigo yali sę dabede homu kone ebo tagalalio. Tama augwaligo te Godigo po bolo hasia me sabeo. Augwaligo yali sę dabe te augwa homugo digi nigilama yalio.

Godigo Nogi Ugwaba Sabo Tęąbi Po Wabo Buku Dabe 85:4

God, nago da ma selama, megi da, nago da te nagaba odasa ma pao. Ya, nago dabolo wado ma igio.

Bomai Po 32:31

Te boi bidi dabe augwaligo koneani da, augwaligo tibo god dabego bomo menio homu yali. Tiali goli, Israel dabego Godigo genuai bomo te genuai masigi deli tiwai dao.

Godigo Nogi Ugwaba Sabo Tęąbi Po Wabo Buku Dabe 79:9

God, nage te da ma sabo God dao. Nago te naga genuai nogi sabode koneama, te da tau sao. Nago da ma siyu, tama dago dwai sęgę tigidali te sela sąyao, tama dago te nago nogi ugwaba saibao.

Tuni Bidi Dabego Po Elalubo Buku Deli 16:35

Tama dago te tiwai po me wainao, ‘Te we bidi dabe ma dobola sabo God, megi nago da ma sao. Da sisinama te gasa hani dabego nogode ma sao. Tama tibaso dago nago genuai nogide homu kone palama, te nageba gedu haluasa po weyu usu da po waibao. Tama dago wiegi yai homu pemene eyu te nago nogi ugwaba saibao.’

Bomai Po 32:15

“Te Genuai Bidigo we bidi augwaligo nai dabe hauwa mu sali. Tiali goli, augwaligo aga dali dwai hagoma sę yali. Augwali nai hauwa sogo mu tulama, tama augwali genuai bidi dabe mu nisali. Godigo augwali nigilali, tama aga bomogo augwali ma oda sali. Tiali goli, augwaligo aga tudiba togolali, tama aga tagalali.

Bomai Po 28:30

“Tiali, dagego bidi mego we odolai baso da, teda te bidigo te we sogobeo. Menio. Te gasa bidigo naga te we saibao. Dagego be sę yaiba, tiali goli dage te bede bidigobeo. Dagego wain gi bulaibao, tiali goli dagego te wain du dagego tugobeo.

Bomai Po 8:19

Dagego God dago Genuai Bidi me gegeda pelamuo. Tama dagego tibo god dabe wali pelama, tama augwaliba lotu po me olamuo. Megi eno haninama dagebolo bomona te walibao, ma dagego te po sela sąyani da, teda mu tama o, Godigo dage mu tama dolaibao.

Bomai Po 8:14

teda dage dila pelama, tama hagoma homu elama, tama God dago Genuai Bidi gegeda pelamuo. Agai dage Isip bulude oda sai dao, te dage te olo sę ebo bidi bididuali pesagede.

Bomai Po 8:11

Mosesgo po geninama weyu, te po wali, “Dagego bugagia tonaluiąwe, tiyu dagego God dago Genuai Bidi gegeda pidali weyu. Tiyu dagego Genuai Bidigo haniani bomai po eno dage megi mabo, te bomai po gegeda pidalio.

Bomai Po 6:12

teda dage dua mu dao, tiyu dagego Genuai Bidi gegeda palabuo. Agai digi dage Isipde olo kalabus sę ebo bidi tiwai bidibaso, dage odasa asai dao. Tama agai digi dage Isip bulu tagalama, odasa asai dao.

Pris Sę Ebo Bomai Po 26:20

Te nai dabe te gide dabe me hologobeo, te ni dabego du me walogobeo. Te dagego sę dene yali odolali yaibao,” te po wai dao.

Pris Sę Ebo Bomai Po 26:16

teda eno dagebolo dene maiabo sę e tiwai yaibao. Polo tama eno dage dwai wi mu ilama, te dage te tobage genuai gasi somainogo ilaibao, te tigi posolo mu ilibo gasi, me te dage gedu widaibao, te dagego tigi me dolaibao. Te dagego gi nai da bulaibao, tiali goli dagego te nai ge me sela tugobeo. Mu menio. Te boi bidi dabego naga sela tueibao.

Sefanaia 1:13

Te boi bidi dabego te bage augwaligo nai dabe wi saibao, tama augwaligo be dabe dolaibao. Augwaligo gesi be dabe sę yai goli, augwali te be dabede bidigobeo. Te augwaligo ni wain bulaiba, tiali goli augwaligo te ni du sogobeo, tama augwaligo te wain wę me geselegobeo,” Genuai Bidigo te po wai.

Habakuk 3:18

teda te sęgę tigidali pedalali goli, te tagalao, te eno Genuai Bidide wiegi yai homu pemene elama, bugai haliga yaibao. Magi baso meni, Genuai Bidi aga te God da, tama aga da, te ena ma dobola sabo bidi dao.

Amos 5:11

Me, dagego te magi nai meni yai bidi dabego nai sainu anoma eyu, te dagego augwaligo tubo nai wi sabo dao. Tama tiyu, dagego augwali agabo dao. Tama tibaso, dagego dwagi yai be dabe masigigo sę yani goli, dage te bede bidigobeo. Te dagego wiegi yai wain gi bulali goli, dagego te gi dabede wain ąį me tugobeo.

Hosea 4:6

Te we bidi dabego ena bugagia konesiąbaso, augwaligo ena wali me asobeo, tama teyu, te augwali dolaibao,” wai. “Dage pris dabego ena wali me asisąyu, tama dagego eno po sela sąwanio. Tama tiyu, te eno dage sela sąwaibao. Tama eno te dagego wai dabe me te eno pris pedalumainu me egobeo,” wai dao.

Godigo Nogi Ugwaba Sabo Tęąbi Po Wabo Buku Dabe 65:5

God, nago naga te nago da te boi hwįbode ma selama, tama da bugagia bidibo dao. Nago dago gedu haluasa po wabo odao. Te nago da ma sainu yali sę te sę mu yai. Te dade te digibulu mu te tigidali tǫ habude bidibo bage dabe, tama te augwa pesageba sabolainu, te tamu ąį nogeali, augwaligo konealubo homu nageba dąų mu wabo dao.

Godigo Nogi Ugwaba Sabo Tęąbi Po Wabo Buku Dabe 31:2

Nago eno i wabo odolama, tama ena polo ma sao. Tama tiyu, nage te ena duala sabo madi te genuai masigi bulu du tiwai elalubao. Tama nago ena bugagia bobegelalu, te ena bugagia bidiyu, tama te boi bidi dabego ena aiyaba me elalugobeo.

Godigo Nogi Ugwaba Sabo Tęąbi Po Wabo Buku Dabe 18:2

Genuai Bidi agai ena tau sabo da. Aga te eno bomai obo tiwai da. Genuai Bidigo ena tonalubaso, tama te boi bidi dabego ena me dologobeo. Genuai Bidi te hwįbo sabele tiwai elama, tama ena geme seselalubo. Agai te ena ma selama, tama ena tonaluabo bomo elalubo dao.

Godigo Nogi Ugwaba Sabo Tęąbi Po Wabo Buku Dabe 9:17

Te dwai bidi dabe, me te God tudiba mubo we bidi hani dabe, te tigidali isimainu ebo dao.

Aisaia 17:9

Tama te Godigo te Israel bulu dolobo sogo da, te augwaligo bomai hanu dabe dola silama, tama augwali olo bidaibao. Te hasia te tǫde bidali bidi hanigo hanu tiwai yaibao. Te hani augwali Israel dabego hwįagasainu asobaso, augwali augwa hanu taga peyu, augwali wi pai dao. Tama te hanu dabe olo te bulu dude dabe elaluyu ebadi, te busi hola paibao.

Aisaia 18:5

Te mu tama, megi te bulu te ni wain bomona holama, tama dudili elama, tama telega pelama, te wain du tau yabo magą ebo tiwai dao. Tialigo Genuai Bidigo te bulu dolaibao, te bidigo sębę elama, te ni wain nologo te wain du tau isąbadi toga sabo tiwai yaibao, te nedu du sabo magą isąbadi toga sabo tiwai yaibao.

Aisaia 25:4

Nage te nai meni yai bidi dabe duala sabo bulu tiwai nage bidai dao. Tama augwali sęgę ebo sogo augwali bugagia bidai dao. Te dwai bidi dabego homu sębę te bomai waligo te be daga tigiba hudula palobo tiwai dao, me te sesana pai giliga te kemi tǫ wa pai bulude nanebo tiwai dao. Tiali goli, te tulubage sogo, me wali ebo sogo, nago augwali mesegelama, tonaluai dao. Te nai meni yai bage nago tonaluai dao. Tama bomai giligago augwali ulumainu sula tagalai menio. Genuai Bidi, nago te boi bidi dabego pedauwali paninama, tama te dwai bidi dabego i hae wabo tama sia sabo dao. Te pǫgo te sesana pai giliga dualobo tiwai ebo dao. Tama te bulu kedaua pabo dao.

Aisaia 30:29

Tiali goli, Genuai Bidigo we bidi dagego da, te sę dabe ebo subo sogo da, teda dagego homu gana pabo balia te genuai lotu wabo sogo wabo tiwai waibao. Dagego te bidi dabe te Genuai Bidigo bulu duba holama, tama wiegi yai homu eyu, te genagego ona dabe elebo tiwai yaibao. Genuai Bidi da, te genuai bomai masigi tiwai dao. Tama aga te Israel dabego duala sabo pesage tiwai dao.

Aisaia 33:2

O Genuai Bidi, dago homu kolesaga nage deliba naga elalubao. Nago da hobede elama, tama tigidali sogo da bugagia tonaluagameo. Tame te sęgę ebo sogo, nago da ma selama, tama dago augwali aiyaba elalumainu ilao.

Aisaia 44:8

Eno we bidi dabe, dage wi elama, dili tidibi igio. Polobadu digi eno dageba weyu, te sę pedelaibao po wali. Tama dage te eno ebo sę po te mu po da wabo bage dao. Te ena tiwai gasa god me bidiba homu eba, agawe? Eno te me deli munu me konebeo. Ena deli naga te dagego toma nabo bomai pesage tiwai elalubo dao.”

Aisaia 61:10

Te eno pemene ebo wiegi yai balia Godiba waibao, eno Genuai Bidi dao. Te eno pemene umabo mu yaibao, magi baso meni, agai ena ma sali. Te aga wiegi yai sogo te aga doloba pai kolesagago ena te bobobage wiegi yai ugwago mesega sabo tiwai yali, te ena te we sabo bidigo au ebo tiwai eyu, te we aga bidigo aga kębo sogode au ebo tiwai yai dao.

Aisaia 62:11

Nage Jerusalem, nago te tiwai koneao, Genuai Bidigo te tigidali tǫde we bidiba weyu, nageba te po pusumainogo yali, “Saion, suao. Te nago we bidi dabe ma sabo bidi, aga asobao. Suao. Te agai aga we bidi dabe odasa asu, te aga te boi hwįnama, te wiegi yai nai sali tiwai yali dao,” te po wao.

Jeremaia 3:21

Genuai gela te ni meni yai bulu du bagede wali. Te Israel we bidi dwai gela weyu, Godiba i olama, te Godigo olo tau mabo wiegi yai kolesaga augwaliba emainu wali. Magi baso meni, augwaligo te Genuai Bidi augwa Godiba homu kone palobo gegeda palama, te dwai sunumidu wali pai dao.

Esekiel 23:35

“Ena God Genuai Bidigo eno te tiwai po nagebolo obao, nago ena homu konebo tagalama, te ena tudiba munama, te tobage dwai kolesaga dabe mu yali. Tibaso, naga te yali dwai penani kolesaga dabede sęgę tolao,” wali.

Joel 1:17

Tǫde wę meni yai, tama tiyu, te tǫ tomode nai wai dabe isila pelama, te nai me holobeo. Tialima, te nai mubo be olo elaluama, te dolalio.

Esekiel 22:12

Te mebago augwa abagi dabe ela muabo mone sabo dao. Te mebago augwa abagi dabego te negeli ilali wei augwaliba ponobo sogo te gasa ugwadu daganobo mone dali sabo dao. Te mebago augwa abagi dabe wi ilibo sę elama, te augwaligo mone kekebo sę yalio. Dagego te ena God Genuai Bidi homu kone isąma, kegeda pali da,’ te po augwalibolo wao,” wali.