Aisaia 16:9 - Godigo dwagi yai po buku

⁹ Ena te hanu Jaser de Sipma si wain gi hagede gela obao. Tama me eno gela ųga te hanu Hesbon me Eleale buluba tulalubao. Magi baso meni, dage sese dola silalio. Tama dagego we bidi augwa wain giba pelama, tama augwali te wain du tau yali sainu wiegi yai homu elama, hai dali iba, eda egobeo.

Aisaia 16:9 Referans Kwoze

Jeremaia 40:12

Tialima, te Juda dabego te boi bidigo augwali sela sąwani tǫ kantri tagalama, te augwali Judaba ma asalio. Tama augwaligo Mispa teba Gedalia sugi pali. Tama nosali, augwaligo te gide haniani nai sali, te augwaligo wain me wiegi yai nai hauwa elaluai.

Jeremaia 40:10

Ena digi ena te Mispade bidaibao. Te Babilongo da suagasobo sogo da, te ena dago Judade po pusubo bidi tiwai bidaibao. Tialima, dage te duga sali taun dabeba ma begasa pelama, te dagego ni du wai dabe selama, te wain me, wel me nigilama, te nosali sogo tuabo munalumainao,” wali.

Aisaia 9:3

Genuai Bidi, nago naga we bidi genuai hani pedalomainu yalio. Tama nago augwali wiegi yai homu emainu geninanio. Augwali naga gedude wiegi yai homu yalio. Te augwaligo augwa gi nai hasia inawai siyu ebo homu tiwai yalio. Tama me, te ami bidi dabego wąbi hwįnama, gasa bidi dabe aiyaba elaluama, te augwaligo sali nai dabe dobayu ebo homu tiwai yalio.

Te Israel Tobolu Bidi Dabe 9:27

Tialima, augwali te augwaligo wain giba pelama, tama te tau yali wain du dabe tigidali salio. Tama augwaligo te wain du pęgęlama, tama aga ąį te selama, tama augwaligo genuai nai daa tuali. Tama augwali te augwa tibo godiba lotu wabo be tempel tomoba pelama, tama augwa te nai me wę me tubo sę eyu, tama te Abimelekde dwai posobo po weyu yalio.

Esekiel 27:31

Tama augwa tobulu nisi poala sąnama, te wane ilaibao. Tama augwa te homu dene ebo side mubo ugwa gudama, te augwali dwai haliga mu eyu, te gela oladu bidaibao.

Esekiel 32:18

“Tǫde bidi, nago hobedai gela te genuai Isip we bidi hanide wao. Tama nago augwali te meba gasa bomai kantri we bidi dabe bidibo pesageba, te isai bidigo buluba talua sigi pomainu nago tagala palao.