Aisaia 16:8 - Godigo dwagi yai po buku

⁸ Augwaligo wain gi me, te hanu Hesbonde elaluali wiegi yai wain gi me, te hanu Sipmade elaluali wiegi yai wain gi me, kone palali. Tama augwali hobede genuai mu ebao. Te polobadu te gasa bulu tuni bidi dabego te gide wain dabe tubo godolo mu yai dao. Tama te wain tulama, augwali poloyu yai dao. Tiali goli, megi da, te gi dabe sese mu dola silai dao. Augwaligo wain gi hauwa mu elaluai dao. Te hanu Hesbondu me Sipmadu gagalama, tama hanu Jaserba usu nigi pelama, tama te not usu nigi pelama, me te wa pai bulu te giliga asoboba usu nigi pai elaluai dao, te wę Detsiba saboligi pelama, tama giliga paboba usu nigi pai dao.

Aisaia 16:8 Referans Kwoze

Aisaia 15:4

Te hanu Hesbon we bidi, me hanu Eleale we bidi, augwali me moni gela mu wali. Tama te hanu Jahasde bidibo we bidi augwaligo te bage augwaligo gela wabo odali. Te bomai ami bidi dabe me gela olama, i hae wali. Te Moap dabego bomo sese sia sali.

Israel Hanigo Namba 32:38

me Nebo, me Balmeon, tama hanu ma geselali. Augwaligo hanu Balmeon nogi ma hasegelali, tama gasa nogi me polali. Tama augwaligo hanu Sipma ma geselali. Tama augwaligo te geselali hanu dabe gesi nogi dabe ma poali.

Jeremaia 48:32

Te taun Jaser dolobaso, ena gela obao. Tialima, te taun Sipma, nage dolobaso da, te ena gela wabo ogolu mu yaibao. Sipma, te nago wain gi hauwa umabo mu elalubao, te sigi ąį Detsi, me sigi ąį Jaser, teba usu nigi pai elalubao. Te boi bidi dabego te wiegi yai ni wain me, te nago gasa ni dabe me dolaibao.

Aisaia 24:7

Te gesi ni wain du me walisiąbadi, te ni wain me sasia mobia pai dao. Tama te we bidi te wain wę tubo bage augwali megi da homu sęgę mu yali.

Aisaia 16:9

Ena te hanu Jaser de Sipma si wain gi hagede gela obao. Tama me eno gela ųga te hanu Hesbon me Eleale buluba tulalubao. Magi baso meni, dage sese dola silalio. Tama dagego we bidi augwa wain giba pelama, tama augwali te wain du tau yali sainu wiegi yai homu elama, hai dali iba, eda egobeo.

Aisaia 10:7

“Tiali goli, Asiria tuni bidigo homu kolesaga, eno kolesaga dali side gasa me tali. Agai te gasa bulu hauwa me dolabo homu elalubao. Tama augwali sese silabo homu ebo.

2 Samuel 1:21

“Te dago bomai ami bidi dabe te Gilboa bulu dude isalio. Tama te hwįani sabele dabe te bulu du dabede olo munalubo. Tama te Solgo sabele me te olo munalu, tama augwaligo me mubeo. Tama tibaso, eno homugo te hulide tulubo tulubage segeni wę, me tulubage te bulu duba munu ma tulumainu me egobeo. Tama nai me te tǫde munu ma pedalumainu me egobeo.”

Josua 13:25

Jasago tǫ me te Gileat tigidali hanu, tama te Amon dabego tǫ pedai te Aroer teba usu nama, te Amon dabego tǫ tomode elaluali, te giliga ge pedalubo madi, te Raba tǫ pąde elaluali.

Josua 13:19

me Kiriataim, me Sipma, me Seretsahar, te tama bulu te malu tǫ te dwasianu bulu du ugwadu bagede elaluali,

Israel Hanigo Namba 32:3

“Te Genuai Bidigo da Israel dabego tǫ somainu tau sali da, teda wiegi yai mu dao. Tama te tǫ te hanu Atarot, me Dibon, me Jaser, me Nimra, me Hesbon, me Eleale, me Sipma, me Nebo, me Beon elalubo pesage da. Tama te bulu dabede te kaugo nosai dabe wiegi yai mu elalubao, tama dago kau kibu hauwa mu bidibao.

Israel Hanigo Namba 21:32

Tama nosali Mosesgo bidi dabe te hanu Jaserba tagala palama, tama te hanu dolabo sunumi wiegi yai gegali. Tama te Israel dabego te hanu Jaser dali hwįnama, tama augwaligo te hanu me, te hanu pąde elaluali bulu dabe tama sali. Tama augwaligo te Amor dabe te bulude bidali bidi dabe sela sąyani.

Israel Hanigo Namba 32:35

me Atrot Sofan, me Jaser, me Jokbeha,