Aisaia 16:13 - Godigo dwagi yai po buku

¹³ Te Moap dolaibao wabo po te Genuai Bidigo polobadu digi wai dao.

Aisaia 16:13 Referans Kwoze

Aisaia 44:8

Eno we bidi dabe, dage wi elama, dili tidibi igio. Polobadu digi eno dageba weyu, te sę pedelaibao po wali. Tama dage te eno ebo sę po te mu po da wabo bage dao. Te ena tiwai gasa god me bidiba homu eba, agawe? Eno te me deli munu me konebeo. Ena deli naga te dagego toma nabo bomai pesage tiwai elalubo dao.”

Aisaia 16:12

Te Moap we bidi augwali te tibo god dabeba te bulu duba holama, lotu po wagi pabo dao. Tama augwaligo te tibo godiba aga lotu bede gedu haluasa po odu gebo dao. Augwaligo te bage augwaligo te sę dabe yabo bomo dabe silai dao. Tiali goli, augwa te kolesagago augwali tau me sai menio.

Aisaia 16:14

Tiali goli, megi Genuai Bidigo po genina ma weyu, e tama obao, “Kibu be sela digi mu elalubao, te Moap dabe augwa wiegi yai nai dabe dali dolabo. Eno te sela kibu bego deli deli bubuga me polua bugagia mu nedebao. Tama te kibu be selago dei dolo mu tama eno te yaibao wali sę eno yaibao. Te we bidi hauwa mu megi te Moapde bidibao. Tiali goli, te bulu dolobo side, te bidi hani dwasianu naga te bulude bidaibao, tama augwali bomo mu meni yaibao,” wali.