Aisaia 16:10 - Godigo dwagi yai po buku

¹⁰ Te wain gi dabe augwaligo wain du dabe hauwa mu walai dao. Tama te we bidi dabe augwaligo sabo sogo da, augwali wiegi yai homu elama gana pai dao. Tiali goli, megi te wiegi yai homu elama, hai wabo kolesaga sia sali dao. Tama te we bidi dabego te wiegi yai homu ebo tęąbi me wabeo. Tama me te bidi dabego te wain nigibo madide te wain du te sągągo me agagobeo. Genuai Bidigo tama augwaligo penane paninama, tama augwaligo hai wabo silalio.

Aisaia 16:10 Referans Kwoze

Jeremaia 48:33

Te Moapgo tǫde wiegi yai nai hauwa pedalubaso, te bidi dabego te nai siyu, wiegi yai pemene yai. Tiali goli, te wiegi yai pemene elama, gisugu wabo kolesaga te silaibao. Eno te tama tilama, te wain du agabo masigi poude te wain augwaligo munu ma nigigobeo. Augwa te i olama, pemene eyu, te wain agabo sę yali me egobeo. Mu tama, te augwa i weyu da yaibao, tiali goli, te augwa pemene elama, i me wagobeo.”

Amos 5:11

Me, dagego te magi nai meni yai bidi dabego nai sainu anoma eyu, te dagego augwaligo tubo nai wi sabo dao. Tama tiyu, dagego augwali agabo dao. Tama tibaso, dagego dwagi yai be dabe masigigo sę yani goli, dage te bede bidigobeo. Te dagego wiegi yai wain gi bulali goli, dagego te gi dabede wain ąį me tugobeo.

Te Israel Tobolu Bidi Dabe 9:27

Tialima, augwali te augwaligo wain giba pelama, tama te tau yali wain du dabe tigidali salio. Tama augwaligo te wain du pęgęlama, tama aga ąį te selama, tama augwaligo genuai nai daa tuali. Tama augwali te augwa tibo godiba lotu wabo be tempel tomoba pelama, tama augwa te nai me wę me tubo sę eyu, tama te Abimelekde dwai posobo po weyu yalio.

Sefanaia 1:13

Te boi bidi dabego te bage augwaligo nai dabe wi saibao, tama augwaligo be dabe dolaibao. Augwaligo gesi be dabe sę yai goli, augwali te be dabede bidigobeo. Te augwaligo ni wain bulaiba, tiali goli augwaligo te ni du sogobeo, tama augwaligo te wain wę me geselegobeo,” Genuai Bidigo te po wai.

Aisaia 32:10

Te usu, megi dage homu tegaluama bidiagameo. Tiali goli, dage tonaluiąo. Te 13 o 14 polua bolo pomainao. Teda dage wi elama, noma saibao. Magi baso meni. Dagego te wain gi dabe te du me walogobeo.

Jopgo Po Asęani Elalubo Buku 24:11

Augwali te ni oliv sili tomode sę ela bilama, tama te oliv du te masinigo pęgębo dao, te olivgo wel nigimainu. Tiali goli, augwaligo te oliv wel tubo usubeo. Tama mebago te wain du sągągo gosę genama, tama wain wę sabo sę yai dao. Tiali goli, te sę ebo bage augwa mu te wain wę tugobeo. Tama augwali dogoni aloa sabo dao. Magi baso meni, te page bidigo habu selai dao.

Aisaia 24:11

Tama te we bidi dabego te tuabo wain wę menia salio. Tama augwali te hanu sunumi dabede dolalua peyu, augwaligo te wain gogono bilibao. Te we bidi dabego wiegi yai homu elama, gana pali dabe mu sia sali. Tama homu sese elama, hobede ela pabo sę naga te tigidali tǫde ebao.

Joel 1:12

Te ni wain dabe dali, te ni kaya fik dabe me, sasia palio. Tama te gasa tobage du walobo ni dabe tigidali, augwali mu sasia pali. Tialima, te we bidi dabego wiegi yai homu pemene ebo tigidali te sia salio.

Amos 9:13

Genuai Bidigo te Israel we bidi dali te tiwai po wali, “Me sogo deli pedalubo si da, teda te gide bulali nai dabe polo holama, te hauwa mu walaibao, te bidi dabego tigidali sela silabo usu egobeo. Te wain ni dabe polo mu holama, te nai umabo walaibao, tama te wain wę nigibo bidi dabego te silabo sę ebo usu egobeo. Tama te we bidi augwa pusu yai wain hauwa elalu, te bulu dude wę pągąnama, te aiyaba gealubo tiwai mu yaibao.

Esekiel 7:7

Dage Israel tǫ kantri we bidi dabego odiąo. Te dage dolabo si te sabi badu pąba pedelalio, te dage dolaibao. Te dage te bulu du dabeba sisinama, te wiegi yai pemene eyu lotu wali tiwai ma egobeo. Menio. Te dage megi da sisinama wi umagia naga eyu, wabo pabo bidi tiwai yaibao,” walio.