Aisaia 15:2 - Godigo dwagi yai po buku

² Tama tibaso, te genuai hanu Dibon we bidi augwali te augwa tibo god dabeba lotu wabo pesageba dabe pelama, tama gela wagi pali. Te Moap dabego te hanu Nebo, me hanu Medeba polo dolai yaibaso, gela wali. Augwali hobede mu elama, tama augwa tobolu nisi me penane nisi poala sąyanio.

Aisaia 15:2 Referans Kwoze

Jeremaia 48:1

Genuai Bidigo kantri Moap dali po elaluai. Tigidali Bomo Elalubo Genuai Bidi, aga Israel dabego God, agai te tiwai po wali. “Hobede mu dao, te boi bidi dabego te Nebo taun mu dolaibao. Te boi bidi dabego te Kiriataim elaluama, te bomai obo elaluali taun, te dolaibao. Tama te taunde we bidi tigidali hale dwai mu saibao.

Pris Sę Ebo Bomai Po 21:5

“Te dage prisgo homu dene ebo kolesaga wali pabo sogo da, teda dagego tobolu me badu tobolu nisi tigidali togogio, tama te penane nisi togolama pęwadage iligio, tama te homu dene ebo kolesagade duga tigi olo madi togogimio.

Jeremaia 48:18

“Dage te taun Dibon we bidi, dagego te duga genuai nogide homu kone elalubo tagalama, te wa pai tǫde olo bidi bidibo tiwai yao. Magi baso meni, te Moap dolobo sę yabo bidi, te dageba pedelama, te duga bomai obo elalubo hanu dabe dolaibao.

Aisaia 3:24

Tama te sogo te Jerusalem we dabego polobadu auwali tiai me egobeo. Te augwaligo sanda wel meniama, tama augwaligo tigi kugumini dwai mu yaibao. Te augwaligo sawi yai ugwa me, ugwa name me augwaligo kukulu gudabo ugwa name menia saibao. Tama tibaso, augwali dwai ugwa dabe gudama, tama dwai bonogo augwaligo ugwa dąų walaibao, te bono te kukulu gudubo ąǫ yaibao. Te augwaligo augwa tobolu au me iligobeo. Magi baso meni. Te boi bidi dabego augwaligo tobolu nisi sese poala sąnama, tama augwaligo tobolu wane yaibao. Tama me augwaligo sawi gesabidide da, te boi bidi dabego kalabus bagego magi augwaligo gesabidide togaibao.

Bomai Po 34:1

Te Mosesgo te Moap dabego malu bulu tagalama, tama te bulu du Neboba holali, tama te Pisga bulu du boiabiba ugwaba holali, te giliga asobo badu, te Jeriko hanuba dolo si badu. Tama Moses te bulude dolalubadi, Genuai Bidigo agai te Israel dabebolo maiabo tǫ sese tama ola mani. Genuai Bidigo agabolo te Gileat tǫ dage ola menama, tama u badu not badu te Dan hanuba usu nigi pali.

Israel Hanigo Namba 21:30

Tiali goli, megi da, dago augwali polo enani dao, te Hesbon hani bidi me, te hanu Dibon hani bidi me. Dago augwali mu dolama, taga pelama, te hanu Nofaba usu nigi pali, te hanu Medeba pąba.” Te tęąbi po wabo bagego tama tęąbi po wai dao.

Esekiel 7:18

Tama augwa te homu dene ebo ugwa dabe gudama, te augwali didibili umagi mu yaibao. Tama te tigidali te hale ebaso, te augwa tobolu nisi poala sąwaibao.

Jeremaia 48:31

Te tigidali Moapde eno hobedai gela waibao. Te Kirheres we bidi augwalide eno homu dene mu ebo dao.

Jeremaia 47:5

Te Gasa hanude bidibo bidi dabe augwa haliga sęgę dwai mu elama, augwa tobolu nisi pola sąwaibao. Tama te taun Askelon mu dolaibao. Dage te odo malu bulude bidalubo dwasianu hani, nisu sogo dagego homu dene ebo silama, te dagego duga tigiwali togobo kolesaga tagalaibawe?

Jeremaia 7:29

Jerusalem, nago naga tobolu nisi togola sąyu, te nago hobede ebo ola mao. Te nage bulu duba holama, te hobede ebo tęąbi wao, magi baso meni, te nago we bidi dabego te Genuai Bidi haliga sębę dwai mu ilibao. Tama tialima, Genuai Bidigo te hani we bidi dabe homu godolo munu me isiąma, te augwali tudiba muai dao.

Aisaia 22:12

Tama te sogo God, Tigidali Bomo Elalubo Bidigo homugo dage homu dene elama, gela omaina homu ebao. Tama dage duga tobolu nisi gudama, tama hobede ebo ugwa gudumainu homu ebao.

Aisaia 16:12

Te Moap we bidi augwali te tibo god dabeba te bulu duba holama, lotu po wagi pabo dao. Tama augwaligo te tibo godiba aga lotu bede gedu haluasa po odu gebo dao. Augwaligo te bage augwaligo te sę dabe yabo bomo dabe silai dao. Tiali goli, augwa te kolesagago augwali tau me sai menio.

Aisaia 16:7

Te Moap we bidi dabego augwali te dene sali dali, te sęgę sali dali side gela obao. Polobadu augwali Kirheres hanude bidiyu, augwaligo te wain augwaligo olai te wain du tuyu, yai dao. Tama megi augwaligo te wiegi yai nai homu kone palali. Tama augwali augwa ma hobede mu elama, augwali gela obao. Magi baso meni. Augwaligo wiegi yai nai dabe sese dola silai dao.

Aisaia 15:3

Tama augwaligo hobede yai ugwa dabe gudama, tama te hanu sunumi dabede bilaluali. Tagala, augwali augwa be pedude bidibo me, o deliba sisinibo pesagede bidibo me. Tigidali gela genuai mu wali. Tama gela ųga hauwa mu augwaligo gedudu tulalualio.

Aisaia 14:31

“Dage te genuai Filistia dabego hanu, me dage te hanu dabede bidibo we bidi, dage sese wi dwai mu elama, gela dwai olama, i bomona waiąo. Magi baso meni. Te ami hani me deli te not badu asobao. Tama augwali nosali badu hano holobao. Te ami bidi dabe augwali tigidali hwįbode boma pai bidi dabe mu da weyu, tama augwali deli me nosali me dua dua asobeo.”

Jopgo Po Asęani Elalubo Buku 1:20

Jopgo te po odama, moni homu sęgę elama, aga ugwa pįsilama, tama aga tobolu nisi tologali, te aga homu dene ola mayu tiali. Tama aga bogoli si tǫba bulama, Godiba gedu haluasa po wali.

Bomai Po 14:1

Mosesgo po geninama weyu, te po wali, “Dage da, te Genuai Bidi dago God agai wai puluba dao. Tialima, dage te isai bidide gela weyu da, te usu dao. Tiali goli, dagego duga tigi wali me togoyu, o duga tobolu nisi gebo badu me poayu me igio. Teda te wani yaibao, te Godigo po wali pisąbo bagego ebo gilama yaibao.

Israel Hanigo Namba 32:38

me Nebo, me Balmeon, tama hanu ma geselali. Augwaligo hanu Balmeon nogi ma hasegelali, tama gasa nogi me polali. Tama augwaligo hanu Sipma ma geselali. Tama augwaligo te geselali hanu dabe gesi nogi dabe ma poali.

Israel Hanigo Namba 32:3

“Te Genuai Bidigo da Israel dabego tǫ somainu tau sali da, teda wiegi yai mu dao. Tama te tǫ te hanu Atarot, me Dibon, me Jaser, me Nimra, me Hesbon, me Eleale, me Sipma, me Nebo, me Beon elalubo pesage da. Tama te bulu dabede te kaugo nosai dabe wiegi yai mu elalubao, tama dago kau kibu hauwa mu bidibao.

Pris Sę Ebo Bomai Po 13:40

“Te bidigo tobolu nisi meniama wane paibaso da, teda aga eno gedude meda elalubeo. Menio. Aga wiegi yai bidi dao.

Israel Hanigo Namba 21:28

Polobadu te Sihongo ami bidi dabego te hanu taga pelama, tama hanu Arba bomo elama hwįgi pai, te bulu Moapba. Te kala isi dabo tiwai yali. Tama te ami bidi dabego hanu dolama, tama tobolu bidi dabe mu silali, te Arnon wę sesegede te bulu dude bidali bidi dabe.

2 Samuel 10:4

Hanungo te po odama, tama agai te Devitgo hani bidi dabe pageabi elama, tama augwaligo penane nisi me badu togolama, tama me badu te elalubadi, tagalali. Tama agai te augwaligo bobage gudali ugwa te togolama, pęwadage mu igulali, te gasa bidi dabego augwaligo tigi habu mi sumainu ebo tiwai ilama, tama agai augwali te augwa buluba tagala palalio.

Jeremaia 3:21

Genuai gela te ni meni yai bulu du bagede wali. Te Israel we bidi dwai gela weyu, Godiba i olama, te Godigo olo tau mabo wiegi yai kolesaga augwaliba emainu wali. Magi baso meni, augwaligo te Genuai Bidi augwa Godiba homu kone palobo gegeda palama, te dwai sunumidu wali pai dao.

Jeremaia 47:2

Genuai Bidigo te tiwai po wali, “Suao. Te not badu ąį genuai pedalubao. Te augwali bomonama udayu, te boma pai mu dao. Te wę asobo bomo tiwaigo te tǫde elalubo nai dali tigidali mesegelaibao. Tama agai taun dali, te taunde bidali we bidi dabe dali, mesega saibao. Te tǫ kantri we bidi tigidali wi ebaso, bomonama i weyu, dwai gela mu waibao.

Jeremaia 48:35

Ena Genuai Bidigo eno po dolo obao, eno te Moap dabego te bulu duba holama, te lotu wagilu, te wiegi yai denami yai ofa dabe ebo pesage, me te augwa gasa godiba lotu wabo pesage, tigidali dolaibao wai dao.

Esekiel 27:31

Tama augwa tobulu nisi poala sąnama, te wane ilaibao. Tama augwa te homu dene ebo side mubo ugwa gudama, te augwali dwai haliga mu eyu, te gela oladu bidaibao.

Esekiel 30:2

“Tǫde bidi, eno homugo nago ena God Genuai Bidigo po pusumainu homu ebao. Nage gela bomonama mu olama, tama hobede mu dao e po wao,

Amos 8:10

Te genuai lotu wabo bodolu side, eno te isai bidide homu dene ebo sę pedalubo tiwai ilaibao. Te dagego wiegi yai pemene ebo balia te eno hasegelama, te augwaligo haliga sęgę elalu wabo balia pedalubo tiwai ilaibao. Te dage haliga sęgę elama, gela waibao, te aya ida aga ogwa deli elaluai, te isaide homu sęgę elalu, gela wabo tiwai yaibao. Te augwa we de bidi si te homu dene ola mabo ugwa gudama, te augwa si tobolu nisi tigidali poala sąwani, te augwali sigo homu dene ebo ola momainu yali. Tama eno dage te tobage kolesaga tiwai naga wali pomainu ilaibao. Te dwai sę ebo sogo, te dageba genuai sęgę mu pedalu, te dwai sę ebo silibo sogoba usu naibao,” wali.

Tuni Bidi Dabego Po Elalubo Buku Deli 19:4

Hanungo te po odama tama agai po obaso agai sę ebo bidi dabego te Devitgo tagala palali te hani bidi dabe pageabi elama, te augwaligo penane nisi me badu poa yalio. Tama me augwaligo gudali bobobage ugwa te togolama pęwadage ilali, te gasa bidi dabego augwaligo habu mi sulama hale yabo sę ilalio, tama tilama agai te bidi dabe tagala palalio.

Jeremaia 49:3

“Dage Hesbon hanu Amon hani we bidi dabe, dagego bomonama gela wao, magi baso meni, te taun Ai dolalio. Dage Raba taun we bidi dabe, dagego gela waiyąo, dagego te hobede ebo ugwa gudama, te hobede ebo tęąbi wao. Te dage wi painogo, me badu udayu, gelama, gasa badu udayu yao. Magi baso meni, te boi bidi dabego Molek saibao, duga te tibo god, te gasa kantriba sela pelama, kalabus igi paibao, te aga pris dabe dali me, dage Amon tobolu bidi dabe me, te kalabus paibao,” te po wali.