Aisaia 15:1 - Godigo dwagi yai po buku

¹ Te bulu Moap polo dolalio. Tama Genuai Bidigo te po mani. Te hulide boi bidi dabe aselama, te hanu Ar me hanu Kir dolagasali, tama megi da, Moap mu tama sese dolalio.

Aisaia 15:1 Referans Kwoze

Aisaia 11:14

Augwali si talua selama, tama augwaligo te giliga pabo badu buluba hwįgi peyu, te Filistia dabe dali hwį yaibao. Tama me, augwali sigo te giliga asobo badu we bidi dabego nai dabe hwįgi pelama, augwaligo nai dabe saibao. Te augwali sigo te bulu Idom we bidi, me Moap, me Amon we bidi dabe augwali sigo elaluaibao. Tama augwali sigo te bulu dabe tonaluaibao.

Israel Hanigo Namba 21:28

Polobadu te Sihongo ami bidi dabego te hanu taga pelama, tama hanu Arba bomo elama hwįgi pai, te bulu Moapba. Te kala isi dabo tiwai yali. Tama te ami bidi dabego hanu dolama, tama tobolu bidi dabe mu silali, te Arnon wę sesegede te bulu dude bidali bidi dabe.

Aisaia 25:10

Genuai Bidigo Saion bulu du bugagia tonaluaibao. Tiali goli, agai te Moap dabe mu dolaibao. Agai te boi bidi dabego augwali dolama, mesegelama, agayagasomainu yaibao. Te kau kibu dabego nosai augwa diba agalama, ela bulubo tiwai yaibao.

Aisaia 16:11

Tama tibaso, ena te Moap dabe me hanu Kirheres we bidide haliga dene genuai mu ebao. Ena hobede e tama tibo, te bidigo hobede ebaso, gita eliyu, te hobedai balia wabo tiwai ebao.

Aisaia 16:7

Te Moap we bidi dabego augwali te dene sali dali, te sęgę sali dali side gela obao. Polobadu augwali Kirheres hanude bidiyu, augwaligo te wain augwaligo olai te wain du tuyu, yai dao. Tama megi augwaligo te wiegi yai nai homu kone palali. Tama augwali augwa ma hobede mu elama, augwali gela obao. Magi baso meni. Augwaligo wiegi yai nai dabe sese dola silai dao.

Aisaia 14:28

Te tuni bidi king Ahas isali kibu bede, Genuai Bidigo po me mani. Te po da e tama dao.

Jeremaia 9:26

Te e bage te Isip dabe, me Juda dabe, me Idom dabe, me Amon dabe, me Moap dabe, me te olo masigi kemi tǫde bidalubo bage me, te augwa gesabi badu tobolu nisi pęwadage sugą sobao. Te hani augwali te Genuai Bidigo po odisąbo bage, te Israel dabe augwaligo me te hani bagego kolesaga wali palio. Te Israel dabe me, augwa hale ebo tigiwali togosiąwai ąǫ tiwai yai dao,” wali.

Aisaia 13:1

Godigo Babilon bulu dolabo homu yali, tama te po te nade ebo tiwai agai te po Aisaiabolo walalio, te Amosgo ogwabolo.

Te Israel me Juda Hani Sigo Tuni Bidigo Po Elalubo Buku Si 3:25

Tama te augwaligo te moni hanu taun mu tama dolali. Tama te Israel bidi dabe augwaligo te Moap hanigo tigidali taun bilama, mu usu nigi pali. Tama augwali te augwaligo gi nai bulabo tǫ dwagi yai me deli elalubo madigi sabalobo sogo, tama te tigidali ami soldia bage augwaligo te masigi selama, tama augwaligo te gi bulabo madigi te masigi sąsą pelama silali, tama te masigigo te tǫ tigidali te tǫ pągąna sela silali. Tama me te augwaligo tubo ulu ąį te ma paliali. Tama te dwagi yai ni dabe augwaligo gelali, tama augwaligo te tigidali taun dola silali. Tama te tialima, te taun me deli digi tagalali, te taun nogi Kirheres, te Moap bage augwaligo moni hanu. Awe, tama te sut katapel ami bidi dabe augwaligo te taun augwaligo bagua sali, tama augwaligo te taun tomoba te masigi selama, enebo sę yali.

Bomai Po 2:18

‘Megi tama dage te Moap dabego tǫ tomodu peyu, te hanu Arba pabo sunumidu pao.

Bomai Po 2:9

Tama Genuai Bidigo enabolo te po wali, ‘Dagego te Moap dabe dali dwai sę me elamo dao,’ po walio. ‘Augwali te Lotgo wąį hani dao. Tama augwali dali wąbi me hwįnamuo. Magi baso meni, augwalibolo eno te hanu Ar mawai dao. Tama eno augwaligo tǫ dage dwasianu dagebolo me magobeo,’ Godigo te po wali,” Mosesgo te po wai.

Aisaia 25:12

Tama agai augwaligo hanu bomai obo dabe hųgia sąwaibao. Megi da, te obo dabe sigide ugwanu mu te elalubao. Tiali goli, agai te obo dabe tǫba mu tulalumainu yaibao.

Bomai Po 2:19

Tama dage te Amon dabego bulu pąba paibao, te Lotgo wąį hani bidi dabe bidalubo digi. Tiali goli, dagego te bage augwali te sębę elama, tama wado yabo sę me elamuo, magi baso meni, te tǫ eno augwalibolo mawai dao, tama eno te augwaligo tǫ dagebolo me te tǫ dage me magobeo,’ Genuai Bidigo te po wai.”

Aisaia 16:6

Te Juda dabe augwaligo te Moap dabego po odobo si da, augwaligo augwa hasi tomode po weyu, e tama po wali, “Dago te Moap dabego dwai kolesaga ebo po dago polo odai dao. Augwaligo haniani po olama, augwaligo augwa nogi ugwaba sabo dao. Augwaligo homugo augwali wiegi yai mu dao homu elama, tama augwaligo gasa we bidi aiyaba elalubo po olama, tama gasa we bidi posobo po wabo dao. Tiali goli, te Moap dabe augwali ili po wabo bage dao. Te augwaligo po mu dao homu igimio,” Juda dabego te po wali.