Aisaia 14:32 - Godigo dwagi yai po buku

³² Te dago mena po wei ponaibawe, te Filistia dabe augwaligo dago augwali tau somainu hanaluagasobaso? Te dago augwaligo po wei e tama ponaibao, “Te hanu Saion te dago Genuai Bidigo digi duala sabo bulu tiwai nigilai dao. Tama aga we bidigo genuai sęgę elaluyu, me sęgę yai sę eyu ebaso da, augwali teba pelama, tama augwali bugagia bidaibao,” wali.

Aisaia 14:32 Referans Kwoze

Godigo Nogi Ugwaba Sabo Tęąbi Po Wabo Buku Dabe 102:16

Nosali, Godigo te Saion taun ma nigibo sogo, agai te aga bomo te we bidi dabeba ola mawaibao.

Godigo Nogi Ugwaba Sabo Tęąbi Po Wabo Buku Dabe 87:5

Te eno Jerusalemba te tama po waibao, ‘Te bulu te tigidali hani we bidigo bulu da.’ “Tama te Ugwadu Mu Bidibo God, aga digi te Jerusalem dodolama, tama bomai mu elaluaibao.

Jems 2:5

Eno ama dedeo, eno dagebolo dwagi yai homu eyu, godolo mu ebaso, eno dagebolo te po obao. Bugagia odao. Te tǫde tigidali bidi gedude magi nai meni yai bage, te Godigo te tiwai bidi sa munama, tama augwaligo te Godigo po dąų waligo te augwaligo te homu kolesagade te masigi me walu hauwa munalubo bidi tiwai yaibao. Te polobadu Godigo tama po wai, “Niwai bidi agai homu enaba muyu godolo ebo bidi, te aga eno we bidi bugagia tonalubo madi tomoba asagameo,” te po wai. Tama tiyu, agai te magi nai meni yai bidi augwali sa muyu, augwaligo te Godigo po mu dąų waligo da, te augwali te dąį ilali madi te pesage saibao.

Sefanaia 3:12

Tama te we bidi augwali eno Jerusalemde bidimainu sula tagalaibao. Augwaligo nai dabe hauwa meniama, tama augwaligo augwa aiyaba elaluama elaluaibao. Tama augwali enaba aselama, tama augwali tau somainu enabolo hanalu waibao.

Godigo Nogi Ugwaba Sabo Tęąbi Po Wabo Buku Dabe 87:1

Godigo aga taun te aga bulu dude digi nigali.

Aisaia 25:4

Nage te nai meni yai bidi dabe duala sabo bulu tiwai nage bidai dao. Tama augwali sęgę ebo sogo augwali bugagia bidai dao. Te dwai bidi dabego homu sębę te bomai waligo te be daga tigiba hudula palobo tiwai dao, me te sesana pai giliga te kemi tǫ wa pai bulude nanebo tiwai dao. Tiali goli, te tulubage sogo, me wali ebo sogo, nago augwali mesegelama, tonaluai dao. Te nai meni yai bage nago tonaluai dao. Tama bomai giligago augwali ulumainu sula tagalai menio. Genuai Bidi, nago te boi bidi dabego pedauwali paninama, tama te dwai bidi dabego i hae wabo tama sia sabo dao. Te pǫgo te sesana pai giliga dualobo tiwai ebo dao. Tama te bulu kedaua pabo dao.

Sekaraia 11:11

Tialima te dąų walali po te sogode mu silalio. Tama te doado bage nai dabe sǫą pali bidi dabego, eno te tiwai sę ebo augwaligo sulama, te tiwai augwaligo koneyu, te Genuai Bidigo po augwaliba mani da homu yali, te eno yali sęde te tiwai sę eba homu yai dao.

Aisaia 44:28

Tama eno te tiwai po wali, ena digi eno te Sairus te Persia bagego king tiwai nigilali, te eno homugo emainu ebo sę tigidali agai emainu homu yali. Agai te po obaso, augwaligo te Jerusalem ma nigaibao, me augwaligo eno be sę yabo sę gagalaibao,” te po wali.

Aisaia 39:1

Merodak Baladan, te Baladango ogwa, aga te Babilon king dao. Agai te tiwai po odali, Hesekia te genuai gasi elalubao po odali. Tiali goli, aga usu ma yali. Tama agai te pas asęnama, te agai agaba tolabo, te wiegi yai homu ilabo nai me deli dodolama muani, te bidi mebabolo menama, te augwaligo sela pelama, Hesekiabolo magi pomainu yai.

Aisaia 28:16

Tiali goli, God, Genuai Bidigo te po wali, “Odao. Eno te be page dąų walabo masigi dila pai deli me polo dąį ilai dao. Te aga te dwagi yai boma pai mu dao. Tama eno te masigi te bulu du Saionde muaibao. Te bidi dabego agaba homu dąų wabo bidi dabe da, teda augwali wi elama, didibili me egobeo.

Aisaia 4:6

Te bogwą waligo te Jerusalem bulu haluama, tama bomai giliga posolo palialuaibao. Tama me, agai Jerusalem te mone tulubage sogo bugagia bidimainu yaibao.

Godigo Nogi Ugwaba Sabo Tęąbi Po Wabo Buku Dabe 102:28

Tama nago dago wai dabe tonalu, tama augwali bugagia bidaibao. Tama nago te augwa wąį nǫų nosali pedalubo hani dabe selama, tama augwali te nage dali sesemane bidada pomainu yaibao.

Hibru 12:22

Tiali goli dage, dage te tiwai naiba me asobeo. Menio. Dage te Saion bulu duba asai dao, tama te bidibo ula mabo God bidibo moni hanu te dao. Te bulu da te dagalude elalubo Jerusalem hanu dao. Te moni umabo ensel mobo bidi dabe augwali sisinama te wiegi yai homu pemene ebo madi, teba dage asai dao.

Matyu 16:18

Tama eno nagebolo te po obao, nage Pita dao, te nogi page te masigi dao, tama eno ena po wali pabo we bidi hani te masigi daide pedalaibao, te be me deli te genuai masigi daide sę ebo tiwai. Tama te we bidi hani augwali te dwai mobo bidi Satango we bidi ela muabo bomogo augwali me aiyaba elalugobeo.

Sekaraia 11:7

Tama tialima ena te sipsip dabe meba tonalubo bidi pedelali, te magi nai doado bage meni ebo bidi dabego te ela tuabo sipsip kibu dabe da. Tama eno te sipsip kibu dabe tonaluali bidi dabego te kibu ososalo biliyu tolasa bilali dono si eno sali. Te dono me nogi, eno te tiwai nogi polali, te Olo Mu Tau Sabo Homu Ebo dono da, tama dono me nogi te tiwai nogi yali te Deli Madi Sisinibo nogi polali. Tama eno te dono si tolalu, te sipsip kibu hani dabe tonalua bilalio.

Aisaia 54:11

Genuai Bidigo te tiwai po wai, “Hobede ya, Jerusalem, nage te hauwa dolali taun, te nage homu dene elama, tau sabo bidi meni yai. Tiali goli, eno te wiegi wiegi yai masigi te gasagi yai mu selama, te nage ma nigaibao, te nage gasa sawi yai taun mu pedelaibao. Eno te gasagi yai tedali masigi dabe selama, te tǫde wasilama, te ugwadu daide taun ma nigaibao. Te eno te haniani wiegi yai dila pai masigi selama, nago be sę ebadi, te bomai obogo nage bagulama, te obo sunumi dabe me, te genuai masigigo nigai obo daide elaluabo taua, te dabe nigaibao.”

Aisaia 37:32

Te boi bidi dabego te Jerusalem we bidi tigidali me dologobeo. Menio. Te augwali dwasianu hani me bididuaibao. Te Tigidali Bomo Elalubo Genuai Bidi, agai bomai homu kolesagade te sę dabe pedalumainu yaibao.”

Aisaia 37:9

Te Asiria dabego boi hwįdubadi, te bidi meba aselama, te king Senakeripbolo te tiwai po wagasali, “Te King Tirhaka te bulu kantri Itiopia bidi, te aga ami bidi dabe dali, augwaligo te nageba boi hwįagasainu asobao,” wali. Senakeripgo te po odama, te agai bidi meba tagala paliyu, te agai pas te Juda dabego king bidi Hesekiaba selasa pomainu yali, magi baso meni, agai te Jerusalem sabo homu dąų weyu, bomo elaluai dao.

Aisaia 12:6

Israel dabego God aga te Wiegi Yai Doloba Pai Kolesaga Naga Ebo God dao. Aga genuai nogi elalubo. Tama aga dage Saion we bidi dabe dali bidibao. Tama tibaso, dage wiegi yai homu iyąo. Tama i bomona weyu, agaba balia po wao.” Te aga hani we bidi ma sisinibo sogo dagego te balia po waibao.

Aisaia 11:4

Te po tų odobo dolo naga agai te nai meni yai bidi dabego homu sęgę elalubo po odama, te bagenu tau saibao. Te gasa bidi dabego augwali aiyaba elaluama, augwali dolama, dwai sę yali dabede agai pode te tiabo sę yali we bidi dabe dene saibao. Tama te dwai sę ebo bidi dabe da isaibao.

Bugagia Bidibo Kolesagade Po Asęai Buku 18:10

Genuai Bidi te bomai be me deli elalubo tiwai ebao. Te doloba pai kolesaga ebo bidi dabe augwa te beba udula sobaso, tama bugagia bidaibao.

2 Samuel 8:10

Tama tialima, Toigo aga ogwa tagala palali, Joram, te king Devitba pelama, te wiegi yai homu iliyu, siade da po wagi peyu, tama Devitgo te Hadateser aiyaba elaluali te wiegi yai homu pemene ilibo po wagi pomainogo tagala palai. Te Devitgo te Hadateser aiyaba elalualide te king Toi aga wiegi yai homu pemene yai, magi baso meni, te hauwa sogo Hadatesergo te Toi dali boi bidi iduali. Tialima, Joram te Devitba aselama, tama agaba te wiegi yai homu ilibo nai dabe magasali, te augwa te silvago, me golgo, me brasgo nigai dao.

Hibru 11:10

Tama Abraham aga te osogo bidabo ugwa bede bidibode te usu da homu magi baso idualiwe? Woo, sesemane sogo aga te gamonabo hanu suabo homu yai. Abraham aga te hanu tomoba pabo sogo tonaluai. God agaduba deligo naga agai te hanu nigibo homu kolesaga koneama tama aga digi nigai dao.

Aisaia 29:19

Tama te we bidi augwa digi augwa aiyaba elalubo we bidi dabe augwali te Genuai Bidiba wiegi yai homu yaibao. Tama te nai habuge yai we bidi dabe augwali me te Israel Dabego te Dwagi Yai Doloba Pai Kolesaga Naga Ebo Godiba wiegi yai homu yaibao.

Aisaia 57:13

Te dwai sęgo dage dolobo sogo, dagego te pesage holama elalubo godigo te dagego augwaliba i obaso, te augwali aselama, dage tau sagasaiba, agawe? Mu menio. Augwa bomo me elalubeo, te dwasianu waligo naga augwali sela paibao. Tialima, te bidi dabe enaba aselama, te eno augwali tau siyu, tonaluainu ebo bidi da, augwaligo te tǫ eno sa muyu, te eno we bidi dabego somainu yaibao, te augwali me eno digi te sa muani bulu dude bidimainu yaibao,” wali.

Esekiel 48:35

Tialima, te taun sese bagua sali obo te bobobage dąį te 9,000 mita usu nama dao. Tigidali sogo augwaligo te taun nogi e tama nogi eyu yaibao, ‘Genuai Bidi ede bidibao,’ te nogi waibao,” Genuai Bidigo te po wai.

Godigo Nogi Ugwaba Sabo Tęąbi Po Wabo Buku Dabe 48:4

Polobadu te king dabego te Saionba hwįgi painu yai. Augwali te deliba sisinama, tama te taun pąba asai.