Aisaia 14:24 - Godigo dwagi yai po buku

²⁴ Tigidali Bomo Elalubo Genuai Bidigo bomai po me deli e tama wali, “Mu tamao. Sę me eno yabo homu yali, te sę eno yaibao. Sę me eno pedalabo homu yali, te sę mu pedalaibao.

Aisaia 14:24 Referans Kwoze

Bugagia Bidibo Kolesagade Po Asęai Buku 19:21

Da we bidi dabe dago te sę hauwa yabo homu ebo dao. Tiali digi, te Genuai Bidigo yabo homu yali sę te naga te pedelaibao.

Jopgo Po Asęani Elalubo Buku 23:13

“Tiali goli, Godigo homugo magi sę me yainu yali da, tama dego agai homu ma hasegelaibawe? Agai me hasegelegobeo. Tama agai magi sę me yainogo da, teda agai eyu naga ebo dao.

Jeremaia 29:11

Ena Genuai Bidigo, eno te dageba tau sabo sę te homude konea pali. Eno dageba wiegi yai bugagia ilaibao. Eno dageba dwai sę ebo hagela homu ebao. Dagego te eno yabo sę homu koneama, tama dagego te sę pedelabo tonaluao.

Godigo Sęba Tagala Palai Bidigo Po 4:28

Polobadu nago bomogo me, nago homugo me, te po wai, ‘Augwaligo nosali te tigidali sę yaibao,’ wai. Tama tibaso, tamadi augwali sisinagaselama, te tigidali sę yali.

Matyu 11:25

Tama te sogo Jisasgo Godibolo te po wai, “Ayao, nage te dagalu dali tǫ dali nigila tonalubo Genuai Bidi dao. Eno nage dali deli homu eyu, nagebolo usu da po obao. Tǫde homu kolesaga koneai bidi dabe augwaligo koneidali weyu tama nago te eno tamadi pusali po page nago geme dualai dao. Tiali goli te tǫde elalubo homu kolesaga konesiąwai we bidi augwalibolo nago te po page ola mawai dao.

Amos 8:7

E po odao. Genuai Bidi, te Israelgo aga nogi ugwaba sabo God, agai nogo guni sisu muyu, te tiwai bomai po dąų wai, “Eno dage Israel dabego dwai kolesaga ebode homu kone me gegeda palogobeo.

Te We Bidi Dabego Jerusalem Hagede Gela Wali 3:37

Te Genuai Bidigo usu da hasia wasiąyu da, teda bidigo magi sę pedalumainu ebo usugobeo.

Hibru 4:3

Da te Kraisde konealubo po dąų wabo we bidi, te da toma nabo pesage te tomoba paibao. Polobadu Godigo te pesageba pisąbo bagede po weyu te po wai, “Ena sębę eyu, tama eno po hasegelidali weyu eno mu po olama dąų wali, te po wai, ‘Augwali eno te toma nabo pesageba munu me asogobeo. Munu me asogobeo. Mu menio,’ te po wai.” Godigo te tigidali nai nigila silali sogo, te agai yabo sę me elalubeo. Tiali goli dago agai te tiwai po te aga toma nabo pesagede po wai odobaso, teda dago koneagameo, te toma nabo pesage me elalubao.

Jeremaia 23:20

“Genuai Bidigo haliga sębę elaludu, te agai homude yaibao wali tigidali sę ela siliyu, usu naibao. Te bodolu muani sogo asobo side, dage we bidigo te sę dabe page bugagia koneaibao,” wali.

Godigo Nogi Ugwaba Sabo Tęąbi Po Wabo Buku Dabe 110:4

Yawe Genuai Bidigo nageba po dąų waliyu, te tiwai wali, “Nage te pris sesemane bidada peyu, bidada pagameo,” wali. “Nage te pris Melkisedek tobage tiwai dao.” Genuai Bidigo te mu po naga weyu, tama agai te aga po me hasegeligobeo.

Godigo Nogi Ugwaba Sabo Tęąbi Po Wabo Buku Dabe 92:5

Genuai Bidi, nago te genuai sę mu ebo dao. Nago homu kolesaga te genuai mu elalubao.

Ma Dobola Sali 17:16

Tama Mosesgo te poali nogide te po wai, “Te ugwaba sagalobo plak ugwa tiwai eyu, tama eno ena nogo si ugwaba selama, tama Genuai Bidi aga bidibo digi teba gedu haluasa po te hwįbode wai dao. Magi basowe, Genuai Bidi agai sesemane sogo te Amalek hani bidi dabe dali hwįaibao,” Mosesgo te po wai.

Bugagia Bidibo Kolesagade Po Asęai Buku 21:30

Te nago wiegi yai homu elalubo, me te wiegi yai kolesaga koneani me, te nago mena sę ebo kolesaga wiegi yai koneani elalubo, te tagalao, tego nage dwasianu tau sainu ebo usu me egobeo, te nago Genuai Bidiba boi bidi ebaso da, te tama tiaibao.

Jeremaia 44:26

“Te Genuai Bidigo te me me wali, ‘Tialima, dage te Isipde bidalubo tigidali Judago, dagego Genuai Bidi eno poba bugagia olo muao. Eno mu po ena genuai nogide obao, te dage Isipde bidibo Juda dabe me deligo eno nogide bomai po dąų obaso, usu egobeo. Te dagego te tiwai po munu ma wagobeo, “Te sesemane sogo bidibo Genuai Bidi Godigo nogide mu dao,” munu me wagobeo.

Godigo Nogi Ugwaba Sabo Tęąbi Po Wabo Buku Dabe 33:10

Genuai Bidigo te we bidi hani dabego homu kolesaga te olo tama hagamainu yaibao. Mu tama, te bidi dabego po miyu, te magi nai me deli nigaiba wali, tama agai augwaligo te sę yabo paliyu, tama te sę mu egobeo.

Aisaia 10:5

“Ena Genuai Bidi, eno te po obao, te bulu tǫ kantri Asiria dolaibao. Megi da, te Asiria te wąbi tiwai nigilama, tama eno we bidigo ena sębę ilibo we bidi te elebao.

Aisaia 19:12

Tiali goli, augwaligo kolesaga menade dualaliwe? Te Tigidali Bomo Elalubo Bidi Godigo te Isip dabe dali yabo sę po geme dualaliwe, te agai nage dali yabo sę po wabewe?

Aisaia 19:17

Tama te Isip we bidi dabe augwaligo te bulu Juda nogi ebo si da, tego augwali te Tigidali Bomo Elalubo Genuai Bidiba homu kone yaibao. Me, te augwaligo agai augwalibolo yai ebo sę dabe kone yaibao. Tama augwali wi genuai mu yaibao.

Aisaia 55:8

Genuai Bidigo te po wai, “Eno homu kolesaga te dagego homu kolesaga tiwai elalubeo. Te eno kolesaga te dagego kolesaga tiwai meni, te gasa tedali mu elalubo dao.

Aisaia 55:9

Te tǫ aiyadu elalubode te dagalu ugwadu mu elalubao, te tiwai naga te eno homu de eno homu kolesagago te dagego kolesaga me homu kolesaga te aiyaba mu elaluai dao.”

Jeremaia 49:20

Te eno te tǫ pedai Teman we bidi dabeba yabo sę, me te gasa Idom kantri pedai badu yabo sę, te eno homu kone palai elalubo, te bugagia olo muao. Eno te we bidi dali, wai puluba dabe me, tigidali sela sąwaibao, te laiongo te sipsip tigidali ela munama, te augwa tigi kekasa pabo tiwai yaibao. Te Idom tǫgo digi eno te ebo sęde dwai midigi mu yaibao.

Jeremaia 50:45

Eno te tǫ kantri Babilonba yabo sę homu kone palali elalubo, tede elalubo po te bugagia olo muao. Eno te tigidali we bidi me wai puluba dabe sela sąwaibao, te laiongo sipsip tigidali ela munama, te augwa tigi kekasa pabo tiwai yaibao. Te Babilon tǫ digi eno te ebo sęde dwai noma mu saibao.

Esekiel 12:25

“Te ena God Genuai Bidi, ena digi eno te Israel dabeba te po menama, tama eno te po wali sę dabe polo tama pedelaibao. Dage hagoma ebo bidigo, odiąo. Te dage bidibo sogo, eno te sę dabe yaibao. Ena God Genuai Bidi, eno te po wai dao,” wali.

Esekiel 39:4

Tama nage me, nage dali asali ami dabe, te haniani kantridu nage dali asali bage me, dage sese tama te Israel dabego bulude bulu dude isaibao. Tama dagego tigi dabe te pepeli dili tǫde olo munalua paibao. Tama te ba kemodage dabe, me bulu hasa dabego dagego tigi dabe tuagasaibao. Te da God Genuai Bidi eno po dao.’ Te po king Godbolo pusao,” wali.

Amos 3:6

Te bu wabo nai biugel te taun me deli tomode bu obaso, te boi hwįabo bidi asobao po pusubo tiwai ebo si da, te hanu we bidi augwa wi homu yaibao, agawe? Magia, wi yaibao. Te tiwai naga, te taun me deli dolobaso, dagego homugo Genuai Bidi Godigo te dolabo nai tagala palai dao homu ebo da, agawe? Magia, tagala palai dao.

Tigidali Nai Gagalama Nigali Side 41:32

Godigo te sę yabo te homugo konea selama, tama mu dąų walali. Tama agai nago aga dąų walali homu konemainogo iliyu, nago na si sogo emainu yali. Tama te sesabi elama bidisiąbadi, te pąde sogo tama Godigo te sę pedalumainu yaibao,” wali.

Josua 11:20

Magi baso meni, Genuai Bidigo digi te hani dabe homu hodolubo sę ilama, te Israel hani dali hwįmainogo ilali. Agai homugo te Israel dabego augwali te homu dene eyu, olo tau sabo homu kolesaga wiegi yai yabo homu munu me egobeo. Menio. Te augwaligo tigidali ela silaibao. Augwaligo te Genuai Bidigo te Mosesbolo polobadu mani po wali palio.