Aisaia 13:6 - Godigo dwagi yai po buku

⁶ Dage gela bomonama wao. Magi baso meni. Te Genuai Bidigo aga tigidali we bidi po tųde dodolabo bodolu pąba polo yagasalio. Tama te sogo God Tigidali Bomo Elalubo Bidigo te genuai dolabo sę taga palaibao.

Aisaia 13:6 Referans Kwoze

Joel 1:15

Magi baso meni, te Genuai Bidi asabo side bodolu te pąba yagasalio, tama te bodolu side te Tigidali Bomo Elalubo Godigo te dolabo genuai sę daba tagala palaibao. Hobede da, te side te dwai mu dao.

Sefanaia 1:7

Tigidali Nai Tonalubo Genuai Bidi Godigo bubuga pąba polo yagasalio. Tialima, dage aga pageba aselama, tama pedauwali pania selama elaluao. Genuai Bidigo aga we bidi elabo dola selama elalubao, te bidi dabego ofa ebo hasa dabe elebo tiwai yaibao. Tama agai meba bidi dabe i wali, te agai ebo sę dabe suagasomainu. Tama agai augwalibolo agai gedude wiegi yai pedalobo kolesaga emainu yao po wali.

Amos 5:18

Dage tigidaligo homugo te Genuai Bidigo Bodolu Side asesa pedalumainao homu ebao. Tiali goli, dage hobede mu ebao. Mena wiegi yai sę mu dageba te side pedelaibawe? Dagego homugo te be posobo si da homu eba, agawe? Mu menio. Te be hulialubo side naga dao.

Aisaia 13:9

Mu tama, te dwai sogo megi te pedalobao. Te da te Genuai Bidigo polo bodolu muani, te sogo te agai genuai sębę dali asiyu, tigidali tǫ dabe doliyu, tama te dwai sę ebo we bidi dolama, silaibao.

Kraisgo Geme Dualali Sę Pedelabo Po Jonbolo Ola Mani 18:10

Te we aga te dwai dene sabo suyu, te augwali aga digibulu dolaluyu te po wabo, “Aua, hobede yali, hobede mu te bulu Babilon dali yai. Nage te genuai hanu, tama nage bomo yai hanu dao. Tiali goli te deli sogo naga nago dwai sę yali sęgę nageba mu pedalalio.”

Joel 2:11

Genuai Bidigo te aga ami bidi dabeba i bomonama wali, te agai pedauwalide te dagalu kulukulu wabo tiwai yali. Te agai po wali pabo bomai ami hauwa elaluali. Idaya, tegobao! Te Genuai Bidigo bodolu side te dwai mu dao. Tialima, de aga te bugagia bidiyu, te aga me dologobe dawe?

Jeremaia 51:8

Tialima, te Babilon aga digi te tulaluama, dolaibao. Tibaso, dagego agade hobedai gela waiyąo. Dagego te aga keni dabe pedela sabo marasin sigi pao. Te aga usu ma yaibao homu ebao.

Aisaia 34:8

Te sę pedelaibao, magi baso meni, Genuai Bidigo te boi bidi dabeba te aga taun Jerusalem doliyu, aiyaba elalubo boi bidi dabebolo te dene mabo bodolu mawai dao wai.

Aisaia 2:12

Genuai Bidi Tigidali Bomo Elalubo Bidigo bodolu elalubo, te augwa nogi ugwa sabo bidi dabe aiyaba elaluabo sogo. Tama te sogo agai te bidi dabego genuai nai dabe me augwaligo godolo elama, gawebo nai dabe dolaibao.

Jems 5:1

Megi eno te dage walu hauwa munalubo bidi dabe dali te po obao. Dage dwai homu eyu, te hwa weyu, gela weyu yao. Dagebolo moni dwai sęgę dali, dene dali si tamadi pedalaibao.

Malakai 4:5

“Te dwai siago te dwai sę ebo bage dolabo bodolu side te eno side te genuai si ebaso, te we bidi tigidali te wi dwai mu yaibao. Tiali goli, hasia bolo te eno profet Elaija te dageba tagala palama, tama nosali te si pedelaibao,” wai dao.

Sefanaia 1:14

Genuai Bidigo agai po tų yabo te bubuga te pąde dao, tama te sogo pąde polo pedelaibao. Te dwai bubugade da, te bomai ami bidi dabe tagalao, augwali me wi dwai mu elama, tama gela geninama mu waibao.

Joel 2:31

“Tama te dagalude da, te giliga ge be hulia selama, te poluade mama yai pedelama, te bidi kaneme tiwai yaibao. Dagego te nai subo sogo da, te dagego koneyu, te Genuai Bidigo sogo bodolu te pedalubao homu yaibao. Te genuai side te tigidali tǫde we bidi wi mu yaibao.

Joel 1:13

Dage te altaba ofa ebo pris dabe, dagego te homu dene ebo side gudubo ugwa gudama, tama dage gela waiąo. Te hulide dagego te homu dene ebode gudubo ugwa gudama, te Godigo be tomoba pelama, tama gela udubadi, te be posoboba usu nao. Magi baso meni, te dena Godiba ofa yabo nai me wain meni yai dao.

Joel 1:5

Dage te bomai ąį tulama, gęǫ page ebo bidi dabe, hogodama gela waiąo. Dage te wain wę tubo bidi dabe, dage me gela waiąo, magi baso meni, te kuli mano dabego dagego te gesi wain ąį nigabo bono du tigidali te dolali dao.

Aisaia 14:31

“Dage te genuai Filistia dabego hanu, me dage te hanu dabede bidibo we bidi, dage sese wi dwai mu elama, gela dwai olama, i bomona waiąo. Magi baso meni. Te ami hani me deli te not badu asobao. Tama augwali nosali badu hano holobao. Te ami bidi dabe augwali tigidali hwįbode boma pai bidi dabe mu da weyu, tama augwali deli me nosali me dua dua asobeo.”

Jopgo Po Asęani Elalubo Buku 31:23

Magi baso meni. Eno Godigo moni bomo eno koneama, tama me agai dwai nai dabe tagala palama, bidi dolobo me, eno koneai dao. Tama ena wi genuai mu yai dao. Tama tidali weyu, eno dwagi yai kolesaga naga yai dao,” Jopgo te po wai.

Joel 1:11

Dage te gide sę ebo bidi dabe, dage te homu dene eyu, gela waiąo. Tama dage te wain gide sę ebo bidi dabe, dage gela waiąo. Magi baso meni, tigidali wit, me bali, me tigidali nai dolalio.

Esekiel 21:12

Tǫde bidio, nago i hae weyu, hobede ebo gela wao, magi baso meni, te bainat hwągo te Israel dabe polalubo bidi dabe eleyu, te eno we bidi dabe dali elaibao. Nago gela weyu, te bidigo hobede mu yabo kolesaga yao.

Jeremaia 49:3

“Dage Hesbon hanu Amon hani we bidi dabe, dagego bomonama gela wao, magi baso meni, te taun Ai dolalio. Dage Raba taun we bidi dabe, dagego gela waiyąo, dagego te hobede ebo ugwa gudama, te hobede ebo tęąbi wao. Te dage wi painogo, me badu udayu, gelama, gasa badu udayu yao. Magi baso meni, te boi bidi dabego Molek saibao, duga te tibo god, te gasa kantriba sela pelama, kalabus igi paibao, te aga pris dabe dali me, dage Amon tobolu bidi dabe me, te kalabus paibao,” te po wali.

Aisaia 65:14

Te eno sę bidi dabego haligade te wiegi yai homu pemene pągąnalu, te augwa homu pemene ebo tęąbi po waibao. Te dagego haligade te homu dene ebo pągąnalu, te dagego homu kolesaga kone tųą pelama, te dage gela bomonama mu waibao.

Aisaia 52:5

Te Babilon dabego me te tobage deli kolesaga nosali yalio. Augwaligo te eno we bidi olo mu selama, te augwali kalabusiba sela pali, te eno hanigo tobolu bidi dwai gela mu wali. Te eno magi nai deli me sabeo. Menio. Sesemane sogo te bidi dabego te posobo po weyu, ena nogi aiyaba elalubo sę yai dao.

Aisaia 23:1

Genuai Bidigo te hanu Tairde pedalabo sę dabe po mani. Te genuai sip dabe, dage tamu węde bilibo sip dabe, dage hobede elama, gela waiąo. Magi baso meni. Dagego bulu Tair sese tigidali polo dolai dao. Tama tede be me dolalubeo, te bulude. Me, te sip dabe tubo pesage tede dolai dao. Nago te sę te ailan Saiprus tagalama, ma asobode dagego koneaibao.

Jeremaia 25:34

Dage tobolu bidi dabe, me we bidi tonalubo bidi dabe, dage gela weyu, hobede dwai mu yao. Te dage tǫba degasa dulama, hogogobe paibao. Magi baso meni, megi da, te boi bidi dabe aselama, te dage ela munama, te bidalubo we bidi dabe sela sąbo sogo elalubao. Te dage tulaluama doloyu, te wiegi yai tǫgo nigai sospen tǫba tulaluama dolobo tiwai yaibao.

Aisaia 10:3

Te Godigo dagego dwai kolesaga wei ponabo sogo bodolu muani, te sogoba sabalobo si, dagego magi sę yaibawe? Te agai gasa bulu me te bomai wali tiwai aselama, dage dolomainu ebaso, dagego magi sę yaibawe? Dage te deba udalama, dage tau somainu yaibawe? Tama te nai dabe hauwa dagego sali, te nai dabe dagego menade mugi paibawe?

Aisaia 10:25

Megi da, eno dage Asiria dabego dage dolomainu sula tagalobao. Magi baso meni. Eno sębę dage dali me ebaso. Tama tamadi tama ena ma begelama, Asiria dabe dolaibao.

Aisaia 14:23

Te eno te Babilon eno te hogomu poabo naigo poabo tiwai yaibao, te tigidali nai dola silibo hogomu poabo nai dao. Tama eno te Babilon sele pu bulu nigilaibao. Tama te dwai ba dabe naga bidagasaibao. Ena Tigidali Bomo Elalubo Genuai Bidi, eno po polo walio,” wali.

Aisaia 34:2

Genuai Bidigo te tigidali bulu tǫ kantri dali haliga sębę eyu, te augwa ami bidi dabe dali me sębę yali. Tama agai te po weyu, te augwali tigidali isaibao po wai dao. Awe, agai augwali sese mu dola silaibao.

Aisaia 47:11

Tiali goli, te dwai sogo mu nageba pedelaibao, te nago geda muabo bomo meni yaibao. Deli sogo tama mu te dolabo genuai sę nageba pedalubaso, te magi sę me deligo nago te dolobo sę paliabo usu meni yaibao. Te dwai nai dabe te nago homugo nageba pedalugobe da homu yali, te pedaliyu, nage mu dolaibao.

Aisaia 61:2

Agai ena tagala palu, te tama po pusao wali, te dago Genuai Bidi, Godigo sę yabo sogo pedelalio, te aga we bidiba wiegi yai sę bugagia ilama, te boi bidi dabeba dwai dene mawaibao, wai. Te agai ena tagala palali, te homu dene eyu, gela wabo we bidi dabego haliga dąų walomainu tagala palai dao.

Esekiel 13:5

Augwaligo te taun bagulali obo alula pai elalubo te bugagia tonalusiąma, tama te obo ma nigibo sę egobeo. Tialima, ena Genuai Bidi, eno dwai dene maiabo sę dageba pedalubo sogo, tama eno te boi bidi dabe tagala palobo sogo da, teda dage Israel te boi hwįbode bomonama me dolalugobeo.” Te po wai.

Daniel 5:9

Tialima, king Belsasar te wi dwai mu elama, tama aga gesabidi te tedela mu hasegeligi palio. Tama te gegunai bidi dabe te moni homu mu yai, magi baso meni, te augwaligo magi sę deli me yabo usu me isąwanio.

Daniel 5:26

Tama te ‘Nedao’ wali po page te tiwai, Godigo nage te king bidabo nisu naga sogo te nedalio. Megi nago silibo side dao.

Sekaraia 14:1

Te Godigo genuai bodolu si te pedelaibao. Tama te bodolu side te boi bidi dabe aselama, te dage Jerusalemgo mone dabe me doado bage sagasaibao. Te duga digi tononalubadi digi te augwaligo augwa hasi te doado bage dobola saibao.

Aisaia 63:4

Eno te ena sainu sa muani we bidi dabe sabo sogo pedelalio, tama tiyu, megi sogo te eno augwaligo boi bidi dabeba dene mabo sogo dao.

Joel 2:1

Genuai Bidigo te dwai sę ebo we bidiba dene maiabo bodolu, te pąba megi yagasoba wali. Tialima, dagego te biugel bu weyu, te Godigo bulu dude digi, te Saionde belo dabe elao. Tama te side te tigidali Juda we bidi noma somainao wali.