Aisaia 13:4 - Godigo dwagi yai po buku

⁴ Dagego odao, te kulukulu te bulu dude dabe wabo odiąo. Te geninama bidi dabego kulukulu te obao. Te tigidali bulu hauwa badu ami bidi dabe te sisinagasali dao. Tigidali Bomo Elalubo Genuai Bidigo aga bomai ami bidi dabe sisinagasali dao, te hwįabo bidi dabe.

Aisaia 13:4 Referans Kwoze

Joel 3:14

Te hauwa umabo we bidi te odogo malu buluba sisinama, po tų yaibao. Te dwasianu sogo te Genuai Bidi te buluba pedelabo bodolude te pedelaibao.

Joel 2:25

“Ena digi eno te kuli mano dabe dageba te ami bidi tiwai elama tagala palali. Tama tialima, te dagego nai tigidali te kibu bede te genuai hani kuli mano dabego te tula silali nai tigidali te eno wei pona silaibao,” wai dao.

Kraisgo Geme Dualali Sę Pedelabo Po Jonbolo Ola Mani 18:8

Agai te homu ebaso, polo te haniani dwai sę mu agabolo te deli sogo naga pedalaibao. Te genuai gasi pedaliyu, tama bidi hauwa augwaligo dwai gela weyu, tama genuai nasi yaibao. Tama siago te Babilon tigidali daibao. Magi baso meni, te genuai bomo mu elalubo Genuai Bidi God aga digi dagalama tama Babilon hanuba te dwai dene wei ponobo dao,” te po wabo te dagaludu asobo eno odali.

Aisaia 5:26

Genuai Bidigo te digibulu ami bidi dabe aga we bidi dolagasomainu i wabo sa muaibao. Awe, te digibulu mu bidibo bage asomainu eyu, agai ho bomonama waibao. Tama te ami bidi dabe bomona togwa asaibao.

Aisaia 5:30

Tama te sogo boi bidi dabe aselama, Juda bulu dolagasaibao. Tama augwaligo kulukulu genuai mu waibao, te tamu wę holama, wę kemi saneba asiyu, u wabo tiwai yaibao. Tama te bidi dabego te buluba tonagasobo si da, teda augwaligo te bulu sisi pǫgo mesega selama, giliga ula sininai suaibao. Tama te bulu mu hulia sai suaibao.

Aisaia 17:12

Tega, te kulukulu genuai wabo odao. Te tigidali bulu ami bidi dabe sisinagasabo kulukulu dao. Tama augwaligo kulukulu te tamu wę holama, degeyu wabo kulukulu tiwai dao, te tamu wę saneba.

Aisaia 48:14

“Dage tigidali, dage sisinagaselama, eno po odao. Te tibo god me deligo dageba te tiwai po me pusai menio, ‘Te Genuai Bidigo godolo homu mu ebo bidi te aselama, te Genuai Bidigo sę yagasu, te Babilonba hwįaibao. Te aga bomogo digi, Genuai Bidigo te Babilon dabe aiyaba elaluaibao,’ te tibo god me deligo te po wabe.

Jeremaia 21:4

“Genuai Bidi, dena Israel hanigo God, agai te tiwai po wali po wao, ‘Megi da, te Babilon kingo aga ami dabe dali te Jerusalem bagulubo sę ebao. Tama dage Israel ami dabe te obo buluba dinama, te augwaliba hwįbao. Tialima, eno te Babilon dabe, te Kaldia dabego, te dage Israel aiyaba elalumainogo elama, te eno dagegoami bidi dabe te hwįbo nai dabe tolama, te taun tomobasomainogo yaibao.

Jeremaia 25:14

Te eno Babilon dabeba dwai dene mawaibao, te augwa yali dwai kolesaga wei ponaibao. Te tǫ kantri hauwa bomai kingo te augwali aiyaba elaluama, te augwalibolo kalabus sę mawaibao,” Genuai Bidigo te po wali.