Aisaia 13:22 - Godigo dwagi yai po buku

²² Tama me, te tuni bidigo bede, me genuai bidi dabego bede dabe te bulu yowi dabe bidagaselama, go weyu yaibao. Mu tama mu, te Babilon dolabo sogo bodolu pąba polo yagasalio.

Aisaia 13:22 Referans Kwoze

Jeremaia 51:33

Tigidali Bomo Elalubo Genuai Bidi, aga Israelgo God, agai e tiwai po wali, “Te boi bidi dabego Babilon agabo te bidigo tubo nai wit agabo tiwai yaibao. Bidigo te tau yali nai togobo tiwai eyu, te boi bidi dabego Babilon togolama, dolaibao. Tama te sę yabo sogo pąba pedelalio,” wali.

Aisaia 35:7

Te olo kemi tǫ bulude te sigi ąį tiwai pedelaibao. Te wa pali tǫ dologode me wę ulu pedelaibao. Te polobadu te uni yowi dabe naga te wa pali tǫde bidali. Tiali goli, te sogo te nosai, me awi hauwa tede pedelaibao.

Aisaia 25:2

Nago te genuai hanu dabe te pobele bage pesage holai dao. Tama te bomai obo dabe elaluai hanu dabe sese dola silai dao. Tama te Israel hani isąwai bagego bomai hanu dabe te boi bidi dabego sese mu dola silai dao. Tama augwaligo ma hodolobo usu egobeo.

2 Pita 2:3

Tama te tibo po ola mabo bage augwaligo te gasa we bidi dabego nai sulama pesą elama mu sainogo ebo bidi dabe, tama augwaligo te dagego mone dabe bomonama sainogo tibo po hauwa dage dali waibao. Tiali goli polobadu mu Godigo augwali po tų ilama hagayabo te sisi yai elalubao. Tama augwali mu dolabo nai te sesemane sogo tonalubao.

Habakuk 2:3

Te sę dabe pedelabo sogo, te menu gana elalubao. Tama tibaso, nago te po asęnama, munalumainao. Tiali goli, te sesabi gana bidisiąbadi, te pąde sogo digi tama, te eno nagebolo ola mawainogo ebo sę da, te pedelaibao. Nago homugo te sę polo pedalugobe da homu yaibao, tiali goli nago dwasianu sogo tonaluama gana te sę pedelaibao, te mani bodolu te geda mugobeo.

Aisaia 34:13

Te sesane yai bono me nosai dabego te kingo be, me gasa be dabe mesegelaibao. Te bulu uni yowi dabe bidagaselama, te badu i wagasobaso, te uni ba dabe te beba piagasaibao wali.

Bomai Po 32:35

Te dwai sę yali wei ponobo kolesaga te eno sę dao. Ena digi te eno dwai dene wei augwalibolo ponaibao. Te mani bodolude augwali tuloluaibao. Pęwadage sogo mu augwali tolaluama, tama augwali sese mu dola silaibao,’ Genuai Bidigo te po wali.”

Godigo Nogi Ugwaba Sabo Tęąbi Po Wabo Buku Dabe 44:19

Tiali goli, nago da te uni hasa dabego pesagede dolomainu ebao. Tama nago da te be hulia sai dwai madi mu te mesegelibo tiwai ebao.

Aisaia 32:14

Magi baso meni. Te tigidali we bidi dabe augwali te hanu taga pelama, tama augwali te hanude ugwa eda iyu, augwali te hanude sę dabe me egobeo. Te tuni bidigo be, me te ami bagego bomai obo, me te ami bidi dabe bidama boi bidi dabe asobo tonalubo te bobobage sigi be dabe, sese olo elaluama, tama dolaibao. Tama te bulu yowi donki dabe tede biliyu, wiegi yai homu yaibao. Tama me, te sipsip kibu dabe aselama, teba nosai tuagasaibao.

Aisaia 43:20

Te bulu uni hasa dabe te uni yowi dabe tiwai, te ba uni dabe me, te augwaligo ena genuai nogi mawaibao, eno te ąį te wa pai bulu pesageba asomainu ilama, pedalubo side, te ena digi eno sa muyu dąį ilali we bidi, augwa te ąį tumainu tiaibao.

Jeremaia 9:11

Genuai Bidigo te po wali, “Te eno Jerusalem dolama, te masigi pesage holali naga elalueibao. Tama te uni yowi dabego pesage pedelaibao. Tama eno te Judago taun tigidali dolama, te taun dabe olo elalu, te bidi meni yaibao.”

Jeremaia 48:16

Te Moap dolabo sogo pąde yalio. Te dolabo sę polo tama mu pedelaibao.

Te We Bidi Dabego Jerusalem Hagede Gela Wali 4:3

Te uni yowi dabe augwali wiegi yai hasa dabe menio. Tiali goli, augwaligo augwa wai bǫų dabe koneama, tama augwaligo augwa wai bǫų dabe ame mabo dao. Tiali goli, eno we bidi hani augwaligo te uni yowigo ebo tiwai wiegi yai kolesaga ebo menio. Menio. Augwaligo te nai meni yai wa pai bulude bidibo genuai bago ebo kolesaga tiwai ebo dao. Te bago subigila ge sasagano bilama, tagalobo dao. Te tiwai me eno we bidi augwaligo augwa wai bǫų dabe hobede homu me ebo menio. Menio. Augwaligo augwali tudi ola mabo dao.

Maika 1:8

Tialima, Maikago te po wali, “Te sę dabe pedelaibao, tama tiyu, ena te haliga hobede eyu, gela waibao. Te eno sągą nadoba su me musiąma, te eno dwai pisila pai nami ugwa naga gudaibao,” wai. “Te eno homu dene eyu gela wabo, te yowigo goo wabo tiwai weyu, te haliga homu dene elama, te i wabo te ebigo dwai hwa wabo gilama yaibao,” po wai.

Aisaia 14:23

Te eno te Babilon eno te hogomu poabo naigo poabo tiwai yaibao, te tigidali nai dola silibo hogomu poabo nai dao. Tama eno te Babilon sele pu bulu nigilaibao. Tama te dwai ba dabe naga bidagasaibao. Ena Tigidali Bomo Elalubo Genuai Bidi, eno po polo walio,” wali.

Aisaia 34:14

Te olo masigi bulu kemi tǫde te bulu uni hasa dabe teba sisinagasaibao wali. Te bulu uni meme dabe me te bidagaselama, i weyu, ga udaibao, te tobage hasamani dabe me, te hulide bilalubo hasa me, te aselama, te badu piabo pesage gegagasaibao wai dao.

Sefanaia 2:14

Te kau kibu dabe, me sipsip kibu dabe, me meme kibu dabe, me bulu hasa dabe naga, augwali teba piagasiyu yaibao. Magi baso meni, te boi bidi dabego te wiegi yai ni bǫ name dabe dadalama, buluba sąsąwaibao. Tama te hulide bilalobo ba dabe augwali te bede bidaibao. Tama augwali te windo dabede dualama, te augwa po weyu yaibao.