Aisaia 13:20 - Godigo dwagi yai po buku

²⁰ Te bulude bidi munu me ma bidigobeo. Tama me ma, te Arap dabe augwaligo sel be teba sę yagasogobeo. Tama te sipsip kibu tonalubo bidi dabego te sipsip kibu teba nosai tumainu teba me tonaluagasogobeo.

Aisaia 13:20 Referans Kwoze

Jeremaia 51:43

Te agai taun dabe tigidali mu dolama, te bulu tǫ kantri olo masigi kemi bulu pesage tiwai pedelaibao. Tama bidi me bidalugobeo, tama bidi augwali tede munu me biligobeo.

Aisaia 14:23

Te eno te Babilon eno te hogomu poabo naigo poabo tiwai yaibao, te tigidali nai dola silibo hogomu poabo nai dao. Tama eno te Babilon sele pu bulu nigilaibao. Tama te dwai ba dabe naga bidagasaibao. Ena Tigidali Bomo Elalubo Genuai Bidi, eno po polo walio,” wali.

Jeremaia 51:29

Genuai Bidigo te Babilon dolabo po mia selama, te olo tǫ bulu pesage elalueibao, tama tede bidi me bidigobeo. Genuai Bidigo te sę ebaso, te tǫ mali umagi mu yaibao.

Jeremaia 51:25

“Babilon, nago bomo te genuai bulu du tiwai elalubao, nago te tigidali tǫ pedai badu dolobo sę yali. Tialima, mu tama, ena Genuai Bidigo, eno nageba boi bidi eyu, te eno nogo dili bomo selama, te nage tola selama, nage te tǫba sąnama, te isigo nage mu dela silaibao.

Jeremaia 50:45

Eno te tǫ kantri Babilonba yabo sę homu kone palali elalubo, tede elalubo po te bugagia olo muao. Eno te tigidali we bidi me wai puluba dabe sela sąwaibao, te laiongo sipsip tigidali ela munama, te augwa tigi kekasa pabo tiwai yaibao. Te Babilon tǫ digi eno te ebo sęde dwai noma mu saibao.

Jeremaia 50:39

Tama tialima, te Babilonde bidi munu me bidisiąbadi, te nosali sogoba me usu nama, tama tiwai elaludaibao. Te uni hasa dabe, me uni yowi dabe, me te dwai ba dabe naga bidalueibao.

Jeremaia 50:21

Genuai Bidigo te Babilongo boi bidi dabeba e tama po wali, “Dagego te Babilon augwaliba hwįgi pao. Te Merataim tǫ, me Pekot tǫ, te bulu si we bidi dabeba hwįao. Te augwali elibo sę umabo eyu, te augwaligo nai doado bage dolao. Dagego eno po tigidali wali piąo.

Jeremaia 50:13

Ena Genuai Bidi, eno dageba haliga sębę umagi mu elama, eno te tiwai sę ilibaso, te dagego tǫ kantri dolama, tede bidi me bidigobeo. Te gasa hani bidi dabe teba pedalubo sogo, te augwaligo dage Babilonba pedelali dwai sę sulama, te augwali midigi dwai mu elama, nogo hogwayu, te wi umagi mu yaibao,” te po wali.

Jeremaia 50:3

Babilon dolaibao, magi baso meni, bidi hani me deli te not badu pedai tagalama, te Babilonba hwįagasu asaibao. Te boi bidi dabego te Babilon mu dolama, te olo bulu pesage pedelai elalueibao, tama tede bidi me bidigobeo. Tigidali bidi me hasa te Babilon tagalama, te wi paibao.

Tuni Bidi Dabego Po Elalubo Buku Si 17:11

Tama te Filistia dabe mebago takis abelainogo agabolo silva dabe meba sesali, tama me augwaligo Jehosafatbolo meba doado bage dabe sesali. Tama me te Arebia dabego me agabolo 7,700 sipsip kibu me 7,700 meme kibu omai dabe te Jehosafatbolo magasali.

Jeremaia 51:37

Eno te Babilon dolama, te masigi du holali pesage naga elalueibao. Te uni yowi dabego bulu pesage dabe naga elalueibao, te bidi tede meni yaibao. Te gasa hani bidi dabego subo sogo da, te augwali dwai noma mu selama, te wi umabo mu yaibao. Augwaligo te Babilonba kęnę po waibao.

Solomon 1:7

Nage wiegi yai abagi da, eno nage godolo mu ebao. Te nago naga sipsip kibu dabe menaba odasa paibawe? Te augwali mena badu pedaiba pelama, te tuabo wiegi yai nosai gegegi paibawe? Te genuai giliga nanobode augwali menaba tiwai madi duala sigi pogowe? Nago enabolo obaso da, te eno nage gegebo sę dene me egobeo. Te nago enabolo wasiąbaso da, teda eno nage eno te gasa sipsip tonalubo bidi dabe tomode gegebo sę eyu da, augwaligo ena te penani ebo we da homu yaibao.

Aisaia 21:1

Genuai Bidigo Babilon bulu dolaibao wabo po mani. Te genuai sęgę me, dene me, te nai meni yai wa pai bulude pedalaibao, te tǫ te bidi dabe wi elama, pąba pisąma ebo bulude. Agai te polo asaibao, te nai menia pai madi pobegebo wali tiwai bomai wali.

Jeremaia 49:33

Tama Hasor te uni yowigo bulu pesage pedelama, te aga dolali sesemane tama elalueibao. Tama te taun olo mu elalu, tede bidi me bidigobeo,” wali.

Jopgo Po Asęani Elalubo Buku 3:7

Ma, te sogo hulide te dwagi yai homu meni yai sogo tama we sibigo wai haliga isąwai sogo.

Aisaia 25:2

Nago te genuai hanu dabe te pobele bage pesage holai dao. Tama te bomai obo dabe elaluai hanu dabe sese dola silai dao. Tama te Israel hani isąwai bagego bomai hanu dabe te boi bidi dabego sese mu dola silai dao. Tama augwaligo ma hodolobo usu egobeo.

Aisaia 34:17

Te Genuai Bidigo digi te Idom tǫ pedaide deli delide dąį ilama, te augwaliba dobawaibao. Tama augwali te Genuai Bidigo dąį ilama, muani madi sesemane bidada paibao wai dao. Godigo tigidali nai wiegi yai ma pedalumainu ilaibao