Aisaia 13:19 - Godigo dwagi yai po buku

¹⁹ Genuai hanu Babilon te genuai mu elama, tama sawi mu elama, tama tigidali gasa hanu dabe aiyaba elaluali. Te Babilon bulu we bidi dabego augwa hanugo wiegi yai nogide mu gana pabo dao. Tiali goli, Godigo Babilon dolaibao, te agai Sodom de Gomora si dolali tiwai dolaibao.

Aisaia 13:19 Referans Kwoze

Daniel 4:30

Tama agai te tama po wali, “Iya, Babilon te genuai taun mu, tama te polalubo mu da. Te ena king bidi ede bidimainu eyu, te eno bomogo digi, eno te taun hodolali, te eno genuai bomo me genuai nogi te tigidali hani we bidiba ola mani dao,” kingo te po wai.

Tigidali Nai Gagalama Nigali Side 19:24

Tama Yawego digi te posolo yai masigi, me te sia dali te Sodom de Gomora hanu siba te dagaludu aiyaba tula palali.

Sefanaia 2:9

Mu tamao, ena Tigidali Bomo Elalubo Genuai Bidi ena bidalubao. Ena Israel dabego God, eno mu po weyu, te dąų obao. Te Moap dabe, me Amon dabe, augwali te taun Sodom de Gomora si dolali tiwai tama yaibao. Tama hae naga holama, tama augwaligo tǫ mesega saibao. Tama tamu sabo dedage dabe naga pedelama, tama te bulu dolama, te tama elaluaibao. Eno hani augwali me bidali da, te bidi dabe augwaligo augwali dali hwįnama, tama augwaligo nai dabe kegelama saibao, tama augwaligo tǫ me saibao,” te po wai.

Amos 4:11

Te Genuai Bidigo te po wai, “Eno dage meba dolali, eno te taun si Sodom me Gomora dolali tiwai yali. Me ma, te dage me bidalubo hani, dage te isi dage me te isigo uludubo tiwai ebadi, tialima bidi dabego te iside sela sąwai. Tiali goli, dage enaba ma geasa me asobeo. Mu menio. Tama tibaso, eno dage Israel dabeba dwai dene mabo sę yaibao. Eno te tama tiaibao, tialima dage eno po tųba sabolabo sisi elaluao, dagego God da. Ena Genuai Bidi, eno te po wai dao.”

Jeremaia 51:41

Genuai Bidigo e tiwai po wai, “Tigidali tǫde we bidi hanigo Babilonba genuai nogi mawai, tiali goli, te boi bidi dabego hwįagaselama, saibao. Te gasa hani we bidi dabego subaso da, te augwali midigi dwai mu saibao.

Jeremaia 50:40

Polobadu eno te taun Sodom me taun Gomora dolali, te taun dabe augwali pąde elaluali me, te megi da, te bulu dabe olo pesage elalubao. Te ena Genuai Bidi, eno obao, te tobage deli sę naga te Babilonba pedelama, tama tede bidi me bidigobe dao,” te po wai.

Jeremaia 49:18

Polobadu eno te taun si Sodom me Gomora dolobadi, te pąde elaluali taun dabe me dolali, tama te bulu pesage dabe olo mu tama elaluai. Te ena Genuai Bidi, eno te po obao, te tobage sę naga te Idomba pedelama, tede bidi deli me bidigobeo.

Bomai Po 29:23

Te gi dabe dola silama, dwai olo elaluaibao. Tama te tamu me dwai pauda nai salfa, te ni me nosai isilibo nai si te gide pągąna paibao, tama dagego nai me bulabo usu me egobeo. Tama te nosai dabe me te tǫde me hologobeo. Tama tialima, dagego bulu te Sodom de Gomora si tiwai tama yaibao, te Atma de Seboim hanu si tiwai me. Te hanu dabe Genuai Bidigo polobadu dolai dao, te agai wado elama, tama agai sębę dwai mu yali sogo.

Polgo Po Pas Rom Dabeba Asęani 9:29

Tama polobadu Aisaiago te po olama po wai tiwai. Agai te po wai, “Te tigidali bomo elalubo Genuai Bidi agai te dago dwasianu hani bidimainogo egi menigi sogo da, teda da mu doloyu, te bulu si nogi Sodom dali Gomora dali si tiwai pedalama, tama da mu dolai bidigi dao.” Aisaiago te po asęani.

Kraisgo Geme Dualali Sę Pedelabo Po Jonbolo Ola Mani 18:11

Tama tigidali tǫde bidi augwaligo te mone sabo bisnis sę ebo bage, augwaligo homugo te bulu Babilon kone paliyu, tama augwaligo agade gela weyu, te homu sęgę dali bidibao. Magi basowe, te augwaligo doado bage abelabo bidi me menio.

Kraisgo Geme Dualali Sę Pedelabo Po Jonbolo Ola Mani 18:19

Tama augwaligo te tǫ pobele bage augwa digi augwa toboluba sąyu, tama gela weyu augwali homu sęgę dali bidai dao. Tama augwaligo i weyu, “Hobede ebo, te genuai hanu te hobedagia bidibao! Te tigidali moni geba sip aga aya te tamu ąįde masigi sabo bisnis sę ela biliyu, te augwali te sęde masigi sabo bidi mu pedaliyu, te genuai hanude genuai masigi sabo sę yai dao. Hobede mu ebao! Te megi deli sogo naga mu te genuai hanu aga mu dola silai dao!” te po wai.

Tigidali Nai Gagalama Nigali Side 19:25

Tama Yawego te hanu si dali, te malu tǫ me, te hanu side bidali we bidi tigidali badi, tama te tǫde pedelali nai tigidali te siago delama, mu dolalio.

Aisaia 13:1

Godigo Babilon bulu dolabo homu yali, tama te po te nade ebo tiwai agai te po Aisaiabolo walalio, te Amosgo ogwabolo.

Aisaia 21:9

Tama eno te bidi dabe te hosde dulama si si asobo suali.” Tama tonalubo bidigo te po wali, “Babilon polo dolalio, aga polo dolalio. Tama augwaligo tibo god dabego piksa dabe tulaluama, tologa palio,” wali.

Aisaia 47:5

Genuai Bidigo Babilonba te tiwai po wali, “Babilon, nago te naga pedauwali pania selama, te be hulia sai pesageba duagi pao, magi baso meni, te gasa hani we bidigo nageba te nogi munu ma wasiąyu, ‘Te tigidali bulu tǫ kantri kwin da,’ po me wagobe.

Aisaia 48:14

“Dage tigidali, dage sisinagaselama, eno po odao. Te tibo god me deligo dageba te tiwai po me pusai menio, ‘Te Genuai Bidigo godolo homu mu ebo bidi te aselama, te Genuai Bidigo sę yagasu, te Babilonba hwįaibao. Te aga bomogo digi, Genuai Bidigo te Babilon dabe aiyaba elaluaibao,’ te tibo god me deligo te po wabe.

Jeremaia 25:12

“Te bidi sese sela olama, nogo si kibu be, te 70 yia silibo si da, teda ena Genuai Bidi, te eno te Babilon kingba me te aga we bidi dabe dwai dene mawaibao, te augwaligo yali dwai kolesaga wei ponaibao. Tama eno te Babilon tǫ kantri dolaibao, te tǫ Kaldia dao, tama te Babilon tǫ sesemane olo mu elalua paibao.

Jeremaia 51:26

Te bidigo selama, aga be sę yabo wiegi yai masigi usu, te nago bulu pesagede deli me elalugobeo. Menio. Te nage mu dolama, te nage tama tiwai sesemane me elaludaibao,” wali.

Jeremaia 51:29

Genuai Bidigo te Babilon dolabo po mia selama, te olo tǫ bulu pesage elalueibao, tama tede bidi me bidigobeo. Genuai Bidigo te sę ebaso, te tǫ mali umagi mu yaibao.

Jeremaia 51:62

“Tama nago e tiwai gedu haluasa po wao, ‘Genuai Bidio, nago te po wai dao, nago te tǫ kantri dolama, te bidi me deli, ma te hasa me bidigobeo. Te sesemane sogo te bulu olo elaludaibao, nago te po wali,’ tama wao.