Aisaia 13:16 - Godigo dwagi yai po buku

¹⁶ Me, te boi bidi dabego te dwasianu wai bǫų dabe augwa idago nogode kega selama, tama augwa ida aya sigo tonalubadi, augwaligo te wai bǫų dabe tǫba sąbo side, te wai dabe isaibao. Tama boi bidi dabego augwaligo be dolama, augwaligo nai dabe wi saibao. Tama me, augwali we dabe me penani sę yaibao.”

Aisaia 13:16 Referans Kwoze

Nahum 3:10

Tiali goli te boi bidi dabego te Tebes dabe aiyaba elaluama, te augwali sela pelama, kalabus igi pali. Augwaligo te wai dabe elama, augwali te tigidali sunumi tunu magede isasa palio. Tama augwaligo te Tebes genuai bidi dabe te sengo nogo duani, te augwa hasi dobola selama, te augwali sela palio.

Hosea 10:14

Tialima, te boi bidi dabego dageba hwįagaselama, te augwaligo dagego te bomai obo banis elalubo tigidali taun dolagasaibao,” wali. “Te dolobo sę te polobadu te king Salmango agai te taun Betarbelba hwįgi pelama, te nai mu dolali tiwai yaibao,” wali. “Tama aga hani dabego te augwaligo we wai dali selama, te augwali subigila sąsąnama, te augwali isai dao.

Sekaraia 14:2

Te Genuai Bidigo digi te tigidali bulu tǫ kantri ami bidi dabe sela aselama, te augwaligo dage Jerusalem dali boi hwįmainogo yaibao. Te augwaligo Jerusalem dabe aiyaba elaluama, tama augwaligo bede elaluali doado bage tigidali saibao, tama augwaligo te we dabeba me dwai kolesaga yaibao. Te we bidi hani dabe me badu bugai te augwaligo selama, te gasa bulu tǫ kantriba kalabus iligi pali, tama te hani me badu bugai te Jerusalemde bidaibao.

Te We Bidi Dabego Jerusalem Hagede Gela Wali 5:11

Te Saion bulu dude digi, me te Juda dabego taun dabede, te boi bidi dabe augwaligo dago we dabe, me dago wegi mani dabe kegelama, tama augwaligo penani sę dabe yalio.

Aisaia 13:18

Augwaligo te Babilon dabe mu sia sayabo homu bomo mu yalio. Augwali gesi bidi dabe augwaligo enesigigo elama, isilaibao. Tama me augwaligo genuai me dwasianu wai bǫų dabe augwaligo elama, isilaibao. Augwaligo augwali dali homu dene mu egobeo,” wali.

Aisaia 14:21

Tama tibaso, agai wai bǫų dabe odasa aselama, ela muagasao, te aga ayago yali dwai sę, me augwa wąį dabego yali dwai sę wei ponoyu tama yao. Tama augwali deli me bidama, tama tuni bidi nigilama, tama bulu dabe tonaluyu, tama hanu dabe tigidali bulude dabe ma nigilamuo.”

Aisaia 47:9

Tiali goli, hobede ya, te deli sogo naga te sę si nageba pedalaibao. Naga bidi dali, naga wai puluba tigidali me, te deli sogo naga isaibao. Nago te naga digi naga tonalubo haniani bomai pobi po elaluba homu yaibao, tiali goli te pobi pogo nage tau me sogobeo. Menio. Te dwai sęgo isaboba kegebao.”

Jeremaia 51:22

Eno nage siyu, tigidali we me, bidi me, te monu dabe me, wai puluba dabe me, te gesi bidi dabe, me gesi we dabe dolai dao.