Aisaia 13:15 - Godigo dwagi yai po buku

¹⁵ Tiali goli, mena bidi me boi bidi dabego touwali, teda augwaligo hwą bainatgo enama, isilaibao. Mu tama, te boi bidi dabego augwali bobobage hwągo elaibao.

Aisaia 13:15 Referans Kwoze

Jeremaia 50:27

Te Babilon bomai ami tigidali ela silao, te bidi dabego te bulmakau omai dabe ela wialubo tiwai yao. Tigidali dolomainao, magi baso meni, te Genuai Bidigo augwaliba dwai dene mabo sogo te pedalubao.

Jeremaia 50:25

Genuai Bidigo Babilonde haliga sębę elama, te agai hwįbo nai mubo be te agai sunumi dalama, te boi hwįbo nai doado bage sali. Magi baso meni, God, Tigidali Bomo Elalubo Genuai Bidi, agai te genuai sę me deli te Babilonde yabo elalubao.

Aisaia 21:15

Augwali wi pai dao. Magi baso meni, te boi bidi dabe hwįbo bainat hwą me enesigi enego augwali dali bomo elama, hwįbaso.

Jeremaia 51:22

Eno nage siyu, tigidali we me, bidi me, te monu dabe me, wai puluba dabe me, te gesi bidi dabe, me gesi we dabe dolai dao.