Aisaia 13:14 - Godigo dwagi yai po buku

¹⁴ “Tama te sogo we bidi dabe wi pabo te bulu hasa dabe bidigo enainu ebaso, wi pabo tiwai yaibao. Me, te sipsip kibu dabe augwa tonalubo bidi meniama, gegede bilibo tiwai yaibao. Te augwali augwa bulu muba dabe wi ma paibao. Awe, augwali augwa page buluba dabe polo wi soaibao.

Aisaia 13:14 Referans Kwoze

Te Israel me Juda Hani Sigo Tuni Bidigo Po Elalubo Buku Deli 22:17

Tialima, Mikaiago Ahapba te tiwai po wali, “Eno suali, te Israel ami bidi dabe te bulu du dabede bidalua pelawali, te kibu sipsip augwa tonalubo bidi wasman meni yai tiwai elaluali. Tama eno odali, Genuai Bidigo te po wai, te bidi dabe augwa tobolu bidi meni yai. Augwa te hwįbo tagalama, te augwa buluba ma pelama, te bugagia bidibaso usu yaibao,” Mikaiago te po wali.

Jeremaia 50:16

Dagego te Babilon tigidali silao, te nai wai bulabo bidi deli me bidisąma, te inayani nai sabo bidi me meni yaibao. Te Babilonde bidali gasa hani we bidi tigidali, augwali te dage Babilon dolobo sę ebo bidi dabede wi mu yaibao. Te augwa Babilon tagalama, te augwa page buluba ma pelama, te augwa hani we bidi dabe dali digi bidigi paibao,” te po wai.

Te Israel me Juda Hani Sigo Tuni Bidigo Po Elalubo Buku Deli 22:36

Te giliga iba degasa dulubo pąde igi pabo si da, teda te Israel ami bidi dabe, me Juda ami bidi dabego te tiwai i walio, “Da tigidali te dena bulu tǫ pedai kantriba, me te dena bulu dabeba pela silinao,” walio.

Jeremaia 51:9

Te Israel me Juda augwaligo e tiwai po waibao, “Da te kalabus bidi dabego te Babilon usu ma ilabo homu yali, tialima, aga usu yai me pedalubeo.” Nosali augwa te po wali, “Tagalao, dago te Babilon tagalama, da deli deli te dena page buluba ma pinao. Magi baso meni, te Babilongo yali dwai sę genuai mu elalu, te dagaluba usu nigi holali. Tibaso, Genuai Bidigo te Babilonba dwai dene mabo sę umagia mu yai dao.

Aisaia 47:15

Mu tamao, nageba te homu kolesaga mani bidi dabe, te nage gesi tigi elalubo sogo te bidi dabego nage tau sali bidi dabe, te augwali homu kolesaga umuna palama, te me deligo nage tau me sogobeo,” Genuai Bidigo te po wai dao.

Aisaia 17:13

Te boi bidi dabe asali, te tamu wę aluasa asobo tiwai yali. Tiali goli, Godigo augwali sesanobaso, tama augwali augwa buluba ma wi pela wali. Te Godigo augwali sela sąyani, te waligo ni yabe dabe subigila sela sąbo tiwai eyu, me te hogabo waligo te hogomu dabe pobele bage ugwaba sela holobo tiwai yaibao.

Matyu 9:36

Tama bilidubadi, agai te genuai we bidi hani augwali sulama, tama agai homu dene augwalide genuai mu yali. Magi basowe, augwaligo homu dolo elalusiąwai baso, tama augwaligo augwa digi tau sabo usu isiąwai bidibo suali. Augwali dwai mu bidiyu, te kibu sipsip dabe augwa aya meni yai tiwai bidai.

Dwagi Yai Gesi Po Makgo Asęani 6:34

Tama Jisas te gebadu pelama, te wę pedai badu tugi pelama, tama agai te we bidi hauwa bidalubo suali. Tama agai augwali homu dene genuai mu yali. Augwali te sipsip kibu tonalubo bidi meni yai tiwai bidaluali. Tama tibaso agai gagalama, te wiegi yai po hauwa augwaliba ola mawai.

1 Pita 2:25

Tama polobadu dage te kibu sipsip tiwai eyu, augwali tonalubo bidi tagalama tama hagawai digi, megi dage ma geasa asiyu, te dage bugagia tonalubo bidi pageba ma asai dao.

Aisaia 21:15

Augwali wi pai dao. Magi baso meni, te boi bidi dabe hwįbo bainat hwą me enesigi enego augwali dali bomo elama, hwįbaso.

Jeremaia 25:12

“Te bidi sese sela olama, nogo si kibu be, te 70 yia silibo si da, teda ena Genuai Bidi, te eno te Babilon kingba me te aga we bidi dabe dwai dene mawaibao, te augwaligo yali dwai kolesaga wei ponaibao. Tama eno te Babilon tǫ kantri dolaibao, te tǫ Kaldia dao, tama te Babilon tǫ sesemane olo mu elalua paibao.

Nahum 3:18

Te Asiria genuai king, nago odao, wali. Te nago polalubo bidi dabe me genuai bidi dabe te isalio. Te boi bidi dabego nago we bidi dabe sela sąnama, subigila te bulu duba tedela palama, tama augwali te augwa buluba ma sela asabo bidi deli te meni yanio.