Aisaia 13:10 - Godigo dwagi yai po buku

¹⁰ Te sogo te tigidali hǫ dabego ula sula saibao. Tama giliga pedalaibao, tiali goli agai ula hulia sigi paibao. Tama polua munu me nanogobeo.

Aisaia 13:10 Referans Kwoze

Matyu 24:29

“Te sogo te genuai sęgę yali te silai madi, tama polo te sia ge hulia selama, tama te polua ula me egobeo, tama te hǫ dabe dagalude tulaluaibao. Tama te dagalude bomai nai te tǫ mali tiwai elama, gęǫ page yaibao.

Dwagi Yai Gesi Po Makgo Asęani 13:24

Jisasgo po me weyu, te po wai, “Tiali goli te genuai sęgę hasia bolo ela silama, tama te sogode te giliga ge hulia selama, tama te polua me ula isiąma,

Joel 2:31

“Tama te dagalude da, te giliga ge be hulia selama, te poluade mama yai pedelama, te bidi kaneme tiwai yaibao. Dagego te nai subo sogo da, te dagego koneyu, te Genuai Bidigo sogo bodolu te pedalubao homu yaibao. Te genuai side te tigidali tǫde we bidi wi mu yaibao.

Kraisgo Geme Dualali Sę Pedelabo Po Jonbolo Ola Mani 8:12

Tama te sę silama, tama te me si me si wali ensel mobo bidi aga te ona tiwai nai elali, tama tebadi, tama augwaligo te giliga me, poluade me, te tigidali hǫde me augwaligo tomode dąį sela muani. Tama te giliga ge me badu dolali, te polua me tama tiyu, te tigidali hǫ me te me badu dolali. Tama tibaso, augwaligo ula ebo sogode te ula bugagia ebeo. Ulade te me badu pedaigo te giliga gego ula bugagia ebeo. Tama hulide me te polua dali, hǫ dabe dali, augwaligo me badu ula ebo pedai te bugagia ula ebeo.

Dwagi Yai Gesi Po Lukgo Asęani 21:25

Te Jisasgo augwalibolo po me weyu, te po wai, “Te giligade me, te poluade me, te hǫde me te gasagi yai sę pedelaibao, bidigo konesiąbo sę. Tama tǫde tigidali we bidi dwai homu elama, wi eyu, gela weyu, tebo side moni tamu ąį dini asainogo u wabo augwaligo odoyu, wi yaibao.

Joel 3:15

Tama te giliga me polua te hulia siyu, te hǫ dabe me ula ma egobeo.

Aisaia 5:30

Tama te sogo boi bidi dabe aselama, Juda bulu dolagasaibao. Tama augwaligo kulukulu genuai mu waibao, te tamu wę holama, wę kemi saneba asiyu, u wabo tiwai yaibao. Tama te bidi dabego te buluba tonagasobo si da, teda augwaligo te bulu sisi pǫgo mesega selama, giliga ula sininai suaibao. Tama te bulu mu hulia sai suaibao.

Joel 2:10

Augwali pobadi, te tǫ dali, dagalu dali si mumunu yaibao. Tama giliga dali, polua si, te hulia saibao, tama te hǫ ula ma egobeo.

Aisaia 24:23

Tama te giliga ula de polua ula si, te olo nai tiwai yaibao. Magi baso meni. Tigidali Bomo Elalubo Genuai Bidi aga bomo dali, me aga bomai ula dali, asaibao. Tama aga te bulu du Saionde we bidi tonaluaibao. Tama te we bidi dabe augwa genuai bidi dabego aga suaibao.

Aisaia 24:21

Polobadu digi Genuai Bidi aga digi po bodolu muai dao. Agai te dagalude bidibo bomo elalubo bage dene mayu, me te tǫde tuni bidi dabe dali dene mawaibao.

Godigo Sęba Tagala Palai Bidigo Po 2:20

Te kaneme me, sia me, sisi yai hano me yaibao, te giliga eno huli si ilaibao, tama te polua me kaneme tiwai mama yai ilaibao. Tama nosali Genuai Bidi Jisasgo si asobo si, te side Genuai Bidigo genuai sę dabe yaibao, tama tibaso te sigo moni nogi elaluaibao.

Jopgo Po Asęani Elalubo Buku 9:7

Agai po wabo goli, tama giliga agai po wali pode pedalugobeo. Tama aga hǫ dabego ula paliama, dago ula me sugobeo.

Kolesaga Koneai Bidigo Pusali Po Elalubo Buku 12:2

Te sogo dagego gedu dwai elalubaso, dagego te tiwai homu yaibao, giliga, me polua, me te hǫ dabe, te bugagia ula isiąyu, tama te haowa tulubage sesemane sogo elalubao po waibao.

Aisaia 47:5

Genuai Bidigo Babilonba te tiwai po wali, “Babilon, nago te naga pedauwali pania selama, te be hulia sai pesageba duagi pao, magi baso meni, te gasa hani we bidigo nageba te nogi munu ma wasiąyu, ‘Te tigidali bulu tǫ kantri kwin da,’ po me wagobe.

Aisaia 50:3

Tama eno te dagalu me sisi mu emainu eyu, te aga bidi isaide te wego homu dene ebaso gudubo ugwa tiwai yaibao. Mu tama, eno te tobage sę yabo homu elalubao,” Genuai Bidigo te po wali.

Amos 5:20

Awe, te tiwai me, te Genuai Bidigo muani bodolu side te be posobo ula me dwasianu pedalugobeo. Mu menio. Te be hulia sabo genuai sę pedelaibao. Te Amosgo po wabo silalio.

Nahum 1:8

Te genuai ąį asobo tiwai elama, tama aga boi bidi dabe te Ninive bage te aiyaba mu elaluama, tama te agai po sela sąbo bidi dabe te ela muyu yaibao.

Sekaraia 14:6

Tama te ula te giliga nanobo sogode naga me pedalubeo. Menio.