Aisaia 13:1 - Godigo dwagi yai po buku

¹ Godigo Babilon bulu dolabo homu yali, tama te po te nade ebo tiwai agai te po Aisaiabolo walalio, te Amosgo ogwabolo.

Aisaia 13:1 Referans Kwoze

Jeremaia 50:1

Genuai Bidigo te kantri Babilonde po elalubao, te Kaldia dabego tǫ kantri, tama agai te po profet Jeremaiabolo mawai. Tama Jeremaiago te tiwai po pusali,

Aisaia 1:1

E bukude te profet Aisaiago po elalubo, aga te Emosgo ogwa dao. Te nade ebo tiwai Genuai Bidi God agai po te Aisaiabolo mani, te Aisaiago te Juda we bidibolo, me Jerusalem we bidibolo pusa momainu. Aisaiago te po te tuni bidi king Usia, me Jotam, me Ahas, me Hesekia, tama bage deli deli te Juda dabe tuni bidi bididubadi pusai dao.

Daniel 5:28

Tama te ‘Pedao’ wali po page, te tiwai, Godigo te nago tonaluali tǫ kantri pedelama, tama me badu te Midia dabeba doba yali, te me badu Persiaba doba yalio,” Danielgo te po wali.

Daniel 5:6

King te wi mu yali, tama aga gesabidi te hasegelama, tedela yai pedelali, tama aga bomo me silali, tama aga tigi dili dabe te mumunu eyu, didibili yalio.

Aisaia 15:1

Te bulu Moap polo dolalio. Tama Genuai Bidigo te po mani. Te hulide boi bidi dabe aselama, te hanu Ar me hanu Kir dolagasali, tama megi da, Moap mu tama sese dolalio.

Aisaia 14:28

Te tuni bidi king Ahas isali kibu bede, Genuai Bidigo po me mani. Te po da e tama dao.

Aisaia 13:19

Genuai hanu Babilon te genuai mu elama, tama sawi mu elama, tama tigidali gasa hanu dabe aiyaba elaluali. Te Babilon bulu we bidi dabego augwa hanugo wiegi yai nogide mu gana pabo dao. Tiali goli, Godigo Babilon dolaibao, te agai Sodom de Gomora si dolali tiwai dolaibao.

Malakai 1:1

Te Genuai Bidigo te sęgę yai po Malakaiba menama, te Israel dabeba pusumainu yai dao.

Sekaraia 9:1

Te Genuai Bidigo po enabolo mayu, te tama wali. Te tigidali tǫ kantri we bidi dabe augwali te Genuai Bidi dologode naga bidiyu, te Israel hani dabe bidalubo tiwai yaibao. Genuai Bidigo te tǫ pedai Hadrak me te taun Damaskus,

Habakuk 1:1

Te Genuai Bidigo te sęgę yai po dabe te profet Habakukbolo te nade subo nai tiwai elama, ola mani.

Nahum 1:1

Godigo te genuai taun Ninivede po te profet Nahumbolo te nai nade subo tiwai ebo sogo te sęgę yai po mawai. Profet Nahum aga te Elkos bulu bidi dao.

Esekiel 12:10

Tialima, nago te God Genuai Bidigo po augwaliba mao. Eno te kingba dali, te Jerusalemde bidalubo we bidi dabeba pedelabo sę po elalubao.

Aisaia 43:14

Genuai Bidi, aga te dage Israel Dabego te Wiegi Yai Doloba Pai Kolesaga Naga Mu Ebo God, te aga dage ugwaba sagoalu, te dage ma dobola sabo bidi, agai te po wali, “Te eno we bidi dabe dage tobade eno te ami bidi dabe te Babilonba hwįagasomainu tagala palaibao. Te Babilon dabe tigidali augwa te wiegi yai homu pemene ebo te sip dabe daiba holama, te augwa bidali bulu pesage tagalama, wi paibao.

Aisaia 22:25

Ena Tigidali Bomo Elalubo Genuai Bidi, eno te tama po wali. Tama te sę pedalobo sogo da, te si wali huk hala pelama, tulaluaibao. Tama agade walaluyu, aga sęgę mani hani dolama, tulaluaibao. Ena Genuai Bidi, eno polo wai dao.’”

Aisaia 22:1

Genuai Bidigo te Na Yabo Odogo Bulu tede na dabe pedalabo po mani. Te genuai hanu Jerusalem we bidi dabe, dagego mena homu mu eyu, dagego hai olama, wiegi yai homu ebawe? Tama dage duga be peduba hola pelama, tama hai bomona mu olama, tama te kulukulu tigidali te hanu usu nubao. Naga te bidi dabe isali da. Augwali te bomai ami bidi dabe tiwai e hwįnama, isai menio. Te boi bidi dabego augwali moni hwągo elebeo. Menio.

Aisaia 21:13

Genuai Bidigo te Arebia dolaibao wabo po mani. Te Dedan dabe dage, te dage biliyu, nai abelama dobu si eyu ebo bidi dabe dao. Dage pelama, te Arebia dabego nai meni yai wa pai buluba duala sigi pabo dao.

Aisaia 19:1

Genuai Bidigo te Isip bulu dolaibao wabo po mani. Te po e dao. Suao. Genuai Bidi te pǫde ugwadu dualaluyu, tama te bulu tǫ kantri Isipba polo sabolaibao. Tama te sogo pedalobo si da, te Isip dabego tibo god dabe noma genuai mu saibao, tama te Isip we bidi noma selama, tama augwali wi mu elama, tama augwaligo bomo mu sia saibao.

Aisaia 17:1

Genuai Bidigo te hanu Damaskus dolaibao po mani. Agai e tama po wali, “Te boi bidi dabego te Damaskus dolaibao, te Siria dabego genuai hanu, tama olo pobele bage pesage naga pesage holaluaibao.

Sekaraia 12:1

Te e po da, te Genuai Bidigo po da, aga te dagalu genuai kegelalma, me te tǫ dodolama nigali God dao, tama agai te we bidi dabe augwaliba bidibo ula mabo da. Agai po te Israel dabeba mayu, te tama wali,

Matyu 1:11

Tama Josaia aga ogwa Jekonia te aga ama dede dali dao. Te sogo, te augwali bidibadi, te boi bidi dabe augwaligo te Israel dabe aiyaba elaluama, tama augwali te Babilon buluba kalabus sę emainogo sela pali.

Kraisgo Geme Dualali Sę Pedelabo Po Jonbolo Ola Mani 14:8

Te gasa ensel mobo bidi aga te polasa soali ensel bidi wali asai. Te nosali asali ensel bidigo te po wali, “Dolalio, dolalio, te genuai hanu Babilon mu dolalio. Te nogi elaluali hanude bidali we bidi augwaligo bomonama te tigidali haniani tǫde bidali bidi dabebolo te dwai dwai meda yai kolesaga ola mani dao. Te penani sę ebo wego te bidibolo bomai ąį menama, tama te bidigo te ąį tulama aga homu kolesaga dolama, tama agai te we dali penani sę ebogia, te hanu bidigo gasa we bidi te dwai dwai sę ebo kolesaga tomoba kekai dao,” te ensel mobo bidigo te po wai.

Te Israel me Juda Hani Sigo Tuni Bidigo Po Elalubo Buku Si 9:25

Tama te Jehugo te Bitkarbolo te po walali, te aga dali bidiyu sę yali gavman ofisa bidi, e tama, “Te Joramgo tigi sagaselama, tama te bidi Nabotgo tǫba sągi pao,” wali, “te Jesril bidi. Te Genuai Bidigo te polobadu king Ahapbolo pusa mani po nago me konealubawe, Joram aga aya? Dadi si te Ahap wali pobao, te dadi sigo karis me tama te Genuai Bidigo te Ahapbolo e tama po wali,

Aisaia 20:2

Te kibu be sela polasa, te Asiria dabego te Filistia hanu dabe sabode, Genuai Bidigo Aisaiabolo hasia po wai dao, te Amosgo ogwabolo te kolesaga yabo po. Aisaia aga hobedai ugwa me aga sągą nadoba me gudubo tagalama, olo bilao po wali. Tama Aisaiago Genuai Bidigo po odama, tama tiai dao.

Jeremaia 24:1

Te Babilon king Nebukatnesargo te Jerusalem aiyaba elalubo si da, teda agai te Juda dabe Babilonba odasa palio. Agai te king Jehoiakimgo ogwa sali, aga te king Jehoiakin, aga gasa nogi me Jekonia. Tama agai te Juda genuai bidi dabe me, te tobage wiegi yai nai nigibo koneai bidi dabe me, sela pali. Tialima, te tudi badu nosali, Genuai Bidigo ena Jeremaiabolo ola mawai, te nade nai me deli ola mabo tiwai yali, tama te nade eno te basket wa side te ni kaya fik wai du dabe elalubo suali. Te basket wa si te Genuai Bidigo be sunumi pąde elalualio.

Jeremaia 28:8

Te polobadu digi gagalasa, te megi e sogoba usu nagasobao, te da i badu elalubadi, te polasa pedelali profet dabe, augwaligo te tiwai po wai, te hwįnama dolobo sę genuai me, dwai gasi me, te we bidi hani hauwaba pedelama, te genuai tǫ kantri dabeba me pedelaibao wali.

Jeremaia 51:51

Megi da, dagego e tiwai po obao, “Da hale dwai mu yalio. Magi baso meni. Te bulu tǫ kantri bidi dabe augwali te Genuai Bidigo Tedali Gasagi Yai Mu Be Habu tomoba pai. Te augwaligo dabolo po dwai wali. Tibaso, da hale dwai mu ebao.” Megi dagego te tobage po obao.