Aisaia 12:6 - Godigo dwagi yai po buku

⁶ Israel dabego God aga te Wiegi Yai Doloba Pai Kolesaga Naga Ebo God dao. Aga genuai nogi elalubo. Tama aga dage Saion we bidi dabe dali bidibao. Tama tibaso, dage wiegi yai homu iyąo. Tama i bomona weyu, agaba balia po wao.” Te aga hani we bidi ma sisinibo sogo dagego te balia po waibao.

Aisaia 12:6 Referans Kwoze

Sekaraia 2:5

Tama Genuai Bidigo te po wai dao, aga te isi tiwai pedalama, tama aga te taun bagulai obo tiwai te Jerusalem bagualuaibao, tama agai te taun tonaluaibao. Tama aga Jerusalemde bidaibao, tama agai genuai ula me bomo pepeli diliba haninaibao,’ te po te usu sabo bono string tolalubo bidiba walao,” te enselgo te po walali.

Godigo Nogi Ugwaba Sabo Tęąbi Po Wabo Buku Dabe 9:11

Genuai Bidi God te Saion hanude king bidibao. Dagego te aga nogi ugwaba siyu, te tęąbi waiyąo. Tama dagego te tigidali Israel hani isąwai bidiba po hanilama weyu, te agai yali tigidali bomai sę po waiyąo.

Aisaia 41:14

Genuai Bidigo te tama po wali, “Te dage Israel te dwasianu hani da, te dagego bomo meni da wagio, ena dage ma sabo bidi, te eno dage ugwaba sagualu tonalu, tau saibao. Ena dage Israelgo God dao, ena te Wiegi Yai Doloba Pai Kolesaga Mu Ebo God dao, eno te dage ma dobola saibao wali.

Esekiel 48:35

Tialima, te taun sese bagua sali obo te bobobage dąį te 9,000 mita usu nama dao. Tigidali sogo augwaligo te taun nogi e tama nogi eyu yaibao, ‘Genuai Bidi ede bidibao,’ te nogi waibao,” Genuai Bidigo te po wai.

Aisaia 54:1

Genuai Bidigo te tiwai po wali, “Jerusalem, nage te hobedagia wai ame nesiąbo we tiwai eyu, nage te wai ame nabode dene isiąbo we tiwai ebao. Tiali, megi da, nago te balia po weyu, pemene elama, i wao, magi baso meni, te nago wai dabe hauwa mu umabo elalueibao, te aga bidi dali bidibo wego wai te aiyaba mu elalueibao.

Aisaia 41:16

Dagego te sęgę elalusiąyu, te bidigo te bo dabe ugwaba sąnama, te waligo tolasa pabo tiwai yaibao. Tialima, dagego wiegi yai pemene te Genuai Bidi enaba yaibao. Te dagego ena nogi ugwaba saibao, te Israel God da, ena te Wiegi Yai Doloba Pai Kolesaga Ebo God dao,” wali.

Aisaia 40:9

Jerusalem, nage te genuai bulu duba holama, te bulude po pusao. Saion, nago bomonama, i hai weyu, te bulude po pusao. Nago po hanilama pusao, nage wi me igio. Nago te tiwai po te Juda dabego taunba walao, “Suao, te duga God asobao,” po wao.

Godigo Nogi Ugwaba Sabo Tęąbi Po Wabo Buku Dabe 71:22

Te eno gita me musik eliyu, te eno nago nogi ugwaba sobao. Eno God, nago ena me tagalisiąwai, nago po te mu naga dao, tama tialima, te eno nago nogi ugwaba sobao. Te Israelgo God, nage tedali wiegi yai elalubao. Te eno gita eliyu, tama tęąbi weyu, nago nogi ugwaba sabo dao.

Sefanaia 2:5

Tega, dage Kenan tǫde bidibo Filistia dabe, nambisde bidibo Keret bage, dage me dolaibao! Genuai Bidigo dage po tų ela mawai dao. Tama agai dage dolama, tama bidi deli me bidigobeo.

Esekiel 43:7

Te da te Genuai Bidigo pedauwalidu po wali. Tama agai enabolo e tama po walali “Tǫde bidio, eno sia king te be tomode te elalubao. Tama te pesage da, te we bidi augwali aselama, enaba lotu wagasabo madi dao. Ena tigidali sogo ede bidada paibao, te ena we bidi Israel dabe tomode. Tama nosali Israel dabe, me augwa king dabe, augwaligo nosali eno wiegi yai nogi aiyaba munu ma me elalugobeo. Polobadu te we bidi dali, te king bidi dabe dali, augwaligo ena tagalama, te tibo god dabeba lotu po odu geai dao, we bidigo dwai penane sę ebo tiwai yali. Tiali goli, megi da, te augwaligo te tibo godiba lotu po te ugwanu elalubo madide me weyu egobeo. Tama te king dabe augwaligo eno tempel be pąde mu augwaligo be me ma sę yagasiyu me egobeo. Polobadu augwaligo be te tama elaluai dao, tama te king dabe augwali augwa bede isibo sogo augwaligo eno be meda iliyu yai dao. Tama me augwaligo dwai damua pai kolesaga eyu, augwaligo eno nogi aiyaba elaluyu yai dao. Tama tibaso, eno augwali dali sębę elama, tama augwali dolai dao.

Aisaia 49:26

Te eno nago boi bidi dabe augwa haside digi tomode hwįmainu yaibao. Te augwa hasi digi elebo sę umabo eyu, te bidi dabe te wain wę tulama, gęǫ page ebo tiwai yaibao. Tama te tǫde we bidi tigidaligo eno te ebo sę sulama, te augwa te tiwai koneaibao, ena naga ena te Genuai Bidi da homu yaibao. Ena te ena we bidi ma sabo God dao, te eno nage tudibadu posolalu, tonalu, te nage tau siyu ebao, ena te Jekopgo hanigo bomai God elalubo dao,” wali.

Aisaia 33:24

Tama te sogo te Jerusalemde bidibo we bidi dabego e tama po munu ma wagobeo, “Ena gasi ebo.” Tama Genuai Bidigo te Jerusalemde bidibo we bidigo dwai sę yali sęgę sela sąwaibao.

Aisaia 30:19

Te Jerusalemde megi bidalubo we bidi, tega, dage hobede elama, gela me wagobeo. Megi te Genuai Bidigo dage hobede elama, dage tau sabo deli naga no munalubao. Te dagego aga i olama, gedu haluasa po wabo si da, polo tama agai dagego i wabo odama, dage olo mu tau saibao.

Aisaia 24:23

Tama te giliga ula de polua ula si, te olo nai tiwai yaibao. Magi baso meni. Tigidali Bomo Elalubo Genuai Bidi aga bomo dali, me aga bomai ula dali, asaibao. Tama aga te bulu du Saionde we bidi tonaluaibao. Tama te we bidi dabe augwa genuai bidi dabego aga suaibao.

Aisaia 10:24

God, Genuai Bidi Tigidali Bomo Elalubo Bidigo te po wali, “Eno we bidi dage Saionde bidibo, dage te Asiria dabede wi igimio. Augwaligo dage te wąbigo elama, dage dali dwai sę ebadi me tagalao. Te Isip bagego polobadu yali tiwai ebadi goli.

Aisaia 8:18

Genuai Bidi Tigidali Bomo Elalubo Bidi aga te Saion bulu dude bidibao. Agai ena te wai dabe mawai dao. Tama agai da te Israel we bidide yabo sę dąį tiwai ilali.

Godigo Nogi Ugwaba Sabo Tęąbi Po Wabo Buku Dabe 132:14

Agai te po wali, “Te ena te taunde sesemane bidada peyu, bidada paibao,” wali. “Eno te pesage te ena king bidabo madi sa muai dao.

Godigo Nogi Ugwaba Sabo Tęąbi Po Wabo Buku Dabe 89:18

Awe, nago digi te da seselalubo bidi sa muai. Nage te da Israelgo Tedali Wiegi Yai God, nago te dena king dabolo mawai dao.

Godigo Nogi Ugwaba Sabo Tęąbi Po Wabo Buku Dabe 68:16

Nage te sau pado hauwa dalubo bulu du da, magi baso nago te God aga dugulaluainu ebo bulu du sulama, tama nago homugo te olo nai tiwai da homu ebawe? Genuai Bidi da, te bulu dude bidada pidu, bidada paibao.

Godigo Nogi Ugwaba Sabo Tęąbi Po Wabo Buku Dabe 46:5

God te taunde bidibao, tama tiyu, te taun munu me dologobeo. Te be posisąbadi, tama te Godigo aga tau saibao.

Godigo Nogi Ugwaba Sabo Tęąbi Po Wabo Buku Dabe 99:2

Te Saionde Genuai Bidigo te genuai bomo mu elalubao, tama agai te tigidali tǫde bidibo hani bage tonalubao.

Aisaia 1:24

Tama tibaso, Jerusalem, Godigo po dabe megi odao. Tigidali Bomo Elalubo Genuai Bidi te Israel dabego boma pai God dao. Agai te po wali, “Ena Genuai Bidi, eno te ena boi bidi dabebolo dwai dene wei ponaibao. Usu dao. Tama augwaligo enabolo sęgę ma magobeo.

Aisaia 24:14

Tiali goli, te me bidibo dwasianu we bidi hani augwali wiegi yai homu elama, tęąbi po waibao. Te tamu wę sesegede bidalubo we bidi augwaligo te Genuai Bidigo bomode me genuai nogide augwaligo wiegi yai homu elama gana paibao.

Aisaia 60:16

Te nago wiegi wiegi yai nai te gasa kantride siyu, te king dabego augwa wiegi yai sawi yai nai nageba mawaibao. Tama nago te tiwai koneama, ena naga te Genuai Bidi da waibao. Ena te ena we bidi ma sabo God dao, ena te nage posolalu, tonalu, tau sabo God, ena te Jekopgo hani dabego bomai God dao,” wali.

Jeremaia 10:6

Genuai Bidi, te nage tiwai gasa me menio. Nago genuai bomo, me genuai nogi elalubao. Te nago naga bomo waseliyu, te tobage sę dabe ebo dao.

Esekiel 35:10

“‘Dage Idom dabe, dagego ena God Genuai Bidi eno te kantri si Israel de Judade bidiba homu me yai menio, te augwali eno we bidi dao. Megi da, dagego te po wali dao, dagego augwali hani sigo tǫ saibao po te wali dao.

Esekiel 39:7

Te sę dabe eno ena we bidi Israel dabe dali yainogo ebo te sę dabe da, te augwaligo gasa we bidi hanigo eno wiegi yai nogi konemainu ola mawaibao. Tama augwaligo eno genuai nogi munu me aiyaba elalugobeo. Tama augwaligo e tama bugagia koneaibao, ena deli ena Genuai Bidi, tama ena te Israel dabe dali bidiba homu yaibao. Tama ena te tedali gasagi yai da, te eno kolesaga te wiegi yai doloba pai mu dao, augwaligo te homu yaibao.’ Te po me pusao,” wali.

Esekiel 48:8

Genuai Bidigo po genina ma weyu, e tama po wali, “Te tǫ pedai te Juda hanigo tǫ saut badu elalubo tǫ te gasa sę me elalubao, te tedali gasagi yai tǫ dao. Te tǫ genuai dąį te not badude gagalama, saut badu usu nigi peyu, te 12 olama, hap kilomita usu nama dao. Tama te tǫ te kantri dąįdu gagalali, te giliga asobo badu gagalama, tama pelama, genuai tamu ąį Mediterenian nambis kemi sanedu tama pali dao. Te deli deli Israel hanigo tǫ dąį tiwai tama dao. Tama Genuai Bidi eno tempel be te tǫ pedaide elaluaibao,” wali.

Hosea 11:9

“Eno dageba haliga sębę yali, tiali goli eno dageba te dwai dene da me magobeo. Magi baso meni, eno kolesaga te bidigo kolesaga tiwai menio. Ena God, te eno kolesaga tedali gasagi yai elalubao, tiali goli ena te dage dali bidibao. Eno wado elama, te eno dage doloyu da me egobeo,” wabo dao.

Israel Hanigo Namba 23:21

Te Israel dabeba pedelainu ebo sę eno suali, te augwali dali dwai sę elama, dolabo sę menio. Te mu menio. God augwa Genuai Bidi augwali dali bidibao, tama augwaligo te po wali, aga te augwaligo tuni bidi dao po walio.

Bomai Po 23:15

Tama Mosesgo po geninama weyu, te po wali, “Tialima, te olo sę bidi me deli aga te dage Israel dabego tǫ bulu badu bidiyu, tama aga tonalubo bidide wi pelama, tama aga dageba aselama, aga tau somainogo hanalu wagasobaso da, teda dagego aga ma tagala paligio.

Godigo Nogi Ugwaba Sabo Tęąbi Po Wabo Buku Dabe 135:21

Te Saionde bidalubo we bidi dabe, te Jerusalem, te Genuai Bidigo pesage mu da, te agai nogi ugwanu sao. Genuai Bidigo nogi ugwanu mu sao.

Aisaia 33:21

Genuai Bidi te dago boma pai polalubo bidi tede bidaibao. Tama agai te Jerusalem te wiegi yai sawi yai genuai wę me, dwasianu wę me elalubo bulu nigilaibao. Tiali goli, te dwasianu geba kanu me, genuai hwįbo sip dabe me, te wę dabedu me asogobeo.

Joel 2:27

Tialima, dage Israel, te ena dage dali bidibo te dagego koneaibao, te ena Genuai Bidi, ena naga ena duga God dao. Te gasa hani we bidi dabego te eno we bidi dageba te hale ilabo sę me emainu munu me ma egobeo,” wai.

Sekaraia 2:9

Tialima dagego eno we bidi dolobaso da, teda ena digi dage dali hwįaibao. Tama te we bidi polobadu dagego augwali dagego kalabus sę yali da, te augwa digi dage dolaibao,” wali. Tama te sę dabe pedalobo sogo te we bidi tigidaligo e tama koneaibao, Tigidali Bomo Elalubo Genuai Bidi aga digi ena tagala palama, eno agai po pusagasai yabo homu koneaibao.