Aisaia 11:11 - Godigo dwagi yai po buku

¹¹ Tama te sogo Genuai Bidi agai bomo te si wabo sogo ma ola mayu, tama aga we bidi hani augwa buluba ma odasa asaibao. Te we bidi dabe te bulu Asiria, me Isip, me Sudan, me Elam, me Babilon, me Hamat, me te Mediterenian tamu ąįde ailande bidibo dabe me dao.

Aisaia 11:11 Referans Kwoze

Maika 7:12

Tama nago we bidi te gasa tǫ kantride kalabus igi pali, te augwali ma asaibao. Augwali te wę Yufretis pedai badu te tǫ kantri Asiria, te giliga pedalubo badu asaibao. Te augwali Isip te saut badu asaibao. Tama augwali te tigidali habude te digibulu bidali te asiyu, te tǫ kantri te nambis badu elaluai, te genuai tamu ąį, me te bulu du pesage dabede bidali tagalama, asaibao.

Polgo Po Pas Rom Dabeba Asęani 11:26

Tama te kolesagago te Godigo te Israel dabe tigidali ma dobola saibao. Te agai po asęani bukude wali po tiwai gilama yaibao, “Te we bidi ma dobola sabo bidi aga te Saion buludu asaibao. Te agai te Jekopgo bidi hanigo yali Godigo po sela sąbo kolesaga te agai sela sąwaibao.

Aisaia 10:20

Genuai Bidigo bodolu me polo muai dao wali, te Israel hani dwasianu te Jekopgo wąį tomode bidibo hanigo i agabolo omainu. Te Israel dabe augwali augwa boi bidi dabede wi ebaso, tama augwaligo gasa bulu bidi dabego augwali tau somainu i wali. Tama te bulu bidigo augwali tau somainu tonaluali. Tiali goli, te bulu bidigo begelama, augwali ma dolaibao. Tama te sogo augwaligo te Israel dabego Genuai Bidiba i waibao. Aga te Wiegi Yai Doloba Pai Kolesaga Naga Ebo God dao. Tama augwaligo agai tau somainao olama, tonaluaibao.

Hosea 11:11

Te augwaligo Isip tagalama, tama te polo asesa asu, te ba bola asobo tiwai yaibao. Awe, augwali me Asiria tagalama, te ba hi dabe tiwai bola asaibao. Tama eno augwali te augwa page buluba ma odasa asaibao. Ena Genuai Bidi, eno te po wai dao,” wali.

Aisaia 66:19

Te eno augwali tomode te dąį me deli pedalumainu ilaibao.” “Tialima, eno te hani meba, te dolisąwani hani bage, te digibulu tǫ kantri we bidiba tagala palama, te eno genuai nogi me bomo te eno genuai bomo ebo po odisąwani we bidi dabeba pusugi pomainu yaibao. Te augwali eno te hani dabe Tarsis, me Pul dabe, me Lidia, te haniba tagala palaibao, te Lidia bage augwali enesigigo ene enebo mu konea pai bidi dabe mu, te Tubal me Gris dabeba, te digibulu bidalubo gasa we bidiba me tagala palaibao.

Aisaia 42:4

Te aga haliga sęgę me isiąyu, te sęgęgo aga aiyaba elalumainu me iligobeo. Agai sę bomo elama eyu, agai doloba pai kolesaga ebogo te dwai kolesaga ebo kolesaga aiyaba elaluaibao, te tigidali tǫ habu usu nama bomo elalumainu ilaibao. Te digibulu bulu we bidi dabe te aga tonaluaibao, te agai augwali bugagia dugulalu bidabo kolesaga ola momainu yaibao.”

Aisaia 24:15

Tama tialima, dage tigidali tǫ habu badu bidalubo we bidi dabe, te giliga asobo badu, me te tamu ąį sesegede elalua pabo bulude bidalubo bage, dage tigidaligo te Genuai Bidigo nogi ugwanu sao, te Israel dabego Godiba genuai nogi maiąo.

Tigidali Nai Gagalama Nigali Side 11:2

Augwali te giliga pedalubo badu kikili pelama, tama augwali te malu tǫ me deliba sabolali. Tialima, augwali te malu tǫ nogi Sina te bulu habu badu bidaluai, te bulu nogi me Babilonia.

Tigidali Nai Gagalama Nigali Side 10:22

Te e da te Siemgo ogwa dabe nogi da, Elam, Asur, Arpaksat, Lut, me Aram da.

Tigidali Nai Gagalama Nigali Side 10:10

Te Nimrotgo hasia bolo tonaluali moni hanu me si me si elaluali, Babel, me Erek, me Akat, me Kalne. Tama te hanu dabe me si me si te Babilonia pedai badu elaluali.

2 Korin 3:16

Tiali goli, bidigo homu Genuai Bidiba ma begelegi pobaso da, teda agai te bidi aga homu mesegaluali ugwa nami dagala sąbo dao.

Polgo Po Pas Rom Dabeba Asęani 11:15

Edao. Godigo te Juda dabe augwali sela sąnama, tama tede agai te tigidali tǫde bidibo bidi selama, tama augwaligo deli homu aga dali pedalabo tų dawai. Te dwagi yai kolesaga dao. Tiali goli, Godigo te Juda dabe augwali ma sabo si, te wiegi yai mu yaibao, te isali bidi aga gų pagede ma hodalobo tiwai yaibao.

Sekaraia 9:2

me Hamat tonalubo sę yaibao, te tǫ pedai Hadrak distrik pąde elaluali. Tama agai te taun Tair me taun Saidon te tonalubao. Te Tair dabe me Saidon dabego augwaligo te kolesaga koneani bidi dabe hauwa elaluali digi goli, te Genuai Bidigo augwali me tonalueibao wai dao.

Sekaraia 5:11

Tama ensel bidigo enabolo te po walali, “Augwali sigo te kantri Babiloniaba sela pelama, tama augwaligo tede genuai lotu be sę yainu te sela pobao. Augwali sigo te basket wa te be tomode muaibao. Tama te Babilonia we bidi dabego te basketba lotu po waibao,” wali.

Sefanaia 2:11

Genuai Bidigo augwali wi dwai mu emainu ilaibao. Te agai te tigidali kantri dabego tibo god dabe olo nai pedelemainu ilaibao. Tama tigidali tǫ we bidi augwali augwa kantride bidiyu, Genuai Bidiba naga lotu po weyu yaibao.

Hosea 1:11

Tama te hani Juda me Israel hani si te ma gesabidi deliba elama, tama te bulu tǫ kantri dedeli naga pedelaibao. Tama augwa polalubo bidi deli naga te nigilaibao, tama augwali te bomai kantri pedelama, tama augwaligo ebo sę tigidali te wiegi yai naga pedelaibao. Augwali te Godigo nigali wiegi yai gi tiwai pedelaibao. Mu tama, Godigo te sę ebo sogo, te genuai side mu yaibao,” wali.

Daniel 11:18

Tama nosali agai te tamu ąį sesegede elalubo bulu tǫ kantri dabeba hwįgi pelama, te agai hauwa bulu tǫ kantri aiyaba elalueibao,” wali. “Tiali goli, te gasa bulu tǫ kantri ofisa me deligo te aga hagoma kolesaga silimainu yaibao, tama te hagoma kolesagago aga digi aga mu dolaibao.

Daniel 8:2

Te nade polo tama ena pelama, te bulu tǫ pedai provins Elamba sabolama, tama ena te genuai taun Susa tomode dolaluali. Te taun te masigigo nigai genuai boma pai obo elaluali. Ena te moni ąį gamia nogi Ulai pąde dolaluai.

Esekiel 30:14

Tama Isip bulu sese tama isi ula silaibao. Tama eno u saut badu te Isip bulude te olo bulu pedalomainu yaibao. Tama taun Soan te not badu te bulu sese tama isi ula silaibao. Tama te boi bidi dabego te taun Tebes bagulali obo aluama, tagalaibao. Tama we bidi hauwa elama, silaibao. Eno taun Pelusium sębę ebao, te da te Isip dabego bomai taun dao, tama eno aga dene genuai menama, tama augwali sęgę me dene genuai mu saibao. Tama eno Memfis dabebolo sęgę sesemane sogo dene mawaibao.

Esekiel 27:6

Tama augwaligo te ni kali te bulu Basande selama, te ąį togobo habesege dabe nigai. Tama augwaligo te sip aiyaba mubo soiyame ni te tobage wiegi yai ni me deli te bulu Saiprusde selama, nigali. Tama augwaligo te genuai kibu nogi elefango genuai kele dabe selama, te sip aiyaba sabo soiyame saidu au ilali.

Jeremaia 49:23

Genuai Bidigo te kantri tǫ Damaskusde po elalubao. Agai te tiwai po wali, “Te taun Damaskus taun si Hamat me Arpat we bidi augwaligo te dwai nai augwaliba pedelabo po odama, te augwali midigi dwai mu yalio. Augwali wi ebaso, te bugagia me dugulalubeo. Augwali te tiwai te nambisde genuai ąį dini asu, te bugagia bidisąbo tiwai ebo dao.

Jeremaia 44:1

Genuai Bidigo po Jeremaiabolo mawai, te agai Isipde bidibo Juda dabeba pusumainogo yai. Augwali te taun Mikdol, me Tapanes, me Memfis, tede bidali, te saut Isip badu me bidai. Jeremaiago te tiwai po wai,

Jeremaia 31:10

“Dage te me badu tǫ kantri hani we bidi dabe, dagego ena Genuai Bidigo poba bugagia olo muao. Tama dagego eno te po te digibulu bidibo we bidiba pusao, te tamu ąį u badu bidibao. Dagego te tiwai po augwaliba wao, ‘Genuai Bidigo te Israel dabe sela sąnama, tedela palali, tiali goli, agai augwali ma odasa asaibao. Te agai augwali bugagia mu tonalu, te tonalubo bidigo aga sipsip dabe tonalubo tiwai ebo dao.’ Te po wao.

Jeremaia 25:25

te tigidali Simri king dabeba, me te tǫkantri Elam, me kantri Midia dabeba mobadi,

Aisaia 45:14

Genuai Bidigo te po wai, “Te Isip tǫ kantrigo mone doado bage tigidali, me te tǫ kantri Sudango doado bage tigidali me, te dage Israelgo saibao. Te boi bidi dabego te tǫ kantri Seba bobobage bidi dabe te kalabus ilama, te augwali dageba tagala palaibao. Tama augwaligo nogo te sen dabego dunama, augwali dage wali asu, te augwali dagego olo sę ebo bidi dabe pedelaibao. Te augwaligo dageba kidu sugunama, tama wi eyu, te tiwai po waibao, ‘Mu tamao, God dage dali bidibao,’ waibao. ‘Aga deli naga te God mu, te gasa god me bidibeo,’ waibao.

Aisaia 42:12

Tama dage te pąde bidibo we bidi dabe, me digibulu bidibo we bidi dabe, dage tigidaligo te Genuai Bidi nogi ugwaba selama, te agaba genuai nogi maiąo.

Aisaia 42:10

Dage tǫde we bidi tigidali, dagego gesi balia po weyu, te Genuai Bidi nogi ugwaba sinao. Dage te sipidu bilibo bidi dabe, me te tamu ąįde bidibo hasa dabe, dagego agai nogi ugwaba siyąo. Dage te digibulu tǫ kantride bidibo we bidi dabe, dagego te gesi balia po waiyąo.

Godigo Nogi Ugwaba Sabo Tęąbi Po Wabo Buku Dabe 68:22

Genuai Bidigo te tama po wali, “Te eno dagego boi bidi dabe te Basande selama, ma odasa asaibao,” wali. “Tagalao te tamu ąi dologode mu bidibo, tede eno augwali ma odasa asaibao,” wai dao.

Tigidali Nai Gagalama Nigali Side 14:1

Te Abram aga te Hebron bulude tama bidalubadi, tama te bidi nogi Kedorlaomer aga te bulu Elam gavman tuni bidi dao. Tama Kedorlaomer gavman tuni bidigo te gasa gavman tuni bidi dabe tonaluali. Tama agai augwali tonalubadi, te kibu be nogo si olama, sągą badu si wai, tama sągą badu sela wagi soabo kibu bede augwaligo te Kedorlaomer gavman tuni bidigo po sela sąwani, te takis mone me mabeo. Te tuni bidi dabe e dao, Bera te hanu Sodom gavman tuni bidi da, tama Birsa te Gomora hanu gavman tuni bidi da, tama Sinap te Atma gavman tuni bidi, me Semeber te Seboim tuni bidi, tama te Bela pedai badu gavman tuni bidi me elaluali, te bulu Bela te gasa nogi me Soar elaluai. Tama te bage augwaligo te tuni bidi Kedorlaomer hagela homu eyu, agai po sela sąwani. Tialima, te nogo si olama, sągągo me si me si wabo kibu bede, te gavman tuni bidi Kedorlaomer tuni bidigo te aga abagi solo gavman tuni bidi sela i wali, Amrafel te Babilonia moni tǫ gavman bidi badi, te Ariok te Elesar tǫ gavman bidi, me Tidal te Goim tǫ gavman bidi dao. Te gavman tuni bidi dabe me si me si te augwa ami hwįbo bidi dabe palima, tama augwaligo te hasia bolo te Refaim hani bage dali, te Asterot Karnaim tede boi hwįnama, tama augwali aiyaba elaluali. Te tudibadu augwaligo te Sus hani te Ham tǫde aiyaba elalubadi, te Emgo ami hani bidi dabe te Kiriataim bulu du elalubo tǫde aiyaba elaluali. Tama te Hor dabe tego ami hani augwali te Seir bulu dude elaluama, tama augwali pobasa pidubadi, te Elparan bulu dolo te bidi meni yai buluba tagaligi palio. Nosali augwali begasa peyu, te Kades tǫba pali. Te Kadesgo poloba nogi da te e tama Enmispat wai. Tama augwaligo boi hwįani, te Amalek dabego tigidali tǫ pedai badu te boi hwįnama, te Amalek dabe aiyaba elaluali. Tama augwaligo te Amor hani dabe dali te bulu Hasason Tamar tede hwįnama, tama augwali aiyaba elaluai dao. Te boi hwįani silama da, teda te Kedorlaomer gavman tuni bidi dali, te aga abagi gavman bidi dabe dali, augwaligo te a naga bulu gavman bidi dabe augwali dali hwįgi pali, te hanu dabe nogi e tama da, Sodom, me Gomora, me Atma, me Seboim, me Bela. Te a naga hanu gavman tuni bidi augwa ami bidi dabe dali, augwali te Sidim tǫ malu odogode deliba sisinani. Tama augwaligo te Kedorlaomer dali, te aga gavman tuni bidi sela bage augwali dali boi hwįainu sisi elaluai. Tama te a naga gavman bidi dabego ami bidi dabego te gavman tuni bidi me si me sigo ami bidi dabe dali boi hwįani.

Esta 10:1

Tuni bidi Serksisgo te aga tonalubo tǫ pedai tigidalide bidali we bidibolo te takis mone mao po weyu, te po mu dąų walali. Te nambis provins dabe dali, te agai tonalubo tǫ tomode mu elaluali provins dabe dali, te tigidali tǫ pedai badu tede te takis mone sabo sę yai dao.

Aisaia 1:9

Ma, Genuai Bidi Tigidali Bomo Elalubo Bidigo da meba bidimainu sula tagalisąma menigi sogo da, mu tama, teda da polo dolama siligi dao, te hanu Sodom de Gomora si dolali yali tiwai gilama, polo dologi dao.

Aisaia 19:21

Tama Genuai Bidigo te Isip dabego aga deli naga te Genuai Bidi dao olama, konemainu tagalaibao. Tama agai tama tibo sogo da, te Isip dabego bugagia mu koneama, agaba lotu po weyu, agaba ofa nai dabe sela peyu yaibao. Tama augwaligo agaba bomo yai pogo dąų olama, tama augwaligo yaibao wali sę dolo tama augwaligo yaibao.

Aisaia 19:22

Te mu tama, Genuai Bidigo Isip dabe dene mawaibao. Tiali goli, agai te ebo kolesagago da, teda augwaligo dwai kolesaga ebo dodolaibao. Tama augwali homu begelama, tama augwali agaba ma paibao. Tama agai augwaligo gedu haluasa po wabo odama, tama augwali bugagia tau saibao.

Aisaia 37:31

Te Juda we bidi dabe, te boi bidi dabego augwali dolisąwani bage, te augwali bugagia bidiyu, te hauwa pedelama, te gide wit waigo pedali tǫ aba munama, tama te nai ge hauwa walobo tiwai yaibao.

Esekiel 29:14

Te augwali asela silama da, teda augwali u badu te saut badu te Isip dabego tǫde bidaibao. Tama Isip bulu te polobadu bomai kantri bidali tiwai ma bidigobeo.

Esekiel 32:24

“Tama kantri Elam me te bulude naga te elalubao, me te ami bidi dabe te boide isali bidi dabego pesage badu te elalubao. Tama te Elam kantri ami bidi dabego gų pagego te kantri Elam bagua sai elalubao. Te boi bidi dabego te ami bidi dabe boide elai dao. Te Elam dabego wiegi yai kolesaga wali me pai menio. Tama me ma, augwali isisąma ebadi da, augwaligo we bidi hauwa wi emainu ilai dao. Tiali goli, augwali megi da, isai bidi dabego buluba bidigi pali. Tama tibaso, augwali hale dwai mu ebao,” wali.

Esekiel 38:8

Nago kibu be hauwa tonaluyu bolo yao. Te Israel hani eno augwali polobadu te haniani gasa tǫ kantri dabeba sela sąwai dao. Tama augwali tede kalabus te kibu be hauwa bididubadi, te augwa page bulu tǫ te dwai dolai elaluai dao. Tiali toli, eno augwali ma odasa aselama, tama augwali Israel bulude elalubo bulu du dabede bugagia te bidibao. Te we bidi augwaligo te augwa kantride nai dabe tigidali bugagia dodolama, tama augwali bugagia dulalubao. Tama te nosali kibu be hauwa silama, tama eno nage te kantriba hwįgi pomainu tagala palaibao.

Daniel 1:2

Godigo te Nebukatnesargo te Jehoiakim me te Juda we bidi hauwa somainu elama, tama te Godigo bede muani wiegi yai nai, te kap, me plet pou dabe meba salio. Tama agai te aga tibo godigo beba digibulu sela pali, te be te tǫ pedai Sinarde elaluali, te Babilon hanude digi dao.

Tigidali Nai Gagalama Nigali Side 2:13

Te si wali ąį nogi me, te augwaligo Gihon nogi yai. Te agai te bulu Kus te hani bagulubo.

Bomai Po 9:29

Hobede mu tama, Genuai Bidi, nago te we bidi naga we bidi mu dao olama, sa muai dao. Tama naga genuai bomogo augwali Isipde oda selama, odasa asai dao. Tama tialima, nago augwali doligio,’ eno te gedu haluasa po tama wali,” Mosesgo te po wai.

Te Israel me Juda Hani Sigo Tuni Bidigo Po Elalubo Buku Si 17:24

Te Asiria king bidigo te taun Babilon we bidi dabe me, me te taun Kuta, tama me te taun Iva we bidi dabe me, tama me te taun Hamat we bidi me, me te taun Sefarvaim we bidi me agai selama, tama te augwali te Samaria bulu taun dabeba odasa pelama, tama te Israel hanigo bulu taunba augwali tatagalo pali. Tama te we bidi augwali te Israel hani we bidigo bulu tǫ selama, mu bidali.

Aisaia 21:2

Eno te sę te God ena mani na me deli dwaide suali. Eno Godigo te po wabo odali, “Te Babilon dabe te ili po olama, geagano bilibo sę eyu, tama gasa we bidi hani dali dwai sę ebo bage dao. Tama augwaligo te kolesaga genuai mu pedalomainu ebo. Tama tibaso, te Elam ami bidi dabe, dagego te Babilon buluba hwįagasao. Tama Midia ami bidi dabe, dagego te hanu bobegela sagasiąo. Eno te Babilon dabego gasa we bidi dabebolo mani sęgę silaibao,” wali.

Aisaia 22:6

Te bulu Elam ami bidi dabego enesigi dali, ene dali si tolasa asaibao. Tama augwali te hwįbo kibu hos, me te hwįbo awa dali tama asaibao. Tama te hanu Kir ami bidi dabe da, augwali te hwįbo sabili dabe dali asaibao.

Aisaia 49:12

Tialima, eno te digibulu bidalubo we bidi dabe, te not badu me, te giliga dega sigulubo badu me, asaibao. Te augwali te taun Aswan badu me asaibao,” wali.

Hosea 11:10

“Te eno ena we bidi dabego boi bidi te i bomonama weyu, te hasa laiongo ga weyu, i wabo tiwai eyu, te eno augwali wi ilaibao. Tama eno we bidi dabego te giliga dega sigulubo badu tagalama, tama didibili ebo dali te polo asesa, ena wali asaibao.

Sekaraia 8:7

Te boi bidi dabego eno we bidi dabe augwali selama, te giliga pedalubo badu me te giliga dega sigulubo badu te tǫ kantri dabeba bidigi palali. Tama eno te we bidi dabe ma sigi pelama, te augwali ma odasa aselama, te augwali Jerusalemba ma bidagasaibao. Te augwali eno we bidi dabe bidalu, te ena augwaligo God bidaibao. Te augwali eno doloba pai kolesagago sesemane sogo tonalueibao,” wali.