Aisaia 11:10 - Godigo dwagi yai po buku

¹⁰ Tama te sogo Genuai Bidigo gesi tuni bidi me sa muaibao, te Jesigo hani bidi me deli dao. Agai te tigidali we bidi deliba ma sisinabo dąį tiwai bidaibao. Augwali te tigidali tǫ pedai kantri tedu augwali agaba asaibao, te Israel hani isąwai bage. Tama agai hanu da, genuai nogi mu elaluaibao.

Aisaia 11:10 Referans Kwoze

Dwagi Yai Gesi Po Lukgo Asęani 2:32

Sole ula deli dao, tego deli te Israel hani isąwai we bidibolo ula ola mawaibao. Tama agai moni nogi te Israel hani we bidi dabebolo mawaibao,” Simeongo Jisasde te po wali.

Aisaia 11:1

Te Jesigo hani te ni bidi dabego gelai ni tane tiwai bididuali. Tiali goli, gesi age te ni tanede ma kolibo tiwai yaibao. Awe, te ni tanedu te gesi ni tigi holama, tama nologo me deligo du walaibao.

Dwagi Yai Gesi Po Jongo Asęani 12:32

Nosali augwaligo ena ni pedaide ugwaba selama, elaibao. Tama te sę ebo sogo eno tigidali tǫde we bidi ena pageba gegasa asaibao,” Jisasgo te po wai.

Matyu 12:21

Tama te gasa hani dabe, te Israel hani isąwai we bidi dabe augwaligo konealubo po agade dąų olama tonalueibao,” te bidi Aisaiago te po polobadu asęnama, tama Jisasgo te po usu nanio.

Matyu 8:11

Eno dagebolo obao, te sia pedalobo badu me, te sia aiyaba dega sigi pabo badu me, te si badu te we bidi hauwa aselama, tama augwali te polobadu e tǫde bidali bidi te Abraham me Aisak me Jekop te bidi dabe dali deliba dualama, tama dagalude te Godigo we bidi tonalubo madi tomode bidiyu moni nai tueibao.

Godigo Sęba Tagala Palai Bidigo Po 11:18

Te Jisasgo po wali pabo Juda bidi dabe augwaligo Pitago wali po odama, tama augwaligo wado po wabo tagalali. Tama augwaligo Godigo nogi ugwaba siyu, te po wai, “E, Godigo te sunumi dawai, te Israel bidi hani isąwai bidi dabe augwali me homu begelama, bugagia bidimainu yali,” te po wali.

Kraisgo Geme Dualali Sę Pedelabo Po Jonbolo Ola Mani 22:16

“Ena Jisas, eno digi eno mobo bidi dageba tagala palai, tama agai te eno po wali pabo we bidi hani dagebolo e po pusumainogo yai. Ena digi ena te polobadu bidai bidi Devit aga hani bidi wąį dao. Tama te kigamu mu pedalobo te genuai hǫ te ena dao,” agai te po wai.

Hagai 2:9

Te eno gesi be wiegi wiegi yai mu pedelaibao, tama teyu te bego te polobadu be aiyaba elaluaibao. Tama te bulu pesagede da haliga dua tegaluama bugagia bidibo kolesaga menama, tama eno te umabo dwagi yai nai dabe te eno hani we bidi dabebolo mawaibao,” wali. “Ena God, Genuai Bidi, Tigidali Bomo Elalubo Bidi, eno mu po walio,” wali.

Aisaia 49:22

God, Genuai Bidigo te taun Jerusalemba te tiwai po wali, “Eno te dąį me deli dodolama, te eno nogo me, te dąį me deli tiwai ugwaba siyu, te gasa tǫ kantri Israel hani isąwai we bidi dabego sulama, te nago wai dabe ma sela asomainu yaibao. Te nago wai dabe te augwa nagede auwasa, tama sela asaibao wali.

Godigo Nogi Ugwaba Sabo Tęąbi Po Wabo Buku Dabe 91:1

Bidi te Ugwade Mu Bidibo Godiba pelama, te agai aga tonalumainu yali, aga te Tigidali Bomo Elalubo God pąde bidiyu, tama agai aga mesegalubo dao.

Aisaia 60:3

Te Israel hani isąwai we bidi dabego nago te ula sulama, te augwali nageba asaibao. Te king dabego me nago te bomai ula sulama, te augwali hogodama asaibao,” wali.

Tigidali Nai Gagalama Nigali Side 49:10

Agai te tuni bidigo dono tulama, tama aga sągą sawali si tomoba muani. Tama tede mu elaluaibao, te gasa bidigo te bomo sogobeo. Teda agai te bomo tolaluyu, tama te bomo aga aya mu pedelama, tama te tigidali hani bidi dabe tonalubo teba mu usu naibao.

1 Pita 5:10

Tama dagego te sęgę osogo tolama, tama God aga digi agai dage sese bugagia ma ilama, tama dage bomo menama, bugagia mu dąų waibao. Te God aga da te tigidali wiegi yai olo tau sabo kolesaga page bidi dao, tama agai dage i wali, te dage Krais wali peyu, te Godigo bomo yai gamonabo ula meba dagego somainogo yali.

Hibru 4:1

Godigo dąų wali po megi me elalubao, tama agai tede te po wai, “Dage eno te toma nabo nigilali te tomoba piagameo.” Tama tibaso da wi me yao. Tiyu Godigo gedude dage tomode me deli te tų geda muyu, tama te toma nabo pesage tomoba pabo usu egobeo waidali weyu, dage dua dao.

Godigo Sęba Tagala Palai Bidigo Po 28:28

“Tama te po dage dolo mu te waliao. Tiali, dagego koneao. Tama Godigo da we bidi sela pabo tų po tama te Israel hani isąwai we bidibolo tolai yali. Tama te po augwaligo mu odaibao,” Pol agai te po wai.

Aisaia 66:19

Te eno augwali tomode te dąį me deli pedalumainu ilaibao.” “Tialima, eno te hani meba, te dolisąwani hani bage, te digibulu tǫ kantri we bidiba tagala palama, te eno genuai nogi me bomo te eno genuai bomo ebo po odisąwani we bidi dabeba pusugi pomainu yaibao. Te augwali eno te hani dabe Tarsis, me Pul dabe, me Lidia, te haniba tagala palaibao, te Lidia bage augwali enesigigo ene enebo mu konea pai bidi dabe mu, te Tubal me Gris dabeba, te digibulu bidalubo gasa we bidiba me tagala palaibao.

Aisaia 60:5

Nago te tebo sulama, te nago gesabidi ula umagia mu yaibao. Te nago hoboludu dali pua pelama, genuai pemene yaibao. Te genuai sipidu wiegi yai nai hauwa nageba sesaibao. Te nago mone hauwa mu te tigidali tǫ kantride saibao.

Aisaia 59:19

Genuai Bidi te genuai wę asobo tiwai eyu, te Genuai Bidigo ponobo sogo te dąų walali wę gisigilama, te wę asesa mu pomainu yaibao. Te tigidali tǫ asesa mu pomainu yaibao. Te tigidali tǫ habu we bidi dabe, te giliga pedalubo badu gagalasa pelama, te giliga degegi paboba usu nigi paibao, te augwaligo Genuai Bidigo bomo me genuai nogi koneama, te aga nogide wi elama, te augwali aga dologoba aselama, bidimainogo yaibao.

Aisaia 28:12

Aga digi aga we bidi te tǫ badu tagalai dao. Tama agai augwalibolo te po wai dao, “Te bulude dage toma tuyu, bugagia dua bidiaganio. Tama te bidi dabe, augwaligo tigi boma pelama, augwaligo tigi hagela pobaso da, augwali hodo doliyu, te bulude dua bidagameo,” wai dao. Tiali goli, augwaligo agai po odobo hagela mu yali.

Aisaia 2:11

Te Genuai Bidi sabalobo sogode da, agai te dene mabo kolesaga elama, augwa nogi ugwa sabo bidi dabe aiyaba elaluaibao. Tama augwali hale mu yaibao. Tama te sogo Genuai Bidi deli naga genuai nogi saibao.

Godigo Nogi Ugwaba Sabo Tęąbi Po Wabo Buku Dabe 149:5

Te Godigo we bidi dabe augwa te edelebaso, te wiegi yai pemene emainao. Tama augwa te nai tuainu sisinibo sogo, augwa te wiegi yai pemene ebo tęąbi wagameo.

Godigo Nogi Ugwaba Sabo Tęąbi Po Wabo Buku Dabe 116:7

Megi da, eno homu dua digi ma tegalubao, magi baso meni, Genuai Bidigo enaba wiegi yai sę mu yalio.

Godigo Nogi Ugwaba Sabo Tęąbi Po Wabo Buku Dabe 91:4

Te agai nage bugagia mesegalu, te kakarukgo aga wai dabe te bogogo mesega sabo tiwai yaibao. Nage te bugagia Genuai Bidigo bogo dologode dualaluaibao, tama agai nage tonalubao. Agai nage tonaluabo po te tibo po me wagobeo. Tama tiyu, nage Genuai Bidi dali bidiyu, te bidi aga te hwįbo sabelede duala sabo tiwai ebo dao.

Jeremaia 6:16

Genuai Bidigo aga we bidi dabeba e tama po wai, “Te dagego mena sunumi wali pabo homu ebaso da, te bugagia homu kone palao. Dagego te duga wąį nǫų dabego wali te wiegi yai sunumi gegao. Te dagego me te sunumi wali pobaso, tama te nai dabego dageba sęgę masiąyu, te duga haliga te toma nomainu ilao,” wali. Tialima, te Israel dabego te po wai, “Dago te sunumi wali me pogobeo,” wali.

Aisaia 14:3

Genuai Bidigo dage Israel dabego dene me dwai sogo silama, tama dage Israel dabe bugagia bidaibao. Te gasa bagego dage aiyaba elaluama, tama augwaligo dage tonaluai dao. Tama dage bomai sę mu yai dao. Tiali goli, te tigidali sęgę dabe sia saibao.

Kraisgo Geme Dualali Sę Pedelabo Po Jonbolo Ola Mani 5:5

Tama tibaso, polalubo tobolu bidi me deli agai enabolo te po wali, “Nage gela wagio. Suao. Bomo elalubo tuni bidi te Juda hanibolo pedalai, aga bomo te moni hudigi ebo kibu laiongo bomo tiwai dao. Te bidi aga polobadu bidai Juda bidi Devitgo wąįgo hanide pedalali bidi. Aga te gelali ni pagede kulubi pedalobo tiwai gilama yai. Tama tiyu, agai te dwai kolesaga ebo aiyaba elalubaso, agai te a naga olama me badu nogo si te dąų wali nai togolama, agai te buku dagawaibao,” te tobolu bidigo enabolo te po wai.

Israel Hanigo Namba 10:33

Te we bidi augwaligo te Genuai Bidigo bulu du taga pali, te Sainai bulu du dao. Augwali sela sogo tama pali. Tama augwaligo Godigo Dąų Wali Bomai Po Munaluali Halobage bolo polasa sela pali, te bidabo pesage nigabo pesage gege peyu pali.

Aisaia 11:12

Te Genuai Bidigo dąį me deli dodolaibao te tigidali tǫ pedai kantri we bidigo sumainogo. Tama agai te Israel me Juda we bidi dabe ma sisinaibao, te boi bidi dabe kalabus elama odasa pali we bidi dabe. Megi augwali tigidali tǫde bida bida pabo. Tiali goli, Genuai Bidigo augwali ma odasa asaibao.

Aisaia 62:10

Dage te megi Jerusalemde bidibo hani dabe, dage tigidaligo taun tagaliąo. Te taun tagalama, sunumi bogoba pelama, te sunumi bugagia dodolao, te duga we bidi dabe ma asobao. Te augwa sunumi bugagia sisilao, te sunumide elalubo masigi dabe sela sąyao. Tama te tigidali tǫ kantride bidibo hani we bidigo suabo plak me deli nide walao.

Sekaraia 6:13

Agai digi eno be sęnama, tama aga genuai nogi mu elaluaibao, te kingo nogi tiwai mu elaluaibao. Tama agai aga we bidi tonaluaibao. Tama te pris aga sia kingde dualaluaibao. Tama agai te prisgo yabo sęde dali te kingo yabo sęde dali si homu nagame elama bidiyu, te sę si bugagia mu yaibao,’ te po Josaiabolo pusao,” Genuai Bidigo enabolo te po wali.

Tuni Bidi Dabego Po Elalubo Buku Deli 2:12

tama Boas te Obetgo aya da, tama Obet te Jesigo aya dao.

Godigo Nogi Ugwaba Sabo Tęąbi Po Wabo Buku Dabe 145:11

Te augwaligo nago genuai nogi te nago tonalubo bulu tigidalide elalubo po weyu, tama nago genuai bomo elalubo po waibao.

Aisaia 2:2

Te me sogo nosali, te Genuai Bidigo be dolalubo te bulu du, te genuai ugwanu ma dolaluyu, tama gasa bulu du dabe aiyaba elaluai elaluaibao. Tama tigidali we bidi hani teba sisinagasaibao.

Aisaia 2:3

Te tigidali bulu badu we bidi hanigo te po waibao, “Asiąo. Da bulu du Saionba pinao, Genuai Bidigo bulu duba. Te Israel dabego Godigo beba pinao. Te agai dabolo dago emaina homu ebo te kolesaga ola momainu. Tama da aga digi sa muani sunumidu pogo o.” Augwaligo te tama po waibao. Magi baso meni, Genuai Bidigo bomai po te bulu du Saionde gagalasa, tama tigidali buluba paibao. Awe, Jerusalem te Genuai Bidi agai bulu elaluama, tama agai po we bidibolo ola mabo digi elaluaibao.

Aisaia 42:4

Te aga haliga sęgę me isiąyu, te sęgęgo aga aiyaba elalumainu me iligobeo. Agai sę bomo elama eyu, agai doloba pai kolesaga ebogo te dwai kolesaga ebo kolesaga aiyaba elaluaibao, te tigidali tǫ habu usu nama bomo elalumainu ilaibao. Te digibulu bulu we bidi dabe te aga tonaluaibao, te agai augwali bugagia dugulalu bidabo kolesaga ola momainu yaibao.”