Aisaia 10:32 - Godigo dwagi yai po buku

³² Megi da, te boi bidi dabe te hanu Nopba polo sabolali. Augwaligo te bulu du Saionba edaba tonagasali. Tama augwaligo nogo sugunani, te hanu Jerusalem dolabo polo no muanio olama, ola mobao.

Aisaia 10:32 Referans Kwoze

1 Samuel 21:1

Devit wi peyu, te taun Nopba sabolama, tama pelama, te pris Ahimelek sugi pali. Tama Ahimelek noma selama, tama aga bedu bulu dia aselama, tama Devitbolo weyu, te po wai, “Magi baso nage nagaduba asaliwe?”

Sekaraia 2:9

Tialima dagego eno we bidi dolobaso da, teda ena digi dage dali hwįaibao. Tama te we bidi polobadu dagego augwali dagego kalabus sę yali da, te augwa digi dage dolaibao,” wali. Tama te sę dabe pedalobo sogo te we bidi tigidaligo e tama koneaibao, Tigidali Bomo Elalubo Genuai Bidi aga digi ena tagala palama, eno agai po pusagasai yabo homu koneaibao.

Aisaia 37:22

Tama tialima, megi da, agai te Senakerip dali po elalubao, te Asiria king dao. Genuai Bidigo te tiwai po wali, ‘Senakerip, te Saion bulu dude bidibo we bidigo nageba gisugu mabo dwai mu eyu, tama te Jerusalem bagego nageba posobo dwai weyu, te nage begela dolobo dao.

Aisaia 19:16

Tama te sogo te bulu Isipgo te tama sęgę tolalubaso da, augwaligo suaibao. Te Tigidali Bomo Elalubo Genuai Bidigo augwali dolainu nogo dolalubo sueibao. Tama augwali te we dabe wi elama, noma sabo tiwai yaibao.

1 Samuel 22:19

Tama Solgo aga ami bidi dabe te Nopba tagala palama, te pris dabego taunba pelama, tama augwaligo te tigidali we bidi ela muai. Augwaligo te tigidali bidi me, we me, ogomani me, te dwasianu augwa idago ame tubo wai dabe me elali, tama te tigidali bulmakau, me sipsip, me donki, te ela muani. Te Solgo ami dabego te augwali mu ela silalio.

Jeremaia 6:23

Augwali te gasa bidide homu dene eyu, olo tau saibao homu ebo bidi dabe me menio. Augwaligo te gasa bidi dabe dolobo godolo homu ebo bidi dabe elalubao. Augwaligo te enesigi me ene tolalubao. Augwa te hosde dugulasa asaibao, tama te hos dabego sągą bada genuai wabo te nambisde genuai tamu ąį gisigi asobo tiwai yaibao. Augwa te lainde wasilama, te nage, Jerusalemba hwįabo sisi elalueibao. Hobede ya!” wali.

Aisaia 13:2

Genuai Bidigo e tama po wali, “Dagego te ni meni yai bulu dude te plak me dodolao. Tama te ami bidi dabego sulama, sisinagasomainao. Teba augwali polo asomainu i wao. Nogo tų elama, te Babilon hanugo sunumi magi yao. Tama augwali te hwįgi pomainu taga palao.

Aisaia 11:15

Genuai Bidigo tamu wę Retsi sula somainu yaibao. Tama agai bomai posolai wali pedalomainu yaibao. Tama te waligo te wę Yufretis sula selama, dwasianu emainu yaibao. Te wę te a naga olama, me badu nogo si wę gamiadu pomainu yaibao. Tama tibaso, we bidigo te wę nogebo usu yaibao. Tama tiali, te sogo te sunumi genuai bage mu yaibao, te we bidi dabe te Asiria tagalama, asela yabo. Te yaide te Genuai Bidigo te Israel dabe Isip tagalama, asomainu sunumi genuai yali tiwai yaibao.

Aisaia 10:24

God, Genuai Bidi Tigidali Bomo Elalubo Bidigo te po wali, “Eno we bidi dage Saionde bidibo, dage te Asiria dabede wi igimio. Augwaligo dage te wąbigo elama, dage dali dwai sę ebadi me tagalao. Te Isip bagego polobadu yali tiwai ebadi goli.

Aisaia 2:2

Te me sogo nosali, te Genuai Bidigo be dolalubo te bulu du, te genuai ugwanu ma dolaluyu, tama gasa bulu du dabe aiyaba elaluai elaluaibao. Tama tigidali we bidi hani teba sisinagasaibao.

Aisaia 1:8

Hobedagia! Jerusalem deli naga augwaligo tagalali. Agaduba deli naga elaluyu, tama bomo mu meni. Aga te bidi dabego olo gi be sę yai ąǫ elalubao, te bobi gide sę yani dwasianu be tiwai naga elalubao. Aga te boi bidi dabe bagua sai hanu ąǫ elalubao.

Nehemia 11:32

Tama meba te taun Anatot, me Nop, me Ananiade bidai,

1 Samuel 22:9

Te sogo te Doek, te Idom bulu bidi, te Solgo ofisa bage dali dolaluali. Tama agai Solba te tiwai wai, “Ena te Nop taunde bidali sogo tama eno suali, Devit te Ahimelek pris bidiboba pali, te Ahitupgo ogwa dao.

Aisaia 10:31

Te bulu Matmena we bidi, me te hanu Gebim we bidi, wi pepelawali, te duala sabo pesage gegegi pali.

Aisaia 16:1

Da te Moap we bidi da, te Idom dabe genuai hanu nogi Selade bidibo bage, dago te kibu sipsip gǫų te Juda dabego tuni bidi pageba Jerusalemba tolinao. Te sipsip kibu te agabolo te takis ma mawainu gagaliyu, ola mabo tiwai eyu, te bidi dabego te sipsip kibu sela pomainao. Augwali te wa pai buludu pelama, tama te Saion bulu duba saboligi paibao.

1 Samuel 21:2

Tama Devitgo te po wai, “Kingo te sę me deli enaba mobaso, tama ena asalio. Tama agai te po wali, te eno gasa bidi dabeba te sęde ena tagala palobaso asaide po me wagobeo. Tama eno ena ami bidi dabebolo waliyu, te ena augwaligo gasa badu deliba sisinaibao wali.

Tuni Bidi Dabego Po Elalubo Buku Si 32:1

Te king Hesekiago Genuai Bidigo po wali pelama, tigidali sę yai nosali badu da, king Senakerip, te Asiria bidi, aga ami dali augwali Juda buluba boi hwįagasali. Te Asiria dabego bomai obo yai taun dabe bagua sagasali. Tama Senakeripgo aga ami dabebolo olama, te boi hwįnama, te taun sainu yao po wali, te agai augwali tonaluainogo.

Tuni Bidi Dabego Po Elalubo Buku Si 32:2

Tama Hesekia agai koneani, me tiali te Senakeripgo Jerusalem dali hwįagasabo homu yali.

Aisaia 29:2

Tiali goli, ena Genuai Bidi, eno te sęgę nageba sela asaibao. Nage eno alta tiwai bidali. Tiali goli, nage gela olama, hwą dwai mu waibao. Tama kaneme nagede pągąna paibao, te bidi dabego te alta saide te hasa dabe elama, te kaneme alta saide pągąbo tiwai yaibao.

Maika 1:9

“Magi baso meni, te Samaria dabego keni pedela sabeo. Tama pąde Juda dabe me te tobage keni saibao,” wali. “Tama Jerusalem digi, te eno we bidi dabego pesage, te dwasianu sogo naga tama te me dolaibao,” wai.