Aisaia 10:29 - Godigo dwagi yai po buku

²⁹ Augwali aiya dulama, wę odogo nogegi pali. Tama augwali ugwaba holama, hanu Gebaba pigi pali. Te Rama hanu we bidi wi genuai mu eyu, midigi sali. Tama te hanu Gibea, te tuni bidi Solgo hanu, augwali hanu tagalama, wi pepelawali.

Aisaia 10:29 Referans Kwoze

1 Samuel 13:23

Te sogo te Filistia dabego te ami hani meba tagala palama, te Mikmas pąde elalubo sunumi bobegela sigi pomainu yali, te bulu du si sau pado tomodu pabo sunumiba no bidigi pomainu, tagala palai dao.

1 Samuel 7:17

Agai te bulu dabede sę silibo si da, teda aga te aga bidali bulu te Rama buluba ma peyu yai. Tama agai te bulude me te po tų odali. Tama te Ramade agai te Genuai Bidigo alta me deli nigai elaluali.

1 Samuel 11:4

Nahasgo te Jabes dabego pode usu da po obaso, tama augwaligo te bidi meba te gasa Israel hani dabeba tagala palai. Te bidi dabe te Sol bidibo madi te Gibeaba sabolama, tama augwaligo te we bidibolo te po pusai. Te Gibea dabego odama, tialima, te augwali gela dwagila mu wai.

Josua 21:17

Te Benjamingo hanigo te hanu me si me si augwaliba mani, Gibeon me Geba,

Hosea 10:9

Tialima, Genuai Bidigo te po wali, “Polobadu te Israel dabego te Gibeade enaba dwai sę yali, tama augwaligo te kolesaga tagalobeo. Tialima, te boi bidi dabego te Israelba hwįagaselama, tama te hwį hwį pali, te Gibeaba usu nigi paibao.

Hosea 9:9

Dagego te dwai kolesaga sesemane sogo ebao, te duga wąį nǫų dabego polobadu te bulu Gibeade yali sę tiwai yai. Tama te Godigo dagego yali dwai sęgę te homu kone paliyu, te agai dageba dwai dene mu mawaibao.

Hosea 5:8

“Dage Gibea, dage Rama, dage Betel, dage Benjamin, te bu wabo nai biugel bu waiąo. Bomonama i wao. Udada peyu, te boi hwiąo.

Jeremaia 31:15

Genuai Bidigo te tiwai po wali, “Genuai gela wabo me, te hobede ebo po me, te Rama taunde pedelaibao. Te we Reselgo aga wai dabe isaide te hobedai gela waibao. Te aga te we bidi dabego wiegi yai haliga penebo aga hagela homu yali, magi baso meni, aga wai dabe tigidali te munu me bidibeo.

Te Israel me Juda Hani Sigo Tuni Bidigo Po Elalubo Buku Deli 15:23

Te king Asago te haniani gasa sę yali po te gasa bukude elalubo, te buku augwaligo e tama nogi wabo da, Juda Hani Dabego King Bidi Dabe Po Elalubo Buku Da wabo dao. Te bukude elalubo po te king bidi Asago agai te bomai sę yali po me, me te agai te gasa sę me, te taun masigigo nigai obo dąų walobo sę yali po dabe me elalubo buku da. Tialima, te king Asa aga monu dabe ebo sogo, tama aga sągąde te dwai gasi me deli pedelali.

1 Samuel 15:34

Tama nosali Samuel te Ramaba ma geasa peyu, tama te king Sol aga be te Gibeaba palio.

1 Samuel 14:4

Jonatan dali, te aga hwįbo nai tolasa bilibo bidi dali, augwali si te Filistia dabego bidalubo pesageba pabo sunumi wali pali, tama augwali si te bulu du sau pado te tomodu pabo sunumi teba pedelali. Te pedai badu te moni masigi dolalubo pesage elaluali, me me badu elalu, me me badu elalu yali. Me masigi elalubo pesage nogi augwaligo te Boses nogi yali, tama gasa me masigi elalubo pesage augwaligo te Sene nogi yai.

1 Samuel 13:16

Tialima, Sol dali, Jonatan dali, te augwa si ami bidi me pelama, te Geba tǫ te Benjamingo tǫ badu bidigi pali. Tama te Filistia dabe augwa bidibo madi te Mikmasde bidaluai.

1 Samuel 13:2

Te Sol king bidi pedelama bidali sogo, te Israel dabe deli madi sisinaluali, tama Solgo te Israel bidi dabe te bidi sese umabo, te 3,000 bidi, te ami bidi nigilama, tama gasa bidi dabe te augwa buluba ma tagala palali. Agai te ami bidi dabede te bidi sese umabo, te 2,000 ami bidi te agai selama, tama augwali aga dali te bulu Mikmas te Betel bagego bulu dude bidaluai. Tama agai te 1,000 ami bidi te Jonatan dali tagala palali, te aga ogwa, tama augwali pelama, te Gibea tǫ te Benjamingo hanigo tǫ tomoba bidigi pali.

1 Samuel 10:26

Tama Sol aga bulu Gibeaba ma pali. Tiali goli, Godigo te bomai bidi meba homu hodolama, tama augwali te Sol dali pelawali.

1 Samuel 14:2

Te sogo Solgo ugwa be te ni pomigranet dologode sę yani, te Mikron bulu, te Gibea tǫ pąde, tama te ami bidi dabe te 600 te aga dali te Mikronde bidai.

1 Samuel 14:5

Te masigi elalubo pesage me deli te not pedai badu te Mikmas sunumi elalubo badu, tama gasa masigi me te Geba tǫ pedai badu elaluali.