Aisaia 10:28 - Godigo dwagi yai po buku

²⁸ Te boi bidi dabe bolo hanu Aiba sabolagasali. Augwali te hanu Miklondu sa asali. Tama augwaligo nai dabe meba te hanu Mikmasde osogo muani.

Aisaia 10:28 Referans Kwoze

1 Samuel 14:2

Te sogo Solgo ugwa be te ni pomigranet dologode sę yani, te Mikron bulu, te Gibea tǫ pąde, tama te ami bidi dabe te 600 te aga dali te Mikronde bidai.

1 Samuel 13:2

Te Sol king bidi pedelama bidali sogo, te Israel dabe deli madi sisinaluali, tama Solgo te Israel bidi dabe te bidi sese umabo, te 3,000 bidi, te ami bidi nigilama, tama gasa bidi dabe te augwa buluba ma tagala palali. Agai te ami bidi dabede te bidi sese umabo, te 2,000 ami bidi te agai selama, tama augwali aga dali te bulu Mikmas te Betel bagego bulu dude bidaluai. Tama agai te 1,000 ami bidi te Jonatan dali tagala palali, te aga ogwa, tama augwali pelama, te Gibea tǫ te Benjamingo hanigo tǫ tomoba bidigi pali.

1 Samuel 13:5

Tama te sogo te Filistia dabe hauwa sisinagaselama, te Israel dabe dali hwįainu yali. Augwaligo boi hwįabo karis te bidi sese umabo mu, te 3,000 elaluali, tama te ami bidi 6,000 te hosde duayabo elaluai, tama tǫdu pabo ami bidi umabo mu, te nambisde masigi sane kemi tiwai elaluai. Te ami bidi dabe te Mikmas, te giliga pedalubo pedai badu, te Betaven te badu pelama, tede te augwa bidabo pesage nigilama bidai.

Nehemia 11:31

Te Benjamin we bidi hani meba te Geba taun, me Mikmas, me Aija, me Betel, tede bidali, me te Betel taun pąde elalubo bulu dabede bidai.

1 Samuel 17:22

Devitgo te nai dabe te walu tonalubo ofisa bidi dabeba menama, tama aga te ami dabe bidibo madiba udulama, tama aga ama dede dali po miani.

1 Samuel 14:31

Te sogode te Israel dabego te Filistia dabe dali hwįani, te Mikmas bulude gagalama, tama pelama, te taun Aijalonba usu nigi pali. Tama tiyu, te Israel dabe nasi mu dwai eyu, tama bomo meni yai.

1 Samuel 14:5

Te masigi elalubo pesage me deli te not pedai badu te Mikmas sunumi elalubo badu, tama gasa masigi me te Geba tǫ pedai badu elaluali.

Te Israel Tobolu Bidi Dabe 18:21

Tialima, tigidali bidi ma geasa pali. Tama te wai dabe me, te bulmakau dabe me, te doado bage me, te augwali polasa pali.

Josua 7:2

Josua te Jerikode bidiyu, tama bidi meba te bulu nogi Ai teba tagala palai, te hanu me deli te giliga pedalubo badu te Betel badu, te Betaven pąde elaluai. Agai augwalibolo te hanu susa biligi pao po wai. Tialima, te bidi dabe augwali pelama, tama tiwai igi pai.

1 Samuel 13:23

Te sogo te Filistia dabego te ami hani meba tagala palama, te Mikmas pąde elalubo sunumi bobegela sigi pomainu yali, te bulu du si sau pado tomodu pabo sunumiba no bidigi pomainu, tagala palai dao.

Maika 1:9

“Magi baso meni, te Samaria dabego keni pedela sabeo. Tama pąde Juda dabe me te tobage keni saibao,” wali. “Tama Jerusalem digi, te eno we bidi dabego pesage, te dwasianu sogo naga tama te me dolaibao,” wai.