Aisaia 10:27 - Godigo dwagi yai po buku

²⁷ Megi da, dage te Asiria dabego dage tonaluyu, te kau kibu magede ni name munama, tama sę emainu selebo tiwai te ebao. Tama te Asiria dabe bugagia dualalubao. Tama augwaligo te ebo kolesagago ena sębę te ilibao. Tama tibaso, te eno bodolu muani sogode da, te eno te Asiria dabego bomo silama ebode da, te bagego dage sęgę ma mayu egobeo. Awe, dage te boma pai hani pedalubaso, dagego te tolobo sęgę mu tagalaibao.”

Aisaia 10:27 Referans Kwoze

Aisaia 9:4

Te we bidi dabe wiegi yai homu yali. Magi baso meni. Nago augwaligo boi bidi dabego bomo polo toga sąyai da weyu, te polobadu nago Midian hanigo bomo toga sąyani yali gilama. Te boi bidi dabego naga we bidi tonaluama, tama augwali genuai sęgę tolalumainu yai dao, te bidigo sęga pai ni name kau kibu dogoniba munama, tama te kau kibugo sę emainu wąbi dagego elama, tonalubo tiwai yai dao. Tiali goli, nago te ni name dabe, me te wąbi dage dabe, nago polo toga sąyai dao. Te boi bidi dabego nai tama, te boi bidi dabego nago we bidi dabe dali dwai sę megi me egobeo. Te boi bidi dabego gudama, hwįgi pabo nai dabe sese isigo dela silaibao. Te augwaligo moni su dabe, me hwįyu gudubo ugwa te bidi kaneme dagana sali, te isigo delama, silaibao. Te tigidali sęgę dabe sese silaibao. Tama wiegi yai sogo ma asaibao.

Dwagi Yai Gesi Po Lukgo Asęani 4:18

“Genuai Bidigo Mobo Bidi ena dali bidibao. Agai dwagi yai po eno te nai meni yai we bidibolo ola momainu ena sa muai dao. Agai ena tama po pupusu bilimainu tagala palai dao, ‘Dage kalabus yali bage kalabus tagala piąo. Gedu widai bage, dage duga gedugo ma sueibao.’ Kalabus sęgo tabibo bage augwaligo sę togolomainu agai ena tagala palai dao.

Aisaia 14:25

Te Asiria dabe eno tǫba aselama, tama eno we bidi sęgę tolomainu yaibao. Te Israel dabe te bulmakau kibu tiwai bidibao. Te bidigo sęgai ni name magede munama, tama sę emainu tonalubo tiwai yaibao. Tiali goli, te Asiria dabe Israel dabego bulu dude dabe bidibadi yaide, teda eno augwali agalama, mimieibao. Tama te genuai sęgę Israel dabego tolali, te sęgę dabe sese mu tama silaibao,” wali.

Godigo Nogi Ugwaba Sabo Tęąbi Po Wabo Buku Dabe 105:15

Agai te po wali, “Eno te we bidi augwali dąį muai, augwaligo eno sę emainogo. Dagego dwai sę augwali dali me elamo dao,” wai. “Tama dagego eno po pusubo bidi augwali dologio. Mu menio,” wai.

1 Jon 2:20

Dage, te dagebolo te Tedali Bidi Kraisgo te Godigo Mobo Bidi olo mani. Tama tibaso, dage tigidaligo te mu po koneai dao.

Godigo Nogi Ugwaba Sabo Tęąbi Po Wabo Buku Dabe 45:7

Nago te doloba pai kolesaga wei eyu, tama nago te dwai kolesaga te wei isiąyu, hagela mu ebo dao. Tama tibaso, naga Godigo digi, agai te nage sa muyu, tama agai nago nogi ugwaba mu muyu, tama nago nogi te gasa king dabego nogi aiyaba elalubo dao.

Godigo Nogi Ugwaba Sabo Tęąbi Po Wabo Buku Dabe 20:6

Megi da, eno koneanio, Genuai Bidigo ena tau sabo da, te king aga digi sa muani. Aga te aga wiegi yai tedali bulu dagalude bidibao, tama agai eno gedu haluasa po wabo odobo dao. Te agai bomode digi agai ena tau selama, tama eno hwįbo side te eno augwali aiyaba mu elalubo dao.

1 Jon 2:27

Tialima dagede, dage Kraisgo aga Mobo Bidi olo mayu tama aga dage dali me bidibao. Tama aga Mobo Bidi dage dali bidibadi, te sogo dage te po ola mabo bidi dage dali me sǫą pabeo. Dagego te gasa po ola mabo bidi dabe sabo homu egio. Menio. Mobo Bidi agai dage tigidali kolesaga ola mabo dao. Tama te Mobogo mu po tama naga wabo dao. Agai tibo po me wabeo. Agai tama tibaso, dagego agai po wali peyu tama Krais dali wadoloyu bidiąo.

2 Samuel 1:21

“Te dago bomai ami bidi dabe te Gilboa bulu dude isalio. Tama te hwįani sabele dabe te bulu du dabede olo munalubo. Tama te Solgo sabele me te olo munalu, tama augwaligo me mubeo. Tama tibaso, eno homugo te hulide tulubo tulubage segeni wę, me tulubage te bulu duba munu ma tulumainu me egobeo. Tama nai me te tǫde munu ma pedalumainu me egobeo.”

Godigo Nogi Ugwaba Sabo Tęąbi Po Wabo Buku Dabe 84:9

God, nago dago kingba wiegi yai sę yao. Naga digi aga sa mubaso, tama aga te king bidibao.

Godigo Sęba Tagala Palai Bidigo Po 4:27

Tama te Devitgo polobadu wali po yaligia, augwaligo te sę tamadi yali. Te genuai bidi si, Herot dali, Pontias Pailat dali, e buluba sisinagasali, te gasa bidi hani me, te Israel we bidi me. Augwaligo Jisas dali hwįabo homu yali, te nago dwagi yai tedali sę bidi, te bidi nago polobadu sa muai bidi.

Aisaia 37:35

Eno tama tiaibao, magi baso meni, eno ena genuai nogi homu kone palama, te polobadu eno dąų wabo po ena sę bidi Devit dali wali po koneyu, tama tiaibao,’ wali.”

Godigo Nogi Ugwaba Sabo Tęąbi Po Wabo Buku Dabe 132:10

Genuai Bidi, nago te naga sę bidi Devitba te bomai po me deli dąų walali elalubao. Tama tiyu, nago te naga sa muani king te tudiba me mugio.

Godigo Nogi Ugwaba Sabo Tęąbi Po Wabo Buku Dabe 2:6

Tama te agai augwaliba te tama po obao, “Ena eno te bidi me deli nigilama, te king bidimainu yai, tama eno aga te Saionde munama bidimainu yali, te eno tedali gasagi yai wiegi yai bulu du dao,” agai te po obao.

Dwagi Yai Gesi Po Jongo Asęani 1:41

Tama polo agai aga ama Saimon gegegi pai, tama agabolo te po wali, “Dago te Mesaia bidi suali,” Andrugo aga ama Saimonbolo te po wai. (Dago te nogi Mesaia wali begelama, tama te nogi poai Krais dao, Godigo sa muyu asaiba wali bidi dao.)

Godigo Nogi Ugwaba Sabo Tęąbi Po Wabo Buku Dabe 81:6

Eno te bidi me deligo dogonide po odolama, tama te dego dogoni te eno konesiąwai. Agai te tama po wali, “Eno te dagego nagede elaluali sęgę tigidali tega sąwanio,” wali. “Tama eno dagego te sę ebo basket dabe te tǫba mumainu yai dao.

Aisaia 30:23

Tama Godigo tulubage te dagego bulali nai wai dabeba mawaibao. Tama te węgo dagego nai wai dabe bugagia mu holaibao. Tama dagego nai dabe hauwa mu elaluaibao. Tama te sogo dagego kau kibu dabego tuabo nosai dabe hauwa me elaluaibao.

Aisaia 52:2

Hobede ya, Jerusalem, tiali te nage hogodama, te nago tigide tǫ sela sąyao. Awe, Saion hanu, te nago dogonide kęnani sen peda sąnama, te naga sia kingba duagi soao.

Aisaia 55:2

Magi baso dagego te duga mone te dage tau sisąyabo nai dabede odolali silama, te dage nai sili bidaiwe? Magi baso dagego te tubo nai sabo sę dene elama, tama tede sabo monego magi baso te dwai olo nai naga abelebo dawe? Te eno poba bugagia olo muao, te eno wabo po tiwai gilama yao, te dagede eno mabo haniani nai mu pągąnalueibao. Awe, dagego homugo tede wiegi yai pemene mu yaibao.”

Esekiel 30:18

Te Isip dabe augwa bomode augwali gana peyu yai da. Tiali goli, eno augwaligo bomo sese silimainu yaibao. Tama te sogo naga te taun Tapanesde hulia saibao. Tama genuai pǫgo te Isip bulu tigidali tama mesega saibao. Tama te boi bidi dabego te Isip bulude tigidali taunde we bidi dabe selama, tama augwali gasa kantriba kalabus igi peyu, odasa paibao.

Pris Sę Ebo Bomai Po 7:35

Te hasa pedai dage Genuai Bidigo digi sali, te dage we bidi dabego agaba ofa ebo nai dao. Te Genuai Bidigo te hasa pedai dage te Aron aga ogomani dabe daliba dąį ilama, te side agai augwali te pris sęba munama bidai dao.

Jeremaia 30:8

Ena Tigidali Bomo Elalubo Genuai Bidigo, eno te po obao, te eno te boi bidi dabego te Israel dabe mageba domonani ni nami pedai alua sąnama, te eno augwali kalabus elaluali silimainogo yaibao. Tama augwali te gasa hani dabego olo sę ebo bidi bidali tiwai munu ma me bidigobeo. Menio.