Biblia Todo Logo
Bib sou entènèt

- Piblisite -




Aisaia 10:21 - Godigo dwagi yai po buku

21 Tama te dwasianu Israel we bidi bidibo dabe augwali te God Tigidali Bomo Elalubo Bidi pageba ma asaibao.

Gade chapit la Kopi




Aisaia 10:21
17 Referans Kwoze  

Magi baso meni. Ogwa me ame neyu, daba polo sabolali. Te wai me deli Godigo dabolo mani. Aga dago tuni bidi bidaibao. Tama agai tama nogi dabe elaluaibao, te Dwagi Yai Kolesaga Mu Mabo Bidi dao, tama God Tigidali Bom o Elalubo Bidi, tama Tigidali Sogo Bida Bida Pidu Bidibo Aya, tama Bugagia Bidibo Page Sela Mayu, me Tabi Nagame Ilibo Tuni Bidi. Agai te tobage nogi dabe elaluaibao.


Tama hasia bolo eno te Damaskus we bidi pageba pali. Eno augwalibolo te po tama pusa mani, ‘Dagego dwai kolesaga ebo sę tudiba sąnama, dage God pageba asao. Tama dagego dwagi yai kolesaga ebo tigidali we bidi augwaligo sulama, dwai kolesaga tudiba sąyani konemainao,’ wali. Tama eno te po Jerusalem we bidibolo me, te Judia tǫ tomode bidibo we bidi tigidalibolo me, te Israel hani isąwai we bidibolo me, eno te po tama augwalibolo pusali.


Te Israel dabe, dage te Godiba ma asiąo, te duga Genuai Bidi dao, magi baso meni, te duga dwai sęgęgo dage tulalumainu yali dao.


Ena da te Ugwadu Mu Bidibo God mu dao. Te sęgę pedalubo sogo te augwali enaba aselama, te eno augwali tau somainu ebeo. Menio. Augwa te bomo meni yai nai dabeba naga pali. Augwali te dwai enego te nai enani geda mubo tiwai yali. Te augwa polalubo tobolu bidi dabego te augwa bomogo digi te boi bidi aiyaba elalueibao tiwai po wai. Tiali goli, te menio. Te hwįbo side augwali isibaso, te Isip dabego augwali dwai gisugu mawaibao,” Genuai Bidigo te po wai dao.


Te Israel dabe augwa hagoma ebo kolesagago digi augwa po tų ilali, tiali goli te augwa homu begelama, te augwa Genuai Bidi, God enaba ma asobeo. Mu tama, augwaligo ena kegasa asobeo.


Te Israel we bidi dabe augwaligo te e tama po wai, “Iya, tegoba, da te Genuai Bidiba ma pinao. Agai da dolali, tiali goli, te agai da bugagia wiegi yai ma ilaibao. Agai da elama, te keni pedelali, tiali goli, te keni agai ma pedela somainu yaibao.


Te dwai kolesaga ebo we bidi dabego te augwa ebo dwai kolesaga tagalama, tama augwa te kolesaga me yabo homu kone me paligio. Te augwali augwa Genuai Bidiba ma asiąo. Agai te agaba ma asobo bidi dabeba te olo mu tau mabo wiegi yai kolesaga umabo mu yaibao. Awe, Godigo augwaligo dwai sęgę tigidali mu sela sąwaibao.


Te mu tama, Genuai Bidigo Isip dabe dene mawaibao. Tiali goli, agai te ebo kolesagago da, teda augwaligo dwai kolesaga ebo dodolaibao. Tama augwali homu begelama, tama augwali agaba ma paibao. Tama agai augwaligo gedu haluasa po wabo odama, tama augwali bugagia tau saibao.


Te Israel we bidi homu begelebeo. Genuai Bidi Tigidali Bomo Elalubo Bidigo augwali dene mani. Tiali goli, augwali agaba ma asobeo.


Tama Genuai Bidigo Aisaiabolo te po walali, “Naga ogwa Searjasup oda selama, tuni bidi Ahas sugi pao. Dage te wę sabo wę gamia Jerusalem ugwa badu piąo. Tama dage sigo te tuni bidi te name ugwa wę telabo pesageba pabo genuai sunumide te tuni bidi tiąba pao.


“Tialima, dage dwasianu Israel te bidibo hani, dage te Jekopgo hani, dage hani eno selama, te bugagia negeyu tonaluali, te dage gesi hani we bidi pedelali sogo gagalasa, tama tiali, dagego odao.


Te Juda we bidi dabe, te boi bidi dabego augwali dolisąwani bage, te augwali bugagia bidiyu, te hauwa pedelama, te gide wit waigo pedali tǫ aba munama, tama te nai ge hauwa walobo tiwai yaibao.


Genuai Bidigo te po wai, “Ena te dage posolalu, te dage tau sabo God, ena te Jerusalemba aselama, te tigidali we bidi te Jekopgo hani te augwa dwai kolesaga ebo tagalali bage ma sagasaibao.


“Te ena Genuai Bidi, eno te po obao, te sogo eno te dwasianu hani Israelgo sęgę sela sąyu, te augwali bugagia bidimainogo yaibao. Tama me, eno te Judago yali dwai sę sese sela sąwaibao. Tama te dwai sęgę ma dwai sę te augwalide me elalugobeo. Te bidi dabego augwali hani siba po kisilama obaso da, te usu me egobeo,” Genuai Bidigo te po wai.


Swiv nou:

Piblisite


Piblisite