Aisaia 1:9 - Godigo dwagi yai po buku

⁹ Ma, Genuai Bidi Tigidali Bomo Elalubo Bidigo da meba bidimainu sula tagalisąma menigi sogo da, mu tama, teda da polo dolama siligi dao, te hanu Sodom de Gomora si dolali yali tiwai gilama, polo dologi dao.

Aisaia 1:9 Referans Kwoze

Polgo Po Pas Rom Dabeba Asęani 9:29

Tama polobadu Aisaiago te po olama po wai tiwai. Agai te po wai, “Te tigidali bomo elalubo Genuai Bidi agai te dago dwasianu hani bidimainogo egi menigi sogo da, teda da mu doloyu, te bulu si nogi Sodom dali Gomora dali si tiwai pedalama, tama da mu dolai bidigi dao.” Aisaiago te po asęani.

Tigidali Nai Gagalama Nigali Side 19:24

Tama Yawego digi te posolo yai masigi, me te sia dali te Sodom de Gomora hanu siba te dagaludu aiyaba tula palali.

Te We Bidi Dabego Jerusalem Hagede Gela Wali 3:22

Tigidali sogo Genuai Bidigo da homu dene eyu, tau sabo sę elama, tama agai daba homugo kęą peyu, da godolo mu ebo dao. Tama agai te kolesaga munu me siligobeo.

Amos 4:11

Te Genuai Bidigo te po wai, “Eno dage meba dolali, eno te taun si Sodom me Gomora dolali tiwai yali. Me ma, te dage me bidalubo hani, dage te isi dage me te isigo uludubo tiwai ebadi, tialima bidi dabego te iside sela sąwai. Tiali goli, dage enaba ma geasa me asobeo. Mu menio. Tama tibaso, eno dage Israel dabeba dwai dene mabo sę yaibao. Eno te tama tiaibao, tialima dage eno po tųba sabolabo sisi elaluao, dagego God da. Ena Genuai Bidi, eno te po wai dao.”

Aisaia 37:4

Te Asiria kingo aga ofisa tagala palama, te dago God Genuai Bidiba dwai po wagasomainu yalio, aga te sesemane sogo bidada pabo God dao. Dago homugo Genuai Bidigo te dwai posobo po dabe odama, tama agai te dwai po dabe pusagasali bidi dabeba te dwai dene ilaibao. Tama tiyu, dago homugo nago te Godiba gedu haluasa po weyu, te agai da dwasianu bidalubo hani bidi tau somainao,” po wali.

Aisaia 24:13

Te tobage dwai sę naga te tigidali tǫde we bidide pedalaibao. Tama dwasianu we bidi hani mu naga bidaibao. Te ni oliv du te bidigo sela silaide te deli deli walalua pabo tiwai elaluaibao. Me te ni wain du te bidigo siyu, deli deli tagalai te elalubo tiwai yaibao.

Aisaia 17:6

Te we bidi deli deli naga me elaluaibao, te ni oliv du bidigo wąbi dagego elama, tama sai digi te nedu du deli deli ni abude walalubo, me si sela te nologode dabe walalubo tiwai yaibao, te hauwa bidigo siyu tagalai dabe. Ena Genuai Bidi, Israel dabego God, eno po polo wai dao,” wali.

Aisaia 6:13

Tama ma dwasianu we bidi hani te tǫde me bidibaso da, augwali me silaibao. Tiali goli, tagala, te bulude we bidi meni baso me, te nosali ena we bidi me ma pedalaibao, te ni age te bidigo polo gelai ni tanede age ma dalasa holobo tiwai ma yaibao,” wali.

Tigidali Nai Gagalama Nigali Side 18:32

Tama Abrahamgo te po wali, “Genuai Bidio, nago wado po olamuo. Eno po me deli ma simaniyu obao. Te nogo si doloba pai bidi naga bidibaso da, magi yaibawe?” Tama Yawego te po wai, “Te doloba pai nogo si bidi bidibaso da, teda augwali tobade eno te hanu me dologobeo.”

Polgo Po Pas Rom Dabeba Asęani 9:27

Tama te gasa polobadu Godigo po pusali bidi Aisaiago te Israel hanide po olama tama te tiwai i wali, “Tama te Israel dabe augwaligo hani nedebo namba te ąį sanede elalubo masigi kemi tiwai pedalubaso da, tagalao, teda Godigo augwali meba naga dią selama, tama dwasianu hani naga ma dobola saibao.

Matyu 7:14

Tama te dwasianu sunumi tomodu pelama, tama te dwasianu tųdu peyu, tama te bidibo ula elalubo madigi painogo te sinabo sę ebo dao. Tama deli deli we bidigo naga te tų gegelama subo dao,” Jisasgo te po wai.

Sefanaia 2:9

Mu tamao, ena Tigidali Bomo Elalubo Genuai Bidi ena bidalubao. Ena Israel dabego God, eno mu po weyu, te dąų obao. Te Moap dabe, me Amon dabe, augwali te taun Sodom de Gomora si dolali tiwai tama yaibao. Tama hae naga holama, tama augwaligo tǫ mesega saibao. Tama tamu sabo dedage dabe naga pedelama, tama te bulu dolama, te tama elaluaibao. Eno hani augwali me bidali da, te bidi dabe augwaligo augwali dali hwįnama, tama augwaligo nai dabe kegelama saibao, tama augwaligo tǫ me saibao,” te po wai.

Habakuk 3:2

Genuai Bidio, te nago bomogo yali sęde po eno odolama, te ena noma siyu, nage dologode bidabo homu ebao. Te polobadu nago yali genuai genuai sę dabe, eno homugo nago te tiwai bomai sę dabe te nago da megi bidibo sogo ma emainu homu ebao, te megi e sogo bidibo bidi dabe augwaligo nago te tebo sę ebo kolesaga sulama konemainao. Mu tama, nago dade sębę ebo page elalubao, tiali goli, nago te hobede ebo God da, te eno nagebolo hanalubo, te nago da hobede elama, tama da tau sao.

Joel 2:32

Tialima, niwai we bidi te augwali tau somainu enaba hanalubaso, teda te eno augwali tigidali ma saibao,” wali. “Ena Genuai Bidi da, eno te sęde te tiwai po walio, te Jerusalemde bidibo we bidi meba te me hagagobeo. Te we bidi dabe ena digi te sa munama dąį ilali, te augwali bugagia bidaibao wai dao,” wali.

Esekiel 6:8

“Tiali goli, te boi bidi dabego te we bidi tigidali ela mumainogo me egobeo. Me badu we bidi bidalubadi, te eno gasa tǫ kantriba ela gudulama, tedela palaibao.

Te We Bidi Dabego Jerusalem Hagede Gela Wali 4:6

Te Jerusalem dabe, eno we bidi, augwaligo dwai sę yalide sali sęgęgo te Sodom we bidigo sęgę edelalio. Tama tibaso, Genuai Bidigo Jerusalem dabebolo dene genuai mu te mani dao. Tiali goli, Genuai Bidigo te Sodom dabe dolali sogo da, te taun agai deli sogo mu tama te taun dolai dao. Tama te boi bidi dabego megi te Jerusalem dabe dali ebo tiwai te Sodom dabe dali yai menio.

Te Israel me Juda Hani Sigo Tuni Bidigo Po Elalubo Buku Deli 19:18

Tiali goli, te eno bidi sese umabo, 7,000 we bidi, te Israelde bidimainu hageai dao. Te augwali enaba naga wali pabo we bidi da, te augwaligo te tibo god Balba kidu sugunisąma, te agai piksa noma dabeba nono nisąma, te agaba lotu po me wasiąyani we bidi dao,” Genuai Bidigo te po wai.

Bomai Po 29:23

Te gi dabe dola silama, dwai olo elaluaibao. Tama te tamu me dwai pauda nai salfa, te ni me nosai isilibo nai si te gide pągąna paibao, tama dagego nai me bulabo usu me egobeo. Tama te nosai dabe me te tǫde me hologobeo. Tama tialima, dagego bulu te Sodom de Gomora si tiwai tama yaibao, te Atma de Seboim hanu si tiwai me. Te hanu dabe Genuai Bidigo polobadu dolai dao, te agai wado elama, tama agai sębę dwai mu yali sogo.

2 Pita 2:6

Tama agai te Sodom dali Gomora dali si me dene ilai. Te genuai hanu si Godigo siago ulai, tama te keli naga elaluai dao. Agai te hanu sigo yali dwai kolesaga wei ponama tama te hanu si tigidali mu dolai. Tama nosali, te Godigo po tudiba mubo bidi dabe, augwaligo te polobadu yali po tų konemainao. Te po tų nosali augwaliba pedalabo te piksa noma waseliyu yali dao.

Esekiel 14:22

“Tialima, te sogo te dolisąwani Jerusalem bage meba, te boi bidi dabego augwali te dage bidibo buluba odasa asaibao. Tama augwali dage dali bidibo sogo, te dagego augwaligo dwai kolesaga ebo bugagia osola suao. Te dagego augwalide hobede me egobeo. Menio. Te dagego koneama, te Jerusalem augwaligo kolesaga dwai mu ebaso, te eno augwali dolai yabo, te homu dagego yaibao,” wai dao.

Tigidali Nai Gagalama Nigali Side 18:26

Tama Yawego te tiwai po wei ponai, “Te eno te 50 wiegi yai bidi te Sodom hanude bidibo subaso da, teda augwali tobade eno te tigidali we bidi bidimainu sula tagaliyu, tama te wiegi yai bidi dabe hagaidali weyu tama tiaibao.”

Kraisgo Geme Dualali Sę Pedelabo Po Jonbolo Ola Mani 11:8

Tama ela munama, tama te bidi sigo tigi te genuai hanu tomode te genuai po mibo pesagede olo munalueibao, te hanude polobadu augwali sigo Genuai Bidi te we bidigo ni pedaide dagana selama isali. Te genuai hanu nogi po digi pogo begelama tama nogi Sodom wabo, me nogi Isip wabo dao, te po digi pode.

Te Israel me Juda Hani Sigo Tuni Bidigo Po Elalubo Buku Si 19:4

‘Asiria king bidigo aga sę ebo gavman ofisa bidi tagala palali bidigo aselama, dago God dolo agai dwai po mu wagasalio, dena Genuai Bidi dao, aga te tigidali sogo bidada peyu, bidada pabo God dao. Tialima, te aga dolo te dwai po wali aga odali bogo, tama aga digi te po wali bidibolo wei ponoyu, sęgę mawaibao,’ wali. ‘Tama teyu, dago homugo nago te God dolo gedu haluasa po wao, tama agai da dwasianu hani bidibo tau somainao,’ kingo te po wali,” augwaligo te po wai.

Aisaia 1:8

Hobedagia! Jerusalem deli naga augwaligo tagalali. Agaduba deli naga elaluyu, tama bomo mu meni. Aga te bidi dabego olo gi be sę yai ąǫ elalubao, te bobi gide sę yani dwasianu be tiwai naga elalubao. Aga te boi bidi dabe bagua sai hanu ąǫ elalubao.

Aisaia 11:11

Tama te sogo Genuai Bidi agai bomo te si wabo sogo ma ola mayu, tama aga we bidi hani augwa buluba ma odasa asaibao. Te we bidi dabe te bulu Asiria, me Isip, me Sudan, me Elam, me Babilon, me Hamat, me te Mediterenian tamu ąįde ailande bidibo dabe me dao.

Aisaia 46:3

“Tialima, dage dwasianu Israel te bidibo hani, dage te Jekopgo hani, dage hani eno selama, te bugagia negeyu tonaluali, te dage gesi hani we bidi pedelali sogo gagalasa, tama tiali, dagego odao.

Aisaia 65:8

Genuai Bidigo te po wai, “Te bidi me deligo te bono du wain te du pa elalubo nogogo sąwainu ebaso, gasa bidigo te po wagi da, ‘Tonalu bolo yao,’ wai. ‘Eno te wiegi yai wain wai du meba te pąde elalubo suali. Dago selama, te tuabo wain ąį meba nigibaso, usu yaibao,’ wai. Te tiwai tama, ena Genuai Bidi, eno te tigidali Israel we bidi me dologobeo, magi baso meni, augwali eno sę bidi dabe dao.

Jeremaia 23:14

Tialima, megi eno subo, te Jerusalem profet dabego dwai kugumini yai kolesaga mu ebao. Augwaligo te we sabo kolesaga doloyu, te tibo po wabo kolesaga me ebao. Augwaligo te dwai kolesaga ebo bidi dąų walaibao. Tama tiyu, te mena bidi mego te tobage kolesaga tudiba me mubeo. Eno suali, tigidali Jerusalem we bidi te dwai mu, te Sodom dabe me Gomora dabe tiwai mu elalubo dao.”

Jeremaia 42:2

te Jeremaia bidibo madiba pali. Te augwaligo agabolo te tiwai po wali, “Edao, te nago Genuai Bidi Godiba nago gedu haluasa po weyu, te agabolo hanalu, te da dwasianu hani we bidi tau somainogo yao. Polobadu da hauwa elaluali, tiali goli megi nago suali, da dwasianu hani naga bidibao,” wali.

Jeremaia 50:20

“Te ena Genuai Bidi, eno te po obao, te sogo eno te dwasianu hani Israelgo sęgę sela sąyu, te augwali bugagia bidimainogo yaibao. Tama me, eno te Judago yali dwai sę sese sela sąwaibao. Tama te dwai sęgę ma dwai sę te augwalide me elalugobeo. Te bidi dabego augwali hani siba po kisilama obaso da, te usu me egobeo,” Genuai Bidigo te po wai.

Aisaia 24:6

Tama tibaso, Godigo pode te dwai sogo mu te tǫde pedalama, te we bidi hauwa mu dwai kolesagadu wali pao olama, i ola mawai dao. Tama dwasianu we bidi hani naga bidaibao. Agai tama tiali. Magi baso meni. Te we bidi dabe augwa dwai kolesagago augwa sęgę tolaibao.