Aisaia 1:7 - Godigo dwagi yai po buku

⁷ Awe, te boi bidi dabego dagego bulu polo dola silai dao. Tama augwaligo dagego hanu dabe ulali dao. Te dagego tonalubadi, augwaligo dagego gi nai dabe sai dao. Te gasa bulu bidi dabego bulu mu dolama, tama dagego tǫ olo mu elalubao.

Aisaia 1:7 Referans Kwoze

Te We Bidi Dabego Jerusalem Hagede Gela Wali 5:2

Dago tǫ te gasa kantri bidi dabego nogode te elalubao. Tama augwali dago be dabede bidibao.

Bomai Po 28:43

“Te gasa kantridu asali te dage tomode bidibo bage, augwali genuai bomo siyu, genuai nogi siyu yaibao, tiali goli dage da, dagego bomo dali nogi dali si tulaluaibao, tama dage augwali dologode naga bidaibao.

Bomai Po 28:33

Te gasa kantri bidi dabe, dagego konesiąma yali bidi dabe, augwaligo dagego bomai sę elama bulai gi nai dabe sagasaibao. Tama tigidali sogo augwaligo dage dali dwai sę elama, dage dwai dene mayu yaibao.

Hosea 7:9

Te Israel dabe augwa te kolesagago te augwa digi bomo tamunani, tiali goli augwaligo te konesiąwai. Awe, augwali te monu dabe bomo meni yai tiwai yali, tiali goli augwaligo te me konebeo.

Esekiel 30:12

Tama eno te wę Nail sula somainogo ilaibao. Tama eno gasa kantri bidi dabego Isip bulu sese dolomainu ilaibao. Tama bidi dwai dabego augwaligo te Isip dabego tǫ saibao. Te da Genuai Bidi eno po dao.”

Tuni Bidi Dabego Po Elalubo Buku Si 28:5

Te king Ahasgo dwai kolesaga hauwa mu yali, tama Juda we bidigo me augwa wąįgo God te Genuai Bidiba augwa tudi ola mani. Tama tibaso, Godigo Siria king aga ami dali augwaligo Ahasa aga ami dali hwįagaselama tama aga aiyaba elalumainu ilali. Tama Siria dabego Juda dabe hauwa mu oda selama, Damaskusba kalabus igi pali. Tama nosali Genuai Bidigo Israel dabego king tagala palali, te Peka dao, te Remaliago ogwa, te bidi aga ami bidi dabe dali aselama hwįagaselama, Ahas dali aga ami dabe dali aiyaba elaluali. Tama deli sogo bubugade Juda hani ami bidi te 120,000 bidi elama isilali.

Hosea 8:7

“Augwaligo ebo dwai kolesaga te dwasianu naga dao, te dwasianu wali asobo tiwai naga dao, augwaligo te homu ebo dao. Tiali goli, nosali te kolesaga ebode augwali dolaibao, te pobegebo wali genuaigo te bidi dolobo tiwai yaibao. Tama augwali te wit gide te nai walisąbo tiwai eyu, tama te bret nigabo wit meni yani. Tialima, te dwai witgo nai me pedai badu waligi sogo da, tagalao, te gasa badu tǫ kantri bidi dabego naga tuagasigi da,” wai dao.

Jeremaia 6:8

Jerusalem, nago po odao. Te meni baso da, te eno nage tudiba muaibao. Te eno nage te olo bulu pesage tiwai pedalumainu ilama, te nagede bidi deli me bidibo usu egobeo,” wali.

Jeremaia 2:15

Te boi bidi dabego te laiongo bomonama i wabo tiwai yai dao. Augwaligo agai taun siago deyu dolama, tede bidi me bidibeo. Te agai tǫ augwaligo te olo tǫ pesage bulu tiwai pedelai.

Aisaia 34:9

Te Idom bulu tǫ kantri wę dabe te kolta tiwai pedelama, te hogomu dabe te bomai masigi dabe tiwai pedelaibao, te Idom bulu kantri tǫ te kolta sia dabo tiwai yaibao.

Aisaia 6:11

Tama tibaso, eno aga e tama po hanalu wali, “Genuai Bidi, eno te sę ela pelama, mena sogoba usu nigi paibawe?” Tama agai po wei ponoyu, te po wali, “Te tigidali hanu dabe, me tǫ dabe, me be dabe sese dola silama, be dabe olo elalua pabo sogode. Tama bidi dabe te bede dabe bidi me bidisąma ebo sogoba usu nigi paibao.

Aisaia 5:17

Te hanu dabe sese dolaibao. Tama nosai dabego bulu mesega saibao. Tama sipsip kibu de meme kibu sigo te mone hauwa elaluali bidi dabego be elaluali pesageba nosai tuagasaibao.

Aisaia 5:9

Eno odali, Genuai Bidi Tigidali Bomo Elalubo Bidigo te po wabo eno odali, “Mu tama, te genuai dwagi yai be dabe dolama, te olo elaluaibao. Awe, bidi dabe te wiegi yai be dabe me bidigobeo.

Godigo Nogi Ugwaba Sabo Tęąbi Po Wabo Buku Dabe 107:39

Te boi bidi dabego augwali te hwįyu, aiyaba elaluama, te augwali hale emainu ebo sogo, tama augwali aiyaba mu elaluama, tama augwaliba dene mawai.

Godigo Nogi Ugwaba Sabo Tęąbi Po Wabo Buku Dabe 107:34

Te ili elalubo tǫgo te tamu elalubo tǫ pedalumainu elama, tama tede te magi nai deli me pedalisiąwai. Magi baso meni, te badu bidi dabego te dwai kolesaga ebaso, tama Genuai Bidigo te tama tiwai sę ebo dao.

Pris Sę Ebo Bomai Po 26:34

Tialima, dage te boi bidi dabego tǫde bidalubo sogo, dagego te tǫ dabe olo dali elalu, te toma nedueibao. Polobadu dage te tǫde bidaluyu, tama dagego te 7 wabo kibu bede te tǫ toma nomainu ilibeo, eno dagebolo te tama tiao po wali gilama me ebeo. Tialima, te tǫ olo elalubo sogo aga te bugagia toma tueibao, te sogo tǫgo godolo yaibao,” wali.

Pris Sę Ebo Bomai Po 26:33

Eno digi te boi bidi dabego dageba boi hwįmainogo ilaibao, te eno dage augwaligo te gasa tǫ kantriba tedela palomainogo ilaibao. Te dagego tǫde bidi meniama olo elalu, te taun dabe dolai elalueibao.

Bomai Po 29:23

Te gi dabe dola silama, dwai olo elaluaibao. Tama te tamu me dwai pauda nai salfa, te ni me nosai isilibo nai si te gide pągąna paibao, tama dagego nai me bulabo usu me egobeo. Tama te nosai dabe me te tǫde me hologobeo. Tama tialima, dagego bulu te Sodom de Gomora si tiwai tama yaibao, te Atma de Seboim hanu si tiwai me. Te hanu dabe Genuai Bidigo polobadu dolai dao, te agai wado elama, tama agai sębę dwai mu yali sogo.

Godigo Nogi Ugwaba Sabo Tęąbi Po Wabo Buku Dabe 109:11

Te boi bidigo te bidi mebade negeli elalubaso da, eno homugo te bidi dabe aselama, tama te bidi dabego te agai tǫ dagala sagasomainu yao, te tigidali doado bage agai te bidigo abelimainu sę yali nai tigidali te somainu yao.

Aisaia 1:8

Hobedagia! Jerusalem deli naga augwaligo tagalali. Agaduba deli naga elaluyu, tama bomo mu meni. Aga te bidi dabego olo gi be sę yai ąǫ elalubao, te bobi gide sę yani dwasianu be tiwai naga elalubao. Aga te boi bidi dabe bagua sai hanu ąǫ elalubao.

Aisaia 3:8

Jerusalem de Juda si te dwai sogoba sabolama, tulalubo gagalali. Magi baso meni. Augwaligo tigidali pogo me, sęgo me, augwaligo Genuai Bidigo nogi aiyaba elalubo dao. Augwaligo te dwai kolesaga agai gedude ma ebo dao.

Aisaia 9:18

Te we bidi augwa haniani dwai kolesagago augwa ma dolali. Te dwai nosaide isi dola selama, te genuai nide dela selama, moni busi dabo tiwai yali. Tama genuai hano ugwaba holali.

Aisaia 49:19

“Awe, nage mu dolobaso, olo bidali. Nago tǫ te dwai madi pedelali. Tiali goli, megi da, te wai dabe te nageba pągąna sagaselama, te nago tǫ augwali usu egobeo. Te nage dolali hani, te nagede digibulu mu bidaibao.

Aisaia 60:15

“Jerusalem, nage ololama, olo elalu, te nago sunumi dabede bidi iba oba soyu me isąwai. Nage te we tiwai bidiyu, te aga bidigo aga godolo isąma, tagalobaso, aga wi pali. Tiali goli, te eno nage te gasa sawi wiegi yai pedalumainu ilama, te nage polalu, polalubo mu pedalubaso, te we bidi dabego nageba wiegi yai homu pemene mu yaibao. Tama nage te tiwai naga sesemane sogo bidada pidu, bidada paibao.

Aisaia 62:8

Genuai Bidigo nogo guni sisu muyu, bomai po dąų wali, te aga genuai bomode agai te dąų wali po mu pedelaibao. Agai po te tiwai, “Ena Genuai Bidi, te eno te boi bidi dabego nago we bidi dabego te sę dene elama, bulubo wit dabe munu ma sagasomainu me iligobeo. Tama eno te gasa tǫ kantri dabego te nago we bidigo nigibo wain ąį sagasomainogo me egobeo. Menio.

Aisaia 64:10

Te nago tedali gasagi yai taun dabe te olo bulu dwai tǫ pesage tiwai elalubao, te Jerusalem me mu dolama, tede bidi me bidibeo.

Jeremaia 4:7

Te boi bidi dabe augwa bulu tagalama asali, te laiongo aga geme dualaluali pesage taga soabo tiwai yali. Augwali te tǫ kantri hauwa dolobo bidi dabe da, te augwali asiyu, dagego tǫ kantri dolagasaibao. Te dagego taun dabe mu dolaibao, tama te taun dabede te bidi me bidigobeo. Ena Genuai Bidigo eno te po wai dao.”

Jeremaia 7:34

Te Judago taun dabede te we bidi dabe me bidisiąyu, te Jerusalem sunumide me bidigobeo. Eno te tigidali sę pedalumainogo yaibao, te bugai haliga wiegi yai homu pemene ebo kolesaga, me te we sabo sogo genuai nai daa tubo dabe me, te dabe tigidali silaibao. Tama te tǫ kantri tigidali pedai badu dolama, olo elalueibao,” wali.

Jeremaia 44:6

Te eno haliga sębę umabo mu augwalide elama, te eno Juda taun dabeba, me Jerusalem sunumi dabeba me dolobo sę eyu, te augwali eno dwagila mu dolali. Te augwali doludubadi geąį dao,’ da Israelgo Godigo te po wai,” Jeremaiago te po wali.

Esekiel 25:4

Tialima, eno te bidi hani me deli te giliga asobo badu asomainu ilama, te augwaligo dage dali boi hwįagaselama, te dagego tǫ saibao. Te augwaligo sel ugwa be dabe te dagego tǫde sę elama, tede bidaibao. Te augwaligo nai dagego tǫde sela tuyu, te dagego bulmakau ame pę dabe sela tuyu yaibao.

Maika 5:11

“Te eno dagego taun dabe dali, te taun bagulali masigi obo dabe tigidali dolama, tama dage tede geme duala sainu ebo usu me egobeo,” wai dao.

Maika 6:13

“Tama tialima, megi da, eno dagego te dwai sę ebo sęgęde homu kone palama, tama eno dage dolobo sę gagalama yaibao,” po wai dao.