Aisaia 1:30 - Godigo dwagi yai po buku

³⁰ Te dage te genuai ni kali sasilama, mobia pabo tiwai yaibao. Tama dage te gi wę meni yai gi tiwai dage tama tiaibao.

Aisaia 1:30 Referans Kwoze

Matyu 21:19

Tama aga pelama, te tų sesegede elaluali ni kaya sulama, tama te ni pąba pali, aga du sela tuainogo yai. Tiali goli tede nai me deli walai elalubo subeo. Menio. Yabe naga elaluai. Tama agai te ni kayabolo te tiwai po wali, “Nago nai ma walogobeo. Mu menio.” Tama polo mu te ni kaya aga sasia pai dao.

Esekiel 17:24

Tama te tǫde elalubo ni dabe tigidaligo te tiwai bugagia konemainu yaibao, ena Genuai Bidi, eno te bobobage ni gela mubo dao, me eno te dwasianu ni dabe bobobage pedalumainu ilibo dao. Eno te yabe elalubo ni dabe sasia palobo sę ilibo dao. Me te sasia pali ni dabe da, te augwali yabe ma holobo sę ilibo dao. Ena Genuai Bidi, eno te po walio, tama eno te wali po gilama te tigidali sę ela silaibao,” wali.

Jeremaia 31:12

Tama augwali te Saion bulu duba dolugulama, te augwali wiegi yai pemene mu elama, te i umabo mu udaibao. Te ena Genuai Bidigo augwaliba te wiegi yai nai mu mobaso, te augwali wiegi yai pemene yaibao. Te augwaligo wiegi yai pemene ebo te nai witba, me wain, me oliv wel, me te kibu sipsip dabeba, me eno mabo bulmakau dabeba te augwaligo homu pemene yaibao. Te wiegi yai mu pedalama, te gi wę usu elalubo gi tiwai dao. Te augwali dwai munu ma bidibeo.

Aisaia 58:11

Te ena Genuai Bidi, te sesemane sogo eno dage bugagia tonalu, te dage bilibo dodolama, te dagego homugo wei homu ebo nai dabe usu nama mawaibao. Megi dage te ąį meni yai tǫde bidibo tiwai ebao, tiali goli eno dage wiegi yai bomai we bidi pedalumainu yaibao. Tama dage te gi tǫ ili ąį hauwa elalubo tiwai elama, te sula sisąbo ulu ąį tiwai elalueibao.

Aisaia 5:6

Te eno te tǫ dolama, tama busi holama, nosai holiyu, tama te sesane ni dabe holama, te gi halua somainu yaibao. Tama eno te wain ni ma tonalubo sę ma egobeo. Te me eno te gi tǫba tulubage me tulamo olama, habu selaibao,” eno abagigo te po wali.

Tigidali Nai Gagalama Nigali Side 12:6

tama Abram te tǫ tomodu ma pelama, tama aga te gasa pesage te hanu nogi Sekem teba saboligi pai. Tama te bulude te gasa moni ni mu deli nogi More te elaluali. Tama te sogo te Kenan hani bidi dabe te bulude bidibadi dao, tama augwaligo augwa tibo god dabebolo te moni ni pagede te augwa lotu po weyu, bidaluali.

Aisaia 64:6

Da tigidaligo dwai sę eyu, te da nago gedude meda yai mu elalubao. Te kolesaga dabe dago homugo doloba pai kolesaga da olama, te kolesaga dabe te dago gawea pai nai tiwai dao, tiali goli dago te ebo, augwali nago gedude dwai mu eyu, te ugwa meda dwai mu tiwai ebao. Te dena ebo dwai sęgo te pąde da mu haga yabo homu yai, te wa pai ni yabe te waligo sela pabo tiwai yaibao wali.

Aisaia 64:5

Nago pemene eyu, te doloba pai kolesaga mu elama, nago te godolo homu ebo kolesaga wali pabo bidi dabe tau sagasobo dao. Tiali goli, nago daba wado po wai goli, te dago kolesaga me hasegelebeo. Dago te dwai sę yabo bomo iduai dao.