Aisaia 1:29 - Godigo dwagi yai po buku

²⁹ “Magi baso meni, dagego genuai ni silide te tibo god dabeba lotu olama, tama tede dwagi yai homu eyu bidai dao. Tama me te gi elama, tama lotu wabo digi dao olama, hage yai dao. Tiali goli, dage te yali kolesaga dabede hobede elama, tama hale genuai mu yaibao.

Aisaia 1:29 Referans Kwoze

Aisaia 66:17

Genuai Bidigo te tama po wali, “Te tibo godiba lotu wabo hani dabe, augwa te tibo godigo gedude wiegi yai pedalumainu ebo kolesaga wali peyu, augwa te lotu wagi pabo pesage giba pelama, te augwa polalubo bidi dabego ebo kolesaga wali pelama, augwa te kibu mi, me bolo mi tuali, te gasa nai dabe eno gedude wiegi yai isąbo nai tuali, augwa tigidali dolama, mu silaibao,” wai dao.

Aisaia 65:3

Te eno gedude augwa te eno haliga sębę elama, wado po wabo tobage kolesaga ebao. Augwa te Godigo po odisąbo bidi dabego ebo kolesaga yai. Augwa te lotu wabo pesage te gide elalubo te sisinama, ofa eyu, tama augwa te tibo god dabego altaba pelama, te wiegi yai denami yabo hano ilibo pauda ulubo dao.

Aisaia 57:5

Te duga haligade dwai homugo te bomonama hodolobaso, te genuai ni dologo te lotu wabo pesageba pelama, te penani ebo kolesaga ebao. Dagego te duga wai puluba dabe elama, te ofa tiwai eyu, te odogo tǫ pesagede te genuai masigi elalubo tomode ulubo dao.

Hosea 4:13

Augwali te bulu duba holama, te tibo god dabeba ofa eyu, tama te wiegi yai denami ebo ofa me, te habu selali pesage te genuai ni page dologode te ofa ebo dao, magi baso meni, te ni dologode te wiegi yai tiwąi madi elalubaso yai.” “Tama tiyu, duga wegi dabe te sunumide bilalubo we dabe tiwai ebao,” wai. “Tama duga wąį we dabe me te penani ela bilibo dao.

Esekiel 16:63

Tama eno nago te yali dwai kolesaga dabe sela sąnama, tama tede homu kone ma palogobeo. Tiali digi, te nago te nago yali dwai kolesagade ma kone paliyu, hale dwai mu ebaso, te nago po me deli wagobeo. Ena God Genuai Bidi, eno te po wai dao.”

Polgo Po Pas Rom Dabeba Asęani 6:21

Tialima te dwai sę ebode dagego magi nai saliwe? Woo, te megi te sęde dage hale ebo dao. Te kolesagago te bidigo noma isibo sę naga pedalubo dao.

Hosea 14:8

Tama te sogo te Israel dabego te tibo godiba lotu munu me wagobeo. Te enaduba deligo naga augwaligo gedu haluasa po wabo odaibao. Te eno augwali bugagia tonalu, tama augwali te ena dologode bidiyu, te bidi te genuai ni wuli dologo tiwąi madi te giliga nanu posolo ebaso bidibo tiwai yaibao. Ena digi ena te tigidali wiegi yai nai augwaligo sabo page bidi dao,” God Genuai Bidigo te po wai.

Hosea 14:3

Te Asiria dabego da ma dobola sogobeo, usu egobeo, tama te hwįbo hos dabego me da tau me sogobeo. Te usu egobeo. Dago te tibo god nigali, te dago te tiwai po augwaliba ma weyu, ‘Dage te dago god da,’ me wagobeo. Genuai Bidi, nago dabolo te homu dene eyu, tau sabo wiegi yai kolesaga ebo dao, magi baso meni, da te aya meni yai wai puluba bidibao, te tau sabo usu meni yai bidibo dao.” Dagego tama gedu haluasa po agabolo wao.

Esekiel 36:31

Tama te sogo da, dagego duga yali te dwai damua pai kolesaga dabe sęgę dabe kone palaibao, me te dagego yali eno godolo mu isąwai sę dabe kone paliyu, tama dage hale genuai mu yaibao.’ Te po me pusao,” wali.

Esekiel 6:13

Te boi bidi dabego te Israel dabe augwaligo tigi te augwa tibo god dabe me te alta dabe pąba sąsąwaibao, tama te lotu wabo pesageba me, te bulu du dabe daide me, te tigidali genuai ni dabe dologoba me, te augwa tibo god dabeba te ofa dabe ula mabo pesage tigidaliba te augwali isasa pali bidi dabego tigi sąsą paibao. Te sogo te tigidali Israel dabego koneama, ena digi ena Genuai Bidi bidibao po waibao.

Jeremaia 3:6

Te Josaia king bidali side, Genuai Bidigo enabolo te tiwai po wali, “Nago te enaba homu kęą pabo kolesaga tagalali we Israelgo ebo dwai kolesaga suyu digi eba, agawe? Aga te tigidali bulu duba holama, me te tigidali genuai ni dologoba pelama, te dwai penani kolesaga ebo dao.

Jeremaia 2:20

God, Genuai Bidigo po ma weyu, te tiwai po wai, “Israel, odao. Polobadu digi nago enaba hagoma eyu, tama nago eno nageba mani sę tagalai, tama nago te po wali, ‘Eno nago sę munu ma egobeo,’ wai. Mu tama, nage te tigidali bulu duba holoyu, tama te tigidali genuai ni dologoba sisinama, te nago tibo god dabeba lotu wali, te wego bidi hauwa dali penani igi pabo tiwai yalio.

Aisaia 45:16

Te tibo god piksa nigibo bidi dabe, te augwali hale mu yaibao. Awe, te augwali tigidali te hale ebo kolesaga tomoba mu paibao.

Aisaia 31:7

Te Genuai Bidigo bodolu pąba yagasobo si da, teda te sogo dagego te dwagi yai silva de gol sigo nigali tibo god piksa dabe sąwaibao. Te nai dabe duga nogogo digi nigai dao. Tama te kolesaga yaligo dage sęgę sai dao.

Aisaia 30:22

Tama da, dagego duga tibo godigo piksa dabe saibao. Te da te bidi dabego nigilama, silva dali, gol dali sigo haluai piksa. Tama dagego te piksa dabe te dwai damua pai nai tonobo tiwai tonama, e tama po waibao, “Gedao. Dago nage subo hagela ebo.”

Aisaia 42:17

Tialima, te tibo god piksa dabeba lotu weyu, te nai augwa god dao tiwai po wabo we bidi dabe, eno augwali sela sąwaibao. Tama augwali hale dwai mu yaibao,” wali.

Hosea 4:19

Tialima, odao. Te eno augwali te bomai waligo te pobele bage hogomu tolasa pelama sągi pabo tiwai eyu, tama augwali dolaibao. Tama augwa te tibo godiba ofa yali homu kone palama, tama te augwali hale dwai mu yaibao,” Genuai Bidigo te po wai.