Aisaia 1:27 - Godigo dwagi yai po buku

²⁷ “Genuai Bidigo Jerusalem bugagia doloba pai kolesaga dali aselama, tama te bulu ma dobola saibao. Tama te dwagi yai kolesagade naga agai Jerusalem we bidi ma oda saibao, te augwaligo augwa yali te dwai sęde ge neyu, homu begelama, tama augwa yali dwai sęde hobede ebaso.

Aisaia 1:27 Referans Kwoze

Aisaia 63:4

Eno te ena sainu sa muani we bidi dabe sabo sogo pedelalio, tama tiyu, megi sogo te eno augwaligo boi bidi dabeba dene mabo sogo dao.

Aisaia 62:12

Te augwaligo nago we bidi te tiwai nogi poaibao, “Te Genuai Bidigo tedali gasagi yai we bidi dao,” me “Te we bidi dabe te Genuai Bidigo ma salio.” Te augwaligo nage nogi te tiwai waibao, “Genuai Bidigo godolo mu ebo taun da,” me, te “Genuai Bidi ma aselama, bidibo taun dao,” waibao.

Aisaia 5:16

Te agai doloba pai kolesagago Genuai Bidi Tigidali Bomo Elalubo Bidigo te we bidi dabego bomo aiyaba elaluaibao. Tama aga deli naga genuai nogi saibao. Tama agai te dwagi yai doloba pai kolesaga naga ebogo agai te we bidibolo ola mawaibao, aga te tedali gasagi yai mu dao.

Taitus 2:14

Aga digi aga bidibo ula tagalai dao, tama agai te bidibo ulago da ma abelama, tama dago te tigidali bomo yai po sela sąbo te kolesaga agai sela sąwainogo tama yai dao. Agai da penama, tama da we bidi aga hani mu pedalainogo te sę yai, tama dago tigidali dwagi yai kolesaga bomo elama te sę naga emainogo agai aga bidibo ula tagalai dao.

2 Korin 5:21

Te bidi Krais agai dwai sę me isąwai, tiali goli da tobade Godigo dago dwai sę yali sęgę tigidali agaba sisinama, tama aga te dwai sęgę sai bidi tiwai mu pedalai. Agai tama tiali te da Kraisde wadolomainogo yali, tama agai bomogo da te Godigo gedude doloba pai we bidi pedalomainogo yai dao.

1 Korin 1:30

Tiali goli Godigo dage Krais Jisas dali wadolali, te agai tilama tama Kraisgo da wiegi yai homu kolesaga elalubo we bidi nigali. Te Kraisde God agai da agai wiegi yai we bidi hani mu ilali, tama dago dwai sęde sali sęgę sela sąnama tama da olo bugagia bidibao.

Aisaia 35:9

Te dwai laion me, dwai hasa dabe me, te sunumidu me soagobeo. Menio. Te Godigo augwali ma sali we bidi dabe naga, augwali naga te sunumidu bilaibao.

Aisaia 35:10

Te Genuai Bidigo ma dobola sali we bidi dabe, te augwali wiegi yai pemene dali te Jerusalemba ma asaibao. Te augwa genuai po dagą weyu, balia weyu, te sunumidu aselawaibao. Te augwa wiegi yai bugagia mu dugulalu, te augwa pemene umabo mu yaibao. Augwa te wiegi yai pemene ebo munu me sia sogobeo. Te dene, me haliga sęgę, te augwalide munu ma me elalugobeo.

Aisaia 51:4

“Dage eno we bidi dabe, eno po odao. Eno te wiegi yai bugagia bidabo kolesaga te tigidali hani we bidiba ola mayu, te eno te po tų dodolobo doloba pai kolesaga te tigidali bulu tǫ kantride ula tiwai elalueibao wai dao.

Aisaia 52:3

Magi baso meni. Genuai Bidigo te tama po wai, “Te bidigo ena me abelisąma, te nago we bidi te olo sę bidi me sę ebo we tiwai elama, sela pali. Te eno augwali ma sainu, te mone menama, me sogobeo. Menio. Te augwali eno olo mu saibao.

Aisaia 54:14

Te eno doloba pai kolesagade te eno nage bomai pedalumainu ilaibao. Te nage aiyaba elaluama, te dwai sęgo dolabo bidi me menio, te nage magi nai me delide wi me egobeo. Te nago wi ebo tigidali silaibao.

Hosea 2:19

“Israel, te eno nage te eno we tiwai pedalumainu yaibao, tama te nage sesemane sogo bidada pomainu yaibao. Te eno doloba pai kolesaga nageba eyu, tama eno nage me tagalugobeo,” wai. “Tama eno nage sesemane sogo godolo mu eyu, tama nagebolo eno te olo wiegi yai homu kolesaga yaibao,” wali.

Maika 6:5

Eno we bidi dabeo, te dwai sę te polobadu Balak te Moap kingo te dageba dwai sę yainu yali, te homugo koneao,” wali. “Te Balam, te Beorgo ogwago wali po, te Balakbolo wei ponani po, te homu kone ma palao. Tama eno yali genuai sę tigidali me te homu koneao, te bulu Sitim dagego tagalama, te bulu Gilgalba sobadi, te sę yali. Dagego te eno sę yali dabe koneao, tialima, te eno dage tau siyu yali sę dabe, te dagego ma koneao,” God Genuai Bidigo te po megi obao.