Aisaia 1:21 - Godigo dwagi yai po buku

²¹ Mena tama te pedalaliwe? Hanu Jerusalem, polobadu nago eno po wali dolo pai dao. Tiali goli, megi da, nage penani we gaga wali. Tega! Polobadu nagede bidali bidi dabego te po tų dodolobo kolesaga dolo yai dao. Awe, polobadu nage te dwagi yai doloba pai kolesaga ebo bidi dabego pągąwai dao. Tiali goli, megi da, nage bidi ela mabo bidigo pągąyani.

Aisaia 1:21 Referans Kwoze

Kraisgo Geme Dualali Sę Pedelabo Po Jonbolo Ola Mani 11:8

Tama ela munama, tama te bidi sigo tigi te genuai hanu tomode te genuai po mibo pesagede olo munalueibao, te hanude polobadu augwali sigo Genuai Bidi te we bidigo ni pedaide dagana selama isali. Te genuai hanu nogi po digi pogo begelama tama nogi Sodom wabo, me nogi Isip wabo dao, te po digi pode.

Kraisgo Geme Dualali Sę Pedelabo Po Jonbolo Ola Mani 11:2

Tiali goli te lotu be bulu badu, te we bidi bilibo madi, te nago tagalao, tede nago usu nigo usu sigio. Te madi te Godigo po wali pisąwani we bidigo nogoba mawai dao, tama augwaligo te Tedali Wiegi Yai Hanu sągągo agayu, tama polua bidi sese si olama me si tama yaibao,” te po wai.

Hibru 12:22

Tiali goli dage, dage te tiwai naiba me asobeo. Menio. Dage te Saion bulu duba asai dao, tama te bidibo ula mabo God bidibo moni hanu te dao. Te bulu da te dagalude elalubo Jerusalem hanu dao. Te moni umabo ensel mobo bidi dabe augwali sisinama te wiegi yai homu pemene ebo madi, teba dage asai dao.

Godigo Sęba Tagala Palai Bidigo Po 7:52

Polobadu duga wąį dabe augwaligo Godigo dwagi yai po pusa mabo bidi dabe tigidali ela silali. Me deli bidibawe? Mu menio. Polobadu mu Godigo dwagi yai po odasa pabo bidi dabe augwaligo te po wai, ‘Nosali God agai dwagi yai dolo sę ebo bidi asaibao.’ Tialima, duga wąį dabe augwaligo te po odasa pabo bidi dabe ela muani. Megi tama dagego te Godigo dwagi yai dolo sę ebo bidi ela muai.

Dwagi Yai Gesi Po Lukgo Asęani 13:34

Aua, dage Jerusalem bage dao. God agai po ola mabo bidi dabe dageba tagala palali. Tialima, dagego augwali ela muani, te masigi dabe sąyu, eleyu yali. Tama hauwa sogo eno homugo eno dage deliba sisinai hagede, pagia somainu, te ba kakaruk kimi aga gou dabe bogo dologode munama, bogogo bea sabo ąǫ tiwai. Tiali goli dagego hagelabo wali.

Sekaraia 8:3

Te ena ma aselama, ena te Jerusalemde bidaibao, te eno taun mu da. Tama Jerusalem, te Genuai Bidi te Tigidali Bomo Elalubo Bidigo bulu du da, te augwaligo nogi eyu Te Genuai Bidigo Tedali Gasagi Yai Bulu da waibao. Te gasa hani we bidi augwaligo te eno we bidi dabe sulama, te augwaligo tama po waibao, ‘Suao, te Jerusalem augwaligo Genuai Bidi wali mu pabo dao,’ te tama po waibao.

Hosea 11:12

Genuai Bidigo po ma weyu, te po wai, “Te Israel we bidi augwaligo enaba tibo po hauwa sogo mu wai. Te Juda dabego eno po sela sąbo sę mu idualio. Tiali goli, ena God, ena augwali tiwai menio. Ena doloba pai, te eno homu hasegelama, te eno tibo po me wagobeo, te we bidide eno homugo mu kęą pai God dao,” te po wai.

Jeremaia 3:1

Genuai Bidigo te tiwai po wai, “Te bidigo aga we sela sąbaso, te wego aga tagalama, te gasa bidiba pali, teda te polasa sali bidigo te we ma sogobeo. Te we agai ma siyu da, teda agai bulu kantri te dwai meda mu eno gedude pedelaibao. Israel, nage te bidi hauwa dali penani ela bilama, tama megi da, te nage enaba ma asainogo, ebawe?

Aisaia 48:2

Tama duga digi duga nogi ugwaba siyu, te po weyu, dage te God aga digi sa muyu, aga da wali, te taungo hani we bidi da, po wabo dao. Tama dage te Israelgo Godide tau mabo sainu tonalubo dao. Aga nogi da, te Tigidali Bomo Elalubo Genuai Bidi dao.

Aisaia 5:7

Te Juda we bidi, me Israel we bidi, te Genuai Bidigo Tigidali Bomo Elalubo Bidigo wain gi tiwai dao. Agai godolo mu elama, agai augwali bugagia mu tonalubo dao. Te we bidi dabego wiegi yai doloba pai kolesaga naga emaina homu ebo dao. Tiali goli, augwaligo dwai kolesaga ebo dao. Agai homugo augwaligo gasa we bidi dabe dali wiegi yai kolesaga emai homu ebo dao. Tiali goli, augwaligo gasa we bidi aiyaba elaluama, tama augwaligo augwali dali boi bidi homu kolesaga ebo dao. Tama te aiyaba elaluali we bidi dabego i wabo agai odali.

Godigo Nogi Ugwaba Sabo Tęąbi Po Wabo Buku Dabe 48:8

Te sę te polobadu Godigo yali po odolama, tama megi dago subo me agai te tiwai ma yai. Da te Genuai Bidigo taunde bidibao. Dago God, te Tigidali Bomo Elalubo God dao, tama agai te sę ebo dago suai. Godigo te aga taun dąų walama, tama te taun sesemane sogo elalua pomainu yai dao.

Godigo Nogi Ugwaba Sabo Tęąbi Po Wabo Buku Dabe 48:1

Genuai Bidigo genuai nogi elalubao. Da te Godigo bulu duba holinao, tama agai taun tomoba pelama, tama dago agai nogi ugwaba mu sinao.

Godigo Nogi Ugwaba Sabo Tęąbi Po Wabo Buku Dabe 46:4

Te Godigo hanu da, te magi dwai sę meni yai wiegi yai bulu, te Ugwadu Mu Bidibo Godigo hanu dao. Te genuai soabo wę me deli te tomode elalubao, tama te węde te we bidi dabego wiegi yai pemene ebo dao.

Nehemia 11:1

Te sogo te Israel tobolu bidi dabe te Jerusalemde bidali, tama te meba we bidi augwali gasa hanu dabede bidada pali. Tama augwaligo satu gagali yali, te augwa nogo si hani tomode deli deli hani te Jerusalemba bidigi pabo bage sa mumainogo, te Godigo hanu. Tama te gasa hani meba augwali te gasa meba hanu dabede bidada pali.

Tuni Bidi Dabego Po Elalubo Buku Si 19:9

Tama Jehosafat agai te jas dabebolo e tama po walali, “Dagego te sę ebo sogo da, dage Genuai Bidi dologode bidiyu, tama dagego agai bomai po wali piąo. Tama dagego te sę wiegi yai mu pedelemainogo godolo mu iyąo.

2 Samuel 8:15

Devitgo te Israel tǫ pedai tigidali badu tonalu, tama agai wiegi yai doloba pai kolesaga te tigidali we bidi dali yalio.

Kraisgo Geme Dualali Sę Pedelabo Po Jonbolo Ola Mani 17:1

Te pou elaluali a naga olama me badu nogo si ensel mobo bidi augwali tomode me deli te aga asama, enabolo te po wai, “Nage suagasao. Te penani ebo we te genuai ąį dabe ugwadu daide dulaluali, aga te yali dwai sęde dwai dene mu sabo sę, eno nagebolo te sę ebo ola mawaibao.

Aisaia 1:22

Polobadu nage dwagi yai silva tiwai da. Tiali goli, megi da, nage yaba yai kapa tiwai dao. Polobadu da, nage pusai wain tiwai goli da. Tiali goli, megi da, nage olo wę tiwai dao.

Aisaia 59:3

Magi baso meni. Te dagego haniani tibo po weyu, te wado po, me po dwai wali. Te dagego dwai kolesaga eyu, te bidi dabe ela munama, te augwa kaneme dagego nogode dagana sai elalubao.

Aisaia 59:14

Tama tibaso, dago te kolesaga dabego te nago doloba pai kolesaga te dade digibulu elaluai, tama tiyu, te nago da tau selama, ma sabeo. Te dago te doloba pai kolesaga me mu po wabo, te da tomoba aselama, elalumainu ebeo. Te da sisinibo side me, te augwali si me bidagasobeo.

Aisaia 59:15

Te doloba pai kolesaga deli dade me elalubeo. Te bidi me deligo aga dwai kolesaga tagalobaso da, teda te gasa bage dabego te aga dolabo haniani sunumi gegebo dao,” wali. Genuai Bidigo te we bidi dabego doloba pai kolesaga ebo me susiąbaso, te agai augwaliba dwai haliga yalio.

Hosea 2:5

Te wego te tama po wali, ‘Te eno wei eyu, godolo homu ebo bidi dabe wali paibao,’ wai. ‘Augwaligo ena te nai me wę mayu, te gudabo ugwa dabe me mayu yali, tama te oliv wel me wain mayu ebo dao,’ te po wai.

Habakuk 1:4

Tama te we bidi augwaligo po tų ebo si, augwaligo te nago bomai po wali pisąma, tama augwaligo homugo te bomai po te olo nai dao tiwai homu ebao. Tama sesemane sogo te bidi dabego doloba pai kolesaga wali pabeo. Te dwai bidi dabego te doloba pai bidi dabe aiyaba elaluama, tama nago bomai po te hųgia sabo dao.

Aisaia 26:10

Tiali goli, nago dwai we bidi hobede igi sogo da, teda augwaligo te nago doloba pai kolesaga konea sigi menio. Augwali doloba pai we bidigo te tǫde bidibo me tagala, augwaligo te dwai kolesaga me ebo sę yaibao. Tama augwaligo nago genuai nogi koneyu, me augwaligo nago bomo me koneyu, me augwali nage dologode me elalugi menio.