Aisaia 1:20 - Godigo dwagi yai po buku

²⁰ Tiali goli, dagego hagela elama, eno po sela sąyani da, teda boi bidi dabego dage ela muagasaibao. Ena Genuai Bidi, eno po polo wali.”

Aisaia 1:20 Referans Kwoze

Aisaia 65:12

Tiali goli, eno gasagi yai sogo dageba sa muai. Te boi dabego dageba hwįagaselama, te dage augwa bainat hwą dabego ela mueibao. Te duga kidu sugunama, te tobolu tǫba basigulama, te boi bidi dabego dage tobolu mage togwaibao. Te sę dabe pedelaibao, magi baso meni, eno dage i wali, te dagego eno i wabo wei ponobeo. Te eno po me dageba pusali, tiali dagego wali pabeo. Menio. Dagego eno po sela sąyu, te eno gedude dwai kolesaga naga yali, te eno godolo homu isąwai kolesaga dabe mu ebao wali.

Aisaia 58:14

Dagego te tobage yabo kolesaga dolo wali pobaso da, teda te Sabat side dagego Genuai Bidi, enade wiegi yai pemene umabo mu yaibao. Te eno dage te polobadu te duga bulai wąį nǫųba bomai po dąų weyu, te bidao wali bulu du pesagede bugagia bidaibao, te Jekop, te aga haniba dali mawai. Te dage nai hauwa elalu, te dage bugagia mu bidiyu, te magi nai deli me sǫą pogobeo.” Te po te Genuai Bidigo pedauwalide digi asai dao.

Aisaia 40:5

Tama genuai ula me te Genuai Bidigo bomo te pebeli diliba hanilama pedelaibao, tama tǫde we bidi tigidaligo sueibao. Te po te Genuai Bidigo pedauwalidu digi asai dao,” wali.

Aisaia 3:25

Jerusalem, boi bidi dabego nago bomai ami bidi dabe hwįbode ela muaibao, me gasa olo bidi dabe ela silaibao.

Aisaia 3:11

Tiali goli, dwai bidi dabe da, dolaibao. Augwali te dwai pe te augwa yali dwai sęde saibao.

Israel Hanigo Namba 23:19

God da, aga te tǫde bidi mu menio. Godigo da bidigo yali gilama ili po me wabo menio. Agai homu da bidigo yali gilama me hasegelebo menio. Mu menio. Te agai magi sę me yainogo eyu, po dąų wali da, teda agai tama ebo dao. Agai te po wabogo naga te sę tama pedalobo dao.

Taitus 1:2

Tama te mu po page e dao: God agai tibo po munu me wabo meni, tama polobadu mu agai tigidali nai nigisiąbadi tama agai te sesemane sogo bidada pabo bidibo ula dabolo mawaibao te po agai olama tama dąų wali. Tama tibaso, megi dago te mu po odolama, tama dwagi yai homu eyu, te bidabo ula sabo sogo tonaluyu bidibo dao.

Maika 4:4

Tama tigidali bidi deli deli te augwa wain bono gi, me ni fik kaya gi pąde bugagia bidalu, te mena bidi me deligo augwali wi ilabo sę me iligobeo. Te Tigidali Bomo Elalubo Genuai Bidigo te po dąų waliyu, wai dao.

1 Samuel 12:25

Tiali goli, dagego te dwai sę me idubadi gebaso da, teda Genuai Bidigo dage te duga king bidi dali dolaibao,” Samuelgo te po wai.

Pris Sę Ebo Bomai Po 26:33

Eno digi te boi bidi dabego dageba boi hwįmainogo ilaibao, te eno dage augwaligo te gasa tǫ kantriba tedela palomainogo ilaibao. Te dagego tǫde bidi meniama olo elalu, te taun dabe dolai elalueibao.

1 Samuel 15:29

Nago homugo Godigo te e po hasegelaiba te homu me elamuo. Mu menio. God, te da Israel dabego wiegi yai ula yai bomo agade elalubao, tama agai tibo po me wagobe, ma agai homu me hasegeligobeo. Menio. God te da bidi tiwai meni, tama tiyu agai wali po ma hasegeligobeo,” wali.

1 Samuel 12:15

Tiali goli, te dagego Genuai Bidigo po odobo hagela ebo homu elama, tama dagego hagoma eyu, tama agai bomai po bolobaso da, teda te Genuai Bidigo tigi dene ilabo sę dageba yaibao, te agai duga wąį nǫų dabeba yali sę tiwai dageba yaibao,” wali.

Aisaia 8:6

“Ena Genuai Bidi, ena te wę Jerusalemde gebo dabo tiwai dao. Aga tigidali sogo dua soabo dao. Tiali goli, te Juda we bidi dabego homugo eno bomo meni da homu ebo. Tama augwaligo homugo te Aram tuni bidi Resin dali, te Israel dabego tuni bidi Peka, augwali sigo bomo te genuai mu dao homu ebo.

Aisaia 34:16

Te Genuai Bidigo buku tomoba sulama, nago te nai dabe elalubo po nedao. Tigidali hasa me ba dabe te bukude po wali gilama, te bulu Idomba bidagasaibao. Te me deli augwali me bidigobeo. Magi baso meni, Genuai Bidigo digi augwali asao wali. Te aga Mobo Bidigo augwali sisinama, te augwali odasa asaibao wali.

Jeremaia 4:17

Dage Jerusalem dabego ena Genuai Bidide hagoma yali. Tama tibaso, boi bidi dabego te Jerusalem bagua sagaselama, te tonalubo bidi dabego te gi bagua sabo tiwai yagasaibao, te po wali.

Jeremaia 17:27

Tialima, dagego eno po wali me pisąma, te dagego Sabat side te eno side da olama, bodolu te side munama, tama dagego te Jerusalem tomoba te Sabat side da wali sogo te walu doado bage sesebaso da, teda eno te sunumi siago domainogo ilama, tama te sia genuai domainogo elama, te Jerusalemde elalubo genuai bomai be dabe domainogo yaibao. Tama te isi dabo polo sula sogobeo,” te po wai dao.

Jeremaia 21:8

Tama Genuai Bidigo te tama po ma wai, “Jeremaia, nago eno te po me te we bidi dabeba mao. Ena Genuai Bidi, eno te tama po obao, megi eno dagebolo te sunumisi ola mobao. Me gasa sunumi te bidabo ula elaluabosunumi, me sunumi te isabo sunumi dao.

Jeremaia 26:4

Nago te po augwaliba mao, ‘Genuai Bidigo dagede te tiwai po elalubao. Dagego Genuai Bidi eno po odama, tama eno dageba mani bomo yai po wali pao,’ wali.

Jeremaia 46:14

“Dagego te taun Mikdol, me Memfis, me Tapanes, me te gasa Isip pedai badu, teba te po hanilama, pusao. Augwaliba te tiwai po wao, ‘Dage Isip te hwįabo sisilama, dolaluao. Magi baso meni, te boi bidi pedelama, te dage ela mubo sę yaibao.

Ma Dobola Sali 9:2

Nago augwali dąų weyu, tama augwali tagala palisiąbaso da, te eno nage dali, te naga hani dabe dali dene mayu, tama eno genuai gasi te nago tigidali kibu dabeba tagala paliyu, te hos dabe me, te bidi duabo donki dabe me, te kamel, me bulmakau, me sipsip, me meme, te tama bulu badu bidibo nai dabeba eno gasi tagala palaibao.

Pris Sę Ebo Bomai Po 26:25

Dagego eno dąų wali bomai po kontrak togalio, tama dageba te boi bidi dabego hwįabo sę eno ilaibao. Te dage te genuai taun te bomai obo elalubo tomoba sisinigi pelama, te dage bugagia bidiba homu yaibao, tagalao, te eno dwai genuai gasi dabe dageba tagala palama, te dage we bidi hauwa mu isaibao. Te dage dolobo sogo da, teda eno dage te boi bidi dabe augwali nogoba mawaibao,” te po wai.

Jopgo Po Asęani Elalubo Buku 36:12

Tiali goli, augwaligo po odisąma yali da, teda augwa boi bidi dabego augwali ela muagasaibao. Tama augwaligo magi nai augwali tigiba pedalaliwe olama, konegobeo,” wali.