Aisaia 1:13 - Godigo dwagi yai po buku

¹³ Dage odolali bomai sę elama, ofa nai dabe enaba sesigimio. Magi baso meni. Eno augwalibolo hagela yai dao. Tama me, dagego ulubo pauda denami eno gunide dwai denami pedalobo dao. Eno dagego gesi poluade, me Sabatde, me gasa lotu dabe dagego wabo eno me subo, hagela ebo. Magi baso meni. Duga dwai sęgęgo duga lotu dabe dolali.

Aisaia 1:13 Referans Kwoze

Aisaia 66:3

“Tiali goli, te augwa digi dobo homu wali pabo we bidi dabego augwa te haniani dwai kolesaga godolo mu eyu, tama augwa te enaba lotu mu obao, te homu ebao. Tiali goli, augwaligo enaba te ofa ebo tigidali te eno godolo mu me isąwai. Te augwaligo bulmakau elama, enaba ofa ebo sogo, eno suali, augwa te bidi elali tiwai ebao. Te augwa sipsip wai elebo sogo, eno suali, augwa te yowi elama, te enaba ofa tiwai yali. Augwa te wit dabe ofa ebo sogo, eno suali, augwa te kibu kaneme ofa ebo tiwai yali. Te augwa wiegi yai denami ebo hano ebo ofa ebo sogo, eno suali, augwa te tibo god piksa me deliba ofa ebo tiwai yai dao.

Malakai 1:10

Te Tigidali Bomo Elalubo Genuai Bidigo te po wali, “Te bidi me deligo eno be sunumi dabe palibaso da, teda dage te tomoba me pisąma, tama eno altade te dwai ofa dabe yabo sia me udulugobeo. Te usu dao. Magi baso meni, eno dagego ebo kolesagade wiegi yai pemene homu me ebeo. Tama te dagego enaba sesebo ofa dabe eno me sogobeo,” wai dao.

Matyu 15:9

Augwaligo te bidi dabego ola mani bomo yai po naga pusuyu te po wabo dao, “E te Godigo po dao.” Tama tibaso augwaligo olo naga enabolo lotu po wabo dao,’ Godigo te po wali,” Jisasgo te po wai.

Esekiel 20:39

“Te dage Israel hani da, ena, God Genuai Bidi, eno te tama po te dageba obao, te dagego homu godolo ebo wida, dagego duga te tibo god dabe wali pao. Tegobao, te dagego godolo yali homu simina ela siminao. Tiali goli, dagego te tiwai ebaso da, teda nosali dagego eno po odoyu, mu wali paibao. Dagego te duga tibo god dabeba ofa eyu, eno nogi da aiyaba munu me elalugobe dao,” wali.

Dwagi Yai Gesi Po Lukgo Asęani 11:42

Dage Farisi dabego duga gide ebo yalawai nai dwasianunu selama, Godibolo mabo dao. Te tama sę da dagego ebadi goli, te dagego doloba pai kolesaga ebo tagalu, te sęgę sai we bidi tau sabo menio, me dagego te God godolo mu ebo kolesaga ebo menio. Te tama tebo sę ebogo dage dene genuai mu saibao,” wali.

Joel 2:15

Dagego te bulu du Saionde te biugel naigo bu wao. Te we bidi dabeba weyu, te augwa nai habu selao, tama dagego augwali sisinama, lotu omainu yao.

Te We Bidi Dabego Jerusalem Hagede Gela Wali 2:6

Genuai Bidigo aga tempel be mu dolama, mu tagalali, te bidigo te gi be dolama, hųgila tagalabo tiwai tama yalio. Agai te Israel dabe augwali teba pelama, tama agaba augwaligo lotu po wagi pabo digi dolama, tagalalio. Tama te tiali kolesagago te Genuai Bidigo te lotu po wabo genuai sogo, me Sabat, si tama silalio. Tama te we bidi, augwali te Jerusalemde bidali we bidi, augwaligo agaba te lotu wabo sogo dabe ma lotu weyu ebeo. Genuai Bidigo te king me, pris dabe dali, agai sębę genuai mu yalio, tama agai augwali augwa sęde sela sąwanio.

Efesus 4:30

Tialima dagego tisiąwani da, dwai meda yai po weyu da, teda dagego te Godigo Mobo Bidi dwai homu dene mu ilaibao. Tama te dwali dao. Te Godigo Mobo Bidi aga wiegi yai tedali mu dao. Tama God agai dage ma dobola sai hagede te dage hagea siyu sa mumainogo eyu agai dagebolo aga Mobo Bidi mawai dao. Tama te Godigo Mobo Bidi dage dali bidibaso, dagego mu konebao, te God agai dage olo mu bidabo bidi nigilabo sogo te nosali mu pedalaibao. Tama tibaso, dwai po weyu aga dwai homu dene mu iligio.

1 Korin 11:17

Tialima megi eno te bomai po meba dagebolo mawainogo ebao, tiali goli dagego te ebo sęde te eno dage nogi ugwaba siyu dagego wiegi yai kolesaga mu ebo dao te eno wagobeo. Magi baso meni. Te dage sisinibo si, te wiegi yai kolesaga me pedalobeo. Menio. Te dwai kolesaga pedalobo dao.

Joel 1:14

Dagego te tigidali we bidiba wao, augwa te nai habu selemainao. Tama tigidali we bidi sisinagasomainu i olama, te lotu wagasomainao wali. Te polalubo tobolu bidi, me tigidali Juda we bidi, tama dage te Godigo be tomoba pelama, te dena Genuai Bidi, agaba i waiąo.

Bugagia Bidibo Kolesagade Po Asęai Buku 21:27

Genuai Bidigo te dwai kolesaga ebo bidigo ofa te wei mu me egobeo, aga tede sębę ebo dao. Tama te bidigo te tibo kolesaga wali peyu, te ofa ebaso da, teda Genuai Bidigo te dwai kugumini yai kolesaga mu da homu ebo dao.

Godigo Nogi Ugwaba Sabo Tęąbi Po Wabo Buku Dabe 78:40

Hauwa sogo augwa hagoma eyu, agai po sela sąyu, te bidi meni yai tǫ wa pai bulude bidiyu tiali. Tama hauwa augwaligo aga haliga sęgę ilali.

Tuni Bidi Dabego Po Elalubo Buku Deli 23:31

Tama augwaligo te tobage deli kolesaga te tigidali Sabatde te ofa ulubo sogo eyu, te gesi polua genuai bodolu side me, te gasa lotu wabo genuai side te sę yalio. Te bomai pode te po wai te Livai dabe nisu naga bidigo te sę dabe te deli deli sogo yabo bomai po elaluai. Sesemane sogo te Livai dabego te Genuai Bidiba lotu wabo sę elaluai dao.

Ma Dobola Sali 12:16

Te hasia deli sogo, me te a naga olama, me badu si sogo, dage sisinama, lotu po wao. Dagego te si sogo gasa sę me igio. Dagego duga tubo nai dabe naga dodolao. Te sę ebo naga te usu da.”

Filipai 1:15

Awe, eno koneani, augwali mebago konila weyu, eno nogide dwai homu eyu, tama eno nogi aiyaba elalubadi tama augwa nogi ugwaba momainogo eyu, tama augwaligo we bidibolo Kraisgo po pusubo dao. Tiali goli dago ama dede me badu augwaligo enade dwagi yai dolo homu eyu, Kraisgo po te we bidibolo pusubo dao.

Israel Hanigo Namba 10:2

“Megi dagego te kapa silva meba selama, hamago elama, te bu wabo nai biugel si nigiąo. Tama nago te biugel te nago te we bidi sisinagasomainu i wabo sogo me eliyu, me te painu doado bage sisi ebo sogo me eliyu yao.

Aisaia 66:23

Te genuai si tigidalide, te gesi poluade nanobo side, me tigidali Sabat side, te tigidali tǫ habu we bidi te asiyu, te ena geduba kidu sugunama, enaba lotu waibao, Genuai Bidi dao.

Hosea 2:11

Te eno agai te wiegi yai homu pemene ebo te genuai side wabo te tigidali mu silimainu yaibao. Te genuai side da wabo te tiwai, te lotu wabo genuai side te deli deli kibu bede pedalu, te deli deli poluade pedalu yai, tama te Sabat side lotu wabo me, te gasa tobage lotu dabe me, te tama tiwai yai.

Pris Sę Ebo Bomai Po 26:31

Te eno dagego taun dabe me lotu be dabe dolaibao, tama eno dagego te ebo ofa dabe homu godolo me egobeo.

Te Israel me Juda Hani Sigo Tuni Bidigo Po Elalubo Buku Si 4:23

Tama aga bidigo te po wai, “Magi baso nago homugo nage megi tama polo paiwe? Nago homugo te Sabat bodolude sabolagasobo tonalubo meniwe, ma te gesi polua genuai bodolude pedalubo tonalubo meni da, agawe?” Tama wego te po wali, “Tagalao, ena homugo dao. Nage dua bidao,” wego te po wali.

Bugagia Bidibo Kolesagade Po Asęai Buku 7:14

“Te megi eno te God dali deli homu ebo ofa me deli yali, te eno polobadu wali po tiwai gilama, tama te ofa yali nai me dage te eno bede munalubao,” wali.