Godigo Sęba Tagala Palai Bidigo Po 9:8 - Godigo dwagi yai po buku

⁸ Tama te bidi Sol agai sągągo doligiluali. Agai gedu si pedama, suali, agai gedu tigidali hulia sai elaluali. Tama tibaso, augwaligo nogo tulasa pelama, Damaskus be nani tomoba pali.

Godigo Sęba Tagala Palai Bidigo Po 9:8 Referans Kwoze

Godigo Sęba Tagala Palai Bidigo Po 22:11

Tialima, eno gedu tigidali halua sali. Magi basowe? Te genuai sole ula gagawai nai eno geduba dolama, eno gedu hulia selama, hǫsana pai dao. Tama ena dali pali bidi dabe augwaligo ena nogo tulama, Damaskus be nani tomoba odasa pali.”

Godigo Sęba Tagala Palai Bidigo Po 9:18

Tama polo te Solgo gedude abolo tiwai elaluali nai polo tulaluali. Tulalubaso, te agai gedugo tigidali nai ma bugagia suali. Tama aga dolaluama, Ananaiasgo aga baptais mani.

Godigo Sęba Tagala Palai Bidigo Po 13:11

Tama Genuai Bidigo nogogo nage geduba elaibao. Nago gedu hulia selama, giliga ge osogo sugobeo,” Polgo te po wai. Tama polo te hano tiwai te bidi Elimas aga gedude halua selama, hulia si elaluali. Aga nogo dali sągą dali sigo naga tų gege pali. Agai homugo ‘Dego ena nogo tolama, tų ola magowe?’ te homu elama, bidi gegali.

Tigidali Nai Gagalama Nigali Side 19:11

Nosali augwali sigo te tigidali bulubadu bidaluali bidi dabe augwali gedu paliali. Tama gedu widai bage tiwai osogo bidiyu, tama augwaligo te be sunumi gegabo usu me isiąwai dao.

Ma Dobola Sali 4:11

Tama Genuai Bidigo agabolo te po wali, “Niwai bidigo te we bidibolo po wabo pedauwali te mabo dawe? Niwai bidigo te bidi odo dega weyu, te pedauwali paliyu ebo dawe? Tama dego te gedugo tonono bilimainogo eyu, ma te gedu widao po wabo dawe? Ena, Genuai Bidigo naga, eno tama tiwai kolesaga ebo dao.

Tigidali Nai Gagalama Nigali Side 14:15

Te bulude te Abram aga hani si bugali. Tama te hani sigo te gavman tuni bidi hani me si me si dali augwaligo hulide hwįani, tama augwali ugwaba igulama, te augwali aiyaba elaluali. Augwaligo te boi bidi dabe augwali pobasa pali, te giliga degebo bogo badu te Damaskusba sabolama, te ela solama, te Hoba te badu usu nigi pelama,

Godigo Sęba Tagala Palai Bidigo Po 9:9

Te sela sogo agai gedu me hulia sai elaluali. Tama te sela sogo agai nai me ąį me tube.

2 Korin 11:32

Te polobadu eno Godigo sę edubadi, me sogo ena te Damaskus moni hanude bidibadi, te tobolu bidi me deli aga te tuni bidi Aretas dologode bidali. Tama te tobolu bidi agai te Damaskus hanu buluba pabo tųde tonalubo bidi muani. Agai ena selama kalabus ilainogo yali.

Galesia 1:17

Tama Godigo ena i wasiąbadi, agai gasa bidi dabe aga po sela pabo bidi dabe nigilai dao. Augwali Jerusalem hanude bidali. Tama Godigo enabolo aga ogwa waselama, tama nosali ena augwali dali te sęde po miainogo ena Jerusalemba pabeo. Te menio. Eno te bidi meni yai tǫ Arebia teba osogo bidigi pai. Tama nosali te tǫ tagalama, tama ena te Damaskus buluba bidigi pai.